السلام عليكم ورحمة الله وبركاته
أنا صراحة أبغي أعرف الفرق بين دورات الحاسب الآلي واللي تُحتسب لها نقاط أكثر في نظام الخدمة المدنية؟؟
لأني رحت اليوم معهد النيوهيوراينز اللي في جدة ، وحيرتني الموظفة بين دورتين ؟
1-دورة كامبردج معتمدة دولياً و محلياً من الخدمة المدنية. وسعرها 3200 لمدة 3 أشهر
2-دورة إدخال بيانات معتمدة محلياً فقط من الخدمة المدنية وسعرها 4000 لمدة6 أشهر
طبعاًً الفرق كبير بين الدورتين في المدة و السعر،
لكن قرأت في منتدى آخر أن دورة كامبردج تُحسب ب2 نقطة في الخدمة المدنية وأنها مهمة كمان في ترقية الموظفين؟؟
وأنا حالياً محتارة جداً جداً أيش أختار بين الدورتين ؟!
أتمني يا أخواتي و أخواني تفيدوني أكثر
في إنتظار ردودكم و شكراً

بالتوفيق يارب لو حابه دورات تدريبيه عن بعد عبر الانترنت

وعليكم السلام ورحمة الله وبركاته

بدون تردد اختاري

شهادة كامبردج الدولية لمهارات تقنية المعلومات , مدة دراستها تختلف بين المعاهد وتختلف بين طالب وآخر , حيث يمكنكم الدخول إلى الاختبارات مباشرة إذا كنتم متمكنين من المادة بالخبرة والممارسة , ممكن السعر يقل إذا لاتحتاجوا تدريب والله أعلم .


يوجد نوعين من شهادة كامبردج
الأول : شهادة كامبردج الدولية الآساسية لمهارات تقنية المعلومات .
تعادل 3 شهور بالخدمة المدنية وهي 4 وحدات (4 اختبارات), وهي البدل للرخصة الدولية الابتدائية .
الثاني : شهادة كامبردج الدولية المتقدمة لمهارات تقنية المعلومات .
تعادل 6 شهور بالخدمة المدنية , وهي البديل للرخصة الدولية لقيادة الحاسب الآلي ICDL التي تم إلغاء تصريحها بالسعودية قبل سنة تقريباً .
وهي 7 وحدات (7 اختبارات )


وبالتوفيق لكم

أختي الحين الخدمة المدنية ماعاد تطلب الخبرات في التقديم ما أدري بيكملون كذا أو أنهم بيرجعون يحسبون الدورات
أما بالنسبة عن الدورات اللي ذكرتيها أنا أسمع عن دورة كامبردج أنها قوية لكن أسألي أكثر عن تفاصيلها

خذي دورات وطوري من نفسك وممكن تفيدك في وظائف أخرى أو
بعد الوظيفة في بدل أو شيء لكن نقاط المفاضلة في الخدمة المدنية للترشيح
ماعاد يحتسبون فيه الدورات والخبرات.

عموما خذيها تفيدك وتنضاف الى مؤهلاتك ..ماعاد نعرف للخدمة المدنية كل شوي طالعين بقرار لا تستبعدون انهم يرجعوا الدورات والخبرات

متى يكون وقت الدوره صباحي ام مسائي؟؟

وهل فيه معاهد تعطي هذي الدورات بنفس الجوده والاعتماد من قبل الخدمه المدنيه لكن بسعر اقل؟