ما هي هواياتكم

أم الوظائف · #21 (**permalink**) 22-01-2008, 04:41 AM

القراءة....
المكيااااااااااااااااااااااااااج>>كوافير..
الرسم>>>مو دايم...

هواية غريبة اذا خرب جهاز احب افككه واعرف ايش اللي خربه

.................................................. ................
راعي الجوف حنا عندنا كبت المواهب والهوايات...
يعني اذا الطفل يحب الرسم تلقى امه وابوه كل شوي صارخين بوجهه ظف اقلامك حست البيت...
اذا الطفل يحب فك الاجهزة واعادة تركيبها >> تلقى البيت كله يصرخ عليه>>> هذا حالي

والبنت ياعني مقرودة... لانها في قائمة العيب والممنوع .. وانتي بنت قبيلة ...

ممنوع المشي بالحارة عيب واغزياه... والمشي على الكورنيش لازم له شحادة وطراره وبالغالب الاجابة ماعندي وقت... فري بالسطح... السطح ممنوع لانه افرضي قعدتي تفري بالسطح و شافك ولد الجيران

السباحة هذي من الكبائر... ممنوع اخذ دورة سباحة>>> بخاطري فيها بس ممنوع...

الرسم في الوقت الحالي يلزم له الوان ولوح>> والاخ الكريم مو فاضي كل يوم يوديني ابي ريشة ابي لون...

يعني خل الهواية تخمد احسن لها....

بس بصراحة واللي انقهر منها... بنات السنة مافيه مواهب... وبنات الشيعيات رسامات درجة اولى... لوحهم تاخذ العقل... واعلماهم روعه...كنت بالكلية اشوف رسوماتهم فن مثل الايرانيين..

وحنا على المزهرية وثلاث وردات طالعات منها...

*مشـK.S.Aــمشــ* · #22 (**permalink**) 22-01-2008, 05:46 AM

بالعربي مافيه اي هوايه
لكن عندما يصك الطفش على بركن
اروح بالسيارة واقعد افك فيها واربط وعلى هالموااااااااااااااااال

ام عبدالله · #23 (**permalink**) 22-01-2008, 05:54 AM

من هواياتي :
-التصوير بنوعية الفوتوغرافي والفيديو

-متابعة الألكترونيات والأجهزة التقنية وخاصة الجوال والكمبيوتر وما يتعلق به

-القراءة على خفيف

-بعض الأوقات أطيح لك في الفوتوشوب وهات ياتصاميم بعضها يكمل وبعضها يتوقف حتى تجي نوبات أخرى علشان أكمل (اجلس بالأشهر عن التصميم)

-الإبحار في النت

- اموت بشئ اسمة كشتة(طلعات البر)وخاصة إذا صار الجو غائم وإذا صار ممطر فهو روعة (هذا إذا تكرموا وراحوا بنا)(احس هذه الهواية اندثرت لأن لنا وقت ما كشتنا "يقولون يكفي تشوفين كشتات في المجد وكأنك كاشته )

ومشكور على طرح هذا الموضوع وإعطاء المجال للفضفضة

بحروسماء · #24 (**permalink**) 22-01-2008, 08:22 AM

عندي هوايات من كثرها صرت انسى بعضها
اللى اتذكر منها ادرج على الوايت في العصرية اسقى الحلال ماء
القناص والطردي خاصتنا في الحرة مواسم الضبان والجرابيع
جمع الطوابع والعملات وايضا المراسلات في مجلة ماجد<<<قديم

mnw · #25 (**permalink**) 22-01-2008, 08:25 AM

هواياتي

أحب المكياج ودايم في زواجات أخواني وخواتي أنا بنفسي أحط مكياجي وأتابع اللبنانيات في البرامج وأشوفهم كيف يحطون المكياج لانهم مررررره فنانات فيه
وصاروا بنات عمي وخالي دايم يجون عندي علشان احطلهم مكياج
لا وصرت اسوي دورات للبنات اللي راح يتزوجوا أعلمهم أصول المكياج <<< بسام فتوح على غفلة

القراءة أحب اقرا الروايا ت العالمية فقط مو اي رواية مثل البؤساء رواية خيال وكتب متنوعة بس على حسب المزاج

السباحة مره وحده بالاسبوع فقط مع كل بنات عمو طبعا الان ما فيه سباحة مع ان الغرب المهابيل يسبحون في عز الشتا وتشوف قطع الثلوج حولهم

لعبه اسم حيوان نبات جماد بلاد عندي استعداد العب هذي اللعبة على مدار 24 ساعه العبها مع البنات ليييييييييين تحوم كبودهم مني لدرجة ان اختي صارت تعرف وش راح اكتب حفظتها صمم,, أنصح بلعبها جماعه.... وياليت الاحرف العربية كانت أكثر من كذا

وأخيرا الطبخ بديت أطبخ هذي الايام بعد ما كنت ما أعرف أسوي شي صرت فنانه بالطبخ تدرون ليه؟؟؟؟؟ من البطالة لا شغلة ولا مشغلة لما أشكي لاخواني إني فاضية يقلون روحي قشري بصل قطعي طماط وفعلا طحت بمواقع الطبخ وصرت أطبخ وأنفخ طبعا كل العايلة الكريمة مبسوطة من هذي الهواية

موضوع رائع جدا وسؤال مهم ليه الاهل ما يطورون هوايات عيالهم؟؟؟
لان هم أنفسهم ما عندهم اي هوايات ويشوفونها خرابيط وتضيعه وقت

يسلموووووووووووووو راعي الجوف

أمل عمري · #26 (**permalink**) 22-01-2008, 09:19 AM

احب الرسم واحب الفن التشكيلي عامة
احب التصوير الفتوغرافي اموووت عليه ونفسي الاقي دورات فية عشان اتعلم اكثر واكثر
غير كذا اكتب روايات وأقرأ روايات خيااااااااااااااااااالي واسع واحب التأليف وكتبت رواية لها سنة مالقيت احد يشجعنى في طباعتها.. اصلن محد درى عني هاهاها
نفسي اتعلم اكثر في الكمبيوتر بس خسارة مالقيت معهد زين التحق بة يشبع رغبتي
احب القرأءة وتخصصي مكتبااااااااات ومعلوماااااات فكأن له الاثر الكبير في عشقي للكتب والكتابة..
اكتب شعر بس مو هذاك الشيء احس انى ابدع في كتابة الرواية اكثر من الشعر والخواطر..
المكياااااااااج مااحبة واكرهه ريحتة تجيب لى الغثياااااان.
الطبخ مو مررة شاطر..