مشكورين على مروركم بس انا اللي ابغاه اشوف انسانه بهالدنيا تحبني وتكون معايه لاني حاس نفسي ضايع بهالدنيا ابغي اروح معها بكل مكان واسعدها وتسعدني ومابغي اروح اعاكس او اسوي شي يغضب ربنا ابغي الستر

والله طلبت من اهلي يزوجوني ورفضو والسبب اني سنه اولي جامعه فقلت دام المسيار حلال ليش ماتزوج

ومشكورين

الزواج مو لعبه
والمسيار مخراب
وبعدين لا تستعجل توظف عسكري والا وظيفه مناسبه وتزوج
وبعدين توك ورع
حنا عمرنا اكبر منك ولا الحين ما تزوجنا

بالعكس شي حلو تعبر عن مشاعرك وأحتياجاتك يعني صادق وبدون لف ودوران
وهذا حق من حقوق أي أنسان إنه يكون أسره ويسكن لها وهذي رغبه طبيعيه وهذا وقتها

بسس تتزوج مسيار عاد ؟

ياخي أنا قريت عن واحد يقول تزوج مسيار مدة أسبوع بـ 5 آلاف ولازم يطلقها
بعد أسبوع تبيك تفارق عشان عندها حجوزات غيرك

أفرض أحملت وقالت تعال هذا ولدك ؟؟؟ وبتقول أنت لااا مو لدي خل نسوي فحص DNA
ويصير مسلسل تركي

ياخي أنت تبي خوال لعيالك أصل وفصل تبي شي مشرف
قولي مين تتزوج مسيار وهي بهالمواصفات ؟

عموما أنت بمشكله الرغبه والأستقرار تبي أي شي وخلاص
مالك حل إلا تشتكي لربك وتطلب تيسر الحال وثق بالله أنه بيسر لك كل خير واستخير

أما تتهور بكرى مع الوقت بتقارن نفسك مع غيرك وبتقول أخوي أو فلان تزوج بنت فلان
أو بتقول خوال فلان أو أي شي بتحس نفسك أقل شي

أحيانا الناس تقول مو مهم النسب والأصل بس بالواقع لااا
والدليل الرسول عليه الصلاة والسلام من أعلى أنساب قريش ومافي شك أن هذا عز له

الله ييسر لك أمرك ،، آمين

فكر بعقلك ولاتفكر بقلبك ..

شي جميل انك تفكر تحفظ نفسك بالزواج وتستر نفسك ، ولكن هناك تبعات لهذا القرار ومن بينها النفقه

كيف بتعيش بنت الناس معك وانت لسى بأول جامعه وماعندك مصدر رزق ثابت ..

وفي نفس الوقت تقول ابغى أسعدها

وبالنسبة للمسيار فهو محرم شرعاً ومااظنك ترضى تبتعد عن الحرام عشان تقع فيه مره أخرى ..

فنصيحتي لك بالإجتهاد في دراستك ونيل الدرجات العاليه ومن ثم الوظيفه عشان تكون نفسك ومن بعدها تقدر تتزوج

وربي يوفقك يارب ..

اعرف ناس تزوجو ع 40 صبرو لين زان حالهم

ولاتشيل هم تكاليف الزواج والمهر تختلف من ناس لناس انت خلك في الاهم خلص دراستك وتلقى اللي بتسعدك وتسعدها

اما زوآج مسيآآر انا ضده اولا لانه حراااام وخرااب ومال امه سنع و حرموه العلمآآء وتاكد من دار الافتاء بعد انت ولاتاخذ العلم من اللي مسوين فيها ..~

توك صغير تزوج ع 27 ولا28 زواج علني وفرح قلب امك موتصدمها

اللحين لاتحصر تفكيرك بالزواج اشغل وقتك بدراستك فلها وعيش عزوبيتك اطلع مع ربعك مع اهلك سافر استانس واذا انت خايف انك تغضب ربك في حاله وحده اذا كان ايمانك من هالناحيه ضعيف يقواك الشيطآن بس تذكر كل دقه بدقه ..؟ ولا صوم اقتداء بسنة نبينا و في اشياء كثيره اهم من الزواج حاليا كيف تكون مستقبلك لزوجتك وعيالك من تخرج وظيفه وميولك

انت لاتصير عاطفي كثير..! حط مشاعرك واحاسيسك بالفريزر موقت بس ^_^

مااقول الا الله يوفقك للي فيه الخير والصالح
والواحد يبي الستر الله يعطيك ع قد نيتك وبما انك ماقدرت تتزوج زواج
علني وموثق مالك الا تصوووم وبالنسبة للعمر ترا والله مو مقياااس ابدااا
يعني يجي ابو١٨ بعقل رجااال وابو٣٥ بعقلية مراهق وطايييش لابعد حد
الدعوا مو بالعمر ياللي تقولون صغير الدعوا اكبر من كذا يعني لو هذا
سنك ومتوظف كان سهل انك تتزوج بس ماامنت روحك بوظيفة جدا صعب
الله يوفقك يااارب ويكتب لك اللي فيه الخير

نصيحه لاتكسر فرحت امك ماتستاهل خصوصا اذا كنت ولدها الكبير