بالنسبه لأستفساراتك عن المشروع وهي كما يلي :

ــ افضل العماله في هالمجال هم ( الأتراك ـ الهنود ـ الفلبينيين ) ويعتمد على نوعية الوجبات اللي بتقدمها , بمعنى
( الأتراك = تخصصهم المشاوي والشاورما والفطائر )
( الهنود = تخصصهم للتسالي والساندوتشات والاكلات البحريه )
( الفلبينيين = تخصصهم لوجبات الهامبرجر والبيتزا والاكلات الغربيه )

ــــــــــــــــــــــــــــــــــــــــــــــــــ ـــــــــــــ

ــ بالنسبه لحفظ حقوقك اذا أجرت المحل فهذي مافيها الا الثقه , والعمال على كفالتك طبعاً وهذا اكبر ضمان لك وانت بتكون حولهم يعني منتب بعيد , طبعاً الايجار خله شهري عشان تقدر تسيطر عليهم وتضمن تسديدهم .

ــــــــــــــــــــــــــــــــــــــــــــــــــ ــ

بالنسبه للتراخيص وضعها عادي جدا , أهم شي قبل ما تستأجر حدد المحل ومر البلدية وشف وش رايهم بالمحل ... هل يوافقون عليه ولا لأ ..
وباقي الأجراءات سهله وواضحه ..

امسك طريق التخصصي باتجاه الشمال وانت جاي من العزيزية بنده بيجيك شارع الثلاثين العليا خذ يمين كأنك متجه لمجمع المطاعم , العماره اللي قبل المجمع مباشرةً شف فيها مطعم ساندوتشات بحرية ( جمبري وسمك ) مشوي ومقلي ومن هالشغلات .
الوجبات هذي شغلها روعه وممتازه وعليها اقبال وغير منتشره , مرهم وشف الوضع واي استفسار مستعدين ..

يوه خساره تحطيم هالبلدية هم ونظامهم ما دريت والله عن انها ممنوع
لان زوج خويتي يداوم بشركة نظام شفتات المنطقه عموما صناعية بها اكثر من شركة نظام عملهم شفتات يبون مثل هالحركه مافي نظام بوفيه عندهم بالعمل يقدم لهم الغدا او العشاء او الفطور هم يطبخون عاد شف الابداعات شي ينوكل وشي يسد جوع بس ماش مالنا بالطيب نصيب
نظام الضمان الاجتماعي عامل مشروع الاسر المنتجة يساعد في المشاريع اللي تفيد الفرد وكذلك عبد اللطيف جميل عامل نظام تمويل المشاريع بخصوص البوفيه المتنقل كنت ناويه انا اللي اطبخ كل وجبة بوقتها اللي لابد تكون حاره في الصواني حقت البوفيه اللي تحتها شمعه تخليها ساخنه على طول ثمن ينطلق العامل بالسيارة ويقوم بدوره وذلك بوقت البريك حق الموظفين تكون السياره واقفه عند مدخل الشركة منها الوحده تكسب الاجر بهالموظفين ومنها باب لرزق الحلال
طيب اخوي فتى نجد نقول البوفيه المتنقل ممنوع الكوفي شوب المتنقل مسموح والا كمان ممنوع؟
بالتوفيق للجميع

شخصيا لا أفضل النسخ التجاري للمشاريع

وموفقين