اي والله ياليتهم يفيدونا
انا مثلك من زمان افكر بهالمشروع
وشلون نجيب العماله وكيف طريقة الترخيص و و و....

كل هذي الأسئلة اللي قلتها ما أدري عنها شي بس أدري عن شي واحد من واقع تجربة خليك أول شخص يذوق اللي يسونه لأن مذاق الشي بيجذب أو ينفر الزباين وشف موضوع كتب الطبخ للوجيات السريعة يعني لا يكون مطعمك النسخة المليون من المطاعم الموجودة بتقول وجبات سريعة يعني الهمبرجر جاهز أقولك تقدر تخليه طازج يعني هم يسونه وهكذا في باقي الشغلات
يعني بقدر أهتمامك في العمالة والتصريح أهتم دبل باللي قلت لك.

وبالتوفيق

موفقين بس اهم شي انك تكثر للناس الكاتشب والمايونيز

اذا انت من جده عندي موقع مرة كويس يكون وجبات سريعة

مطعم وجبات سريعه تقصد بوفيه
الصراحه يعتمد على نوع الوجبات السريعه اللي بتقدمها
انا اشوف تسويلك مطبخ وبيع من ذا البخاري ودجاج شوايه وخلافه
واذا على العمال افضل اليمنه شغلهم نظيف
واهم شي عندهم الامانه ياسيد عيني ومافي داعي تستقدمه متوفرين بكثره
او تفتح لك بقاله افضل
والله يوفقك ويرزقك بالرزق الحلال....

شرايكم بالبوفيه المتنقل مو مربح؟
فيدني يا اخوي فتى نجد لانها بخطتي الجاية باذن الله
انا اشوف بهالهافمون هالنوعية من السيارات لكنها تبيع العاب ما تبيع وجبات شاريين ديانا وبحوضها حاطين زي الغرفه مفصله بالشينكو وحاط مطور ومكيف شكلها الخارجي كانها كشك يصلح لعمل بوفيه قبل سنين لرحت الهافمون كانو يبيعون ساندويتشات وبليله
لاني اشوف هالشي اندثر وتقدرون تسوونها عند الحدايق الاماكن اللي تحسون ان مافيها هالخدمه قريبه منها وتتنقل لا ما مشا الحال هنا تنقل هناك ولا بها ايجار ولا زحمه
الحين يوم اروح لمحلات البوفيه اشوفهم مسوين الكبده واللحمه المفروم وحمسة اللحمه والفلافل جاهزه مغطية بصحون زي حقت البوفيه ياخذمنها ويحطها بالصامولي ويسخنها لي ويعطيني اياها بس ماشوفه يطبخ ... الشغلات اللي تحتاج انها تكون طازجه زي البيض وغيره هذا هو يسويها بوقتها ..تقدرون تحطون من ضمن البوفيه زي خدمة الكوفي شوب اشوف محلات الكوفي الصغنونه اللي جنب المحطات عدتها بسيطه ومساحة صغيره وكمان ضيف خدمة بيع الايس كريم ودونات وكيك هنا يكون الواحد ضرب ثلاث شغلات بواحد والا شرايكم؟؟