السلام عليكم ورحمة الله وبركاته


اخواني اللي قدم على سلاح النقل يروح يتاكد من اسمه موجود والا لا ..

وسالفة انها تطلع النتايج بالجرايد والا بالنت هذي ما خوذ خيرها .. قدمت باكثر من قطااع

لكن مثل الجيش وربي ما شفت
.. همجيه لابعد الحدود .. ما في ترتيب .. تنظيم انسى .. معك واسطه حتى لو كان لوح
تمشي امورك سلام سلام ..

بقولكم قصتي وان شاء الله تستفيدون

انا قدمت العام على سلاح النقل بشهادة الكفاءه مع رخصة قياده بالخرج
الموووهم ماني متذكر طلعت نتايج او لا ,, لاني وقتها ماكنت ابي الجيش+كنت باخر سنه ثانوي
+ كنت ابي اي وظيفه عسكريه بالمنطقه الشرقيه بحكم اقامتي فيها

دقو علي بشهر 11 العام
قالو: لي وين تبي التعيين
قلت :منو وياي
قال: سلاح النقل والحين بنرفع اوراقك للرياض وبعد شهرين او ثلاثه بنتصل عليك تراجعنا عقب ما ترجع اوراقك مع قرار التعيين (( على رقم سائق))
قلت :ابي التعيين بالشرقيه
قال :الشرقيه مافيه,فيه الخرج او الحفر او الخميس او تبوك
قلت: اوكي , ارفع اوراقي على الخرج
قال: ان شاء الله
قلت :اراجعكم بعد شهرين
قال :لا حنا بندق عليك
انتهت المكالمه

نسيت الموضوع وقلت ان اتصلو افكر بالموضوع وقتها

الموووهم جاء تقديم ثاني سلاح النقل (( اللي بشهر ثمانيه ))
ومابغيت اقدم لولا الحاح اخوياي وولد عمي
توجهنا للخرج وقدمت هالمره بشهادة الثانوي مع الرخصه وطنشت السالفه
لاني بصراحه كان املي بشي اكبر من الجيش او اهم
المموووهم
جاء تقديم الدفاع المدني والامن العام وانا كلي امل فيهم وما كنت مهتم بالجيش لاني كنت انتظرهم على احر من الجمر
قدمت وللاسف النتيجه(( نأسف لم يتم قبولك )) بصراحه انصدمت وخنقتني العبره
قررت اي تقديم يجي حتى لو كان على بند الاجور او المستخدمين اني ما افوته

,, اخوي كان مقدم معي بشهر 8 العام ,, واتصلو عليه بشهر 8 السنه هذي قبل رمضان
ونفس موالي وين تبي التعيين ولا تراجعنا حنا بندق عليك
اخوي طنش كلامهم وراح يوم 12-10 بداية الاسبوع هذا
ولقى اسمه وعطوه اوراق العمده والبصمات وامس كان مسوي الكشف الطبي
,, دعواتكم له بالتوفيق,,
الموووهم انا رحت امس ودخلت مع اخووي وقلت له انتم دقيتم علي من فتره وابيك تشوف رقمي
(( اظن رئيس رقباء )) ما ني متذكر اسمه اول ما قلت له انكم دقيتم علي من فتره ومعي عمومي ,, وربي حسسني اني معي جامعه مو رخصه ,, الجيش ما يفكر بشهاتك اهم شي الرخصه
الظاهر محتاجين سواقين
قالي معك صوور
قلت لا ليش
قال علشان اعطيك الاوراق وتطلع مع الشباب تسوي المستشفى
قلت اوكي اروح اتصور الحين وارجع
قال اوكي , بس خلني اطلع رقم معاملتك علشان رقم التعيين
قلت اوك
المووووهم شيك مالقى شي
قالي متاكد اتصلنا عليك قلت ايه ليش اكذب
وقعد يدور بالكمبيوتر ما لقااه
دخلني على رئيس رقباء ثاني وقاله موضوعي وانه يبي يعطيني اوراق المستشفى والعمده والبصمات ويرفع اوراقي للرياض وكلها عشره ايام والمعامله راجعه برقم التعيين

الرئيس قعد يحكك براسه شوي وهو يقول لو درى الضابط رحنا فيها ., معلش ما نقدر نساعدك
طيب حاولو منا والا منا والا منااااك .. مابوووه فايده باين انهم خايفين

المووهم سألتهم عن التقديم اللي صااار بشهر 8 هالسنه قالي راجعنا نهاية شهر 11
وبعد كل فتره وفتره شيك علينا
على فكره مو بس انا كنت اراجعهم في كان 2 جايين من جده واحد لقى اسمه والثاني لا
وانا طالع كانو 3 جايين يستفسرون بعد عن اساميهم
هذا اللي صااااار معي امس بسلاح النقل
الخلاصه
1-انهم ما يعلنون على الارقام
2-اللي معه رخصه ومقدم عندهم يراجعهم بستمرار
3-الارقام بترجع من الرياض نهاية شهر ذي القعده
4-للاسف الى لان ما صار شئ على تقديم هالسنه
5-اللي مقدم من العام يروح يراجعهم ارررب انه يلقى اسمه سواء معه رخصه او لا
6-اتمنى من اللي يقراء الموضوع يدعي لي بالتوفيق والرزق الصالح
7-اعذروني لاني ما نزلت الموضوع امس لاني والله ما دخلت الدمام الا مع صلاة العشاء
وانشغلت شوي وقلت بنزل الموضوع عقب مباراة البرشا وما قدرت من النوم الي فيني
لاني كنت مواصل لي يويين
هذا اللي صاااار معي بسلاح النقل

اي استفساااار انا جاااااهز

على فكره فيه تقديم بالخليه بدا التقديم يوم 12-10-1431
وانا راجع قدمت ملفي عندهم وسالني وين تبي التعيين قلت له الشرقيه
قال اوكي راجعنا بعد اسبوعين علشان رقم المعامله وبعدين تراجع الشرقيه

اذا عندهم ما تطول كلها اسبوعين ويدقون عليك ويعطونك اوراق المستشفى وتداوم بعد ما تخلص
واللي يبي منطقه ثانيه اسبوعين يجي ياخذ رقم الملعامله ويرجع المنطقه اللي هو يبيها

يبون رخصه عمومي حتى لو معك سادس ابتدائي هذا كلامه لي

بالتوفيق للجميع

للرفع

الله لا يهينك يعني اروح لـ سلاح النقل الي بـ الخرج الي قدمت من عنده ؟ اشوف نتيجتي ؟؟ هناك ولا لا ؟؟


انا مسجل بـ تاريخ 5 / 8 / 1432 هـ أروح لهم اشوف رقمي وارجع ولا كيف ؟؟


تمنيآتي لك بـ التوفيق ارجو الرد وبخصوص التسجيل الي بـ الخليه ؟؟؟ اي قطاع بـ القوات البريه { الصيانه ولا النقل ولا المشاه }


ارجو الرد اللله لا يهينك

الله يوفقك
وعقبالني انا والعاطلين

أهأ أنأ أحسبه التسجيل الي الحين ؟؟ ذا { الي قبل شهرين ونص }


طيب بسالك ما قلت لي التسجيل الي فاتح بـ ألخليه الي ب ـا الرياض ؟؟ لـ الحين فاتح يعني اروح لهم يوم السبت انشالله ؟؟ فيه شئ ؟؟؟ تمنيآتي لك بـ التوفيق الدائم وتحيآتي لك وارجو الرد

لاني بـ اجهز أوراقي انشالله من الحين وبـ اشوف انشالله خير

تسجيل الخليه فيه تقديم
بس يبون رخصه عمومي حتى لو معك سادس << هذا كلامه لي

والرخصه تقدر تطلعها بعشره ايام


شبااااااب لاحد يصدقهم اللي قريب يروح يراجع يمكن قاعدين يصرفوني

يالغالي الله لايهينك

ابي استفسر عن التقديم الي تقوله بمسمى الخليه

وش وضعه من ناحيه الراتب الترقيات التعيين

كم دورتها