14-09-2011, 10:13 AM
|
 |
عضو مهم
|
|
تاريخ التسجيل: Nov 2010
الدولة: الرياض
المشاركات: 258
معدل تقييم المستوى: 17131
|
|
|
لمن عنده الخبره فصلت من مدرستي بسبب تنورة تدعي المديرة انها ضيقة ؟؟كيف اخذ حقي
السلام عليكم ورحمة الله وبركاته ,,,
صباحكم ورد وعسل
حابه اطرح مشكلتي وياليت تدلوني ايش اسوي انا موظفة في مدرسة اهلية من سنتين وهاذي السنه الثالثه مديرتنا تظلم وتجور ومشاكلها كثيرة مع الموظفات واسلوبها زفت لابعد حد والوكيلة فلسطينية قلبها اسود علينا ومشكلتنا ان المديرة تملي عليها الوكيلة كل شي >>>المديرة حكومية
كثير اعاني من مديرتي ولا هو بس انا جميع موظفات المدرسة ...
عندي تنورة البسها من العام ولا عمرها لاحظت عليها شي جا يوم السبت طبعا كانت جايه من البيت معصبة ومنفسه قالت غيري تنورتك ضيقة وواصفة جسمك قلت لها تنورتي هاذي اشرت عليها .... قالت ايييه قلت هاذي تنورتي الترم الي طاف 3 شهور لابستها ولاعمرك علقتي عليها
صح العام لاحظت علي في تنورة لبستها مره وحده وهي تنورة سكني موديلها ضيق ومن اول تنبيه غيرتها ... بس هاذي التنورة الي نبهتني عليها
الموهم بصراحه من كثر الي شفته من سنتين وانا مكبووووته منها قلت لها هاذي تنورتي العام وينك نايمه عنها ؟؟؟
هي انصدمت من ردي قالت ماعليش توني صحيت
وطلعت من غرفتها راحت كتبت مشهد في الي حصل وانا من استهتاري ابيها تسكت وتنطم عني لاني اعرفها لو ماوقعت بتحطني في بالها وتسوي لي مشاكل
كاتبه في المشهد ان التنوره ضيقة ولا تستطيع ان تمشي منها خطوه الموهم اني وقعت ابيها تسكت
اليوم الثاني داومت في نفس التنورة لقيتها اصلا اتفقت مع صاحب المدارس في انهاء عقدي قالت تعالي وقعي ورفضت اوقع قلت مو سبب مقنع تفصليني عشان تنورة
حتى زميلاتي في المدرسة انصدمو بنت الوكيلة العام كانت تلبس ضيييق مره ولا عمرها كلمتها
الموهم دخلت ع غرفة المعلمات قلت تشهدون معي ان تنورتي واسعه وشوفوها الحين
قالو ماراح نقصر معك لو احتجتينا اكيد راح نشهد معك ....الكل انصدم تنورتي والله عاديه
كلمت صاحب المدارس لقيتها كاذبه عليه قالت له ان تنورتي قصيرة وضيقة وانا والله ان تنورتي لحد الكعب وش رايكم ؟؟؟ كذاااااااااااابه
والوكيلة لفقت علي تهم بدون دليل
الموهم طلبت شهادة زميلاتي والبعض منهم وقع والباقي خافو قالو لي وين بتودين الورقة قلت بوديها للتعليم الاهلي او وزارة العمل ولا اذا طلبها صاحب المدارس بعطيه الورقة
الموهم خافو زميلاتي قالو احنا عشانك راح نكلم صاحب المدارس ونشهد لك بس صعبة نوقع ع ورق نخاف تشوفها المديرة ولا الوكيلة يمكن احد يوصلها لهم
وصاحب المدارس يقول هاتي الورقة اشوف شهادة زميلاتك قلت اتصل عليهم قال م مو حلو اتصل واقول كيف زي فلانه وانا مابيهم يعرفون انك كلمتيني
وش السووواة مع المديرة ليه مالنا نظام يحمينا المدارس الاهلية متى مانفست المديرة تقطع ارزاق الناس عادي لاحسيب ولارقيب ؟؟؟؟
انا ابيها توقف عند حدها وابيها عبرة لغيرها لانها راح تتمادى على الكل
هاذي قصتي تكفون الي عنده راي يحل الموضوع لايبخل علي فيه
فكرت اطلب محضر تحقيق بس مادري وشلون
ملاحظه / قبل كذا صار لي كم موقف مع المديرة والوكيله ودايما اخذ حقي منهن ولا اسكت لهن بس بحدود الاحترام هذا الي جننهن يبون وحده يمسحون فيها الارض وماتتكلم
التعديل الأخير تم بواسطة ساره العنزي ; 14-09-2011 الساعة 10:23 AM
|
العرض العادي
