السلام عليكم ورحمة الله وبركاته وبعد....



اخباركم اعضاء المنتدى الجميل طيبين ان شاء الله....

اما بعد يقولكم ماخاب من سئل انا عندي مشكله مع الوالد بالذات في موضوع الوظائف لمن يسمع ان الوظيفه بعيده عن منطقتنا قام يقولي انت تبي تشرد من البيت انت تبي الدجه وكلام كثير مايحتاج علما بان نسبتي في الثانويه 75 وكذا فرصه حلوه جاتني ويرفض ونقدم عسكريه ويقولي لا تروح لاني عارف انك ثاني يوم بترجعلي واذا جلست في البيت انواع السب والشتم جالس عندي وش تبي ماتشوفلك شغل تفكر اني بصرف عليك طول عمرك وفوق ذالك اذا حصلت وظيفه قريبه مني بس اشوية خط يعني ممكن 40 كيلو قام يقولي انت تبي وتبي وووو المهم وتركت كذا وظيفه بسببه تركنا الوظايف كلها وقعدنا في البيت لا شغله ولا مشغله واذا خرجت من البيت لمدة 5 ساعات انواع التحقيق وعند الناس دائما الافضل هم عيال الناس وحنا مانملى عينه ابد والمشكله اني محتار اترك الحلول لكم ياليت تفيدوني لان اخرتها ممكن اسوي اللي مايتسوى...
هذ علمي وسلامتكم...

اخوي زيدان وين الجامعه اللي بتقبلنا النسبه 75 اداري والقدرات 69 ياليت تفيدني

جرب تقدم انتساب + طلب اعفاء لو تعرف اي احد من منسوبي اي جامعه بيضبطك

كثير القاهم منتسبين وبكل ترم يدبرون اعفاءات من الرسوم بجامعة الملك عبدالعزيز بجدة

وعلى حسب علمي بكل جامعه فيها انتساب هناك نظام اعفاء حاول تقدم اوراقك وتحصل عليه

او اذا بإمكانك تسددهم بترم وترم تحصل على اعفاء هذا شي طيب ..

للاسف الطفره قويه يعني شورك انت الجامعه مافي حل غيره

اعقلها وتوكل..
يا أخي هذا مستقبلك..
الوالد لو صرف عليك اليوم ماراح يصرف عليك بكرة..
ولو شافك جاد في كلامك وفعلاً استمريت في الوظيفة اللي تناسبك (بغض النظر عن مكانها)
وإنك راح تشيل عنه شوية من الحمل
راح يطيح الحطب وينسى الزعل..

صحيح مو يعني لو عصب أنك بتروح مكان بعيد يعني خلاص تترك لا
هو بس من النوع إلي يعبر عن مشاعره بالهواش كثير ناس من هالنوع أنت ألتزم بالوظيفه إلي رح تلقاها

ومثل ما قالك أخ زيدان بجد لازم تكمل الأنتساب تعليم عن بعد
والتعليم عن بعد رسومه معقوه 2500 أو 3000 ما تزيد عنهااا

لا تخلي حالك أنقص من غيرك خل واثق من نفسك ودور على كل شي يطورك ويقفك
ولا تنسى الأستغفار يفتح لك أبواب الرزق والدعاء

الله يرزقك ياخوي بالرزق الطيب إلي يسر خاطرك وخاطر آهلك آآمين

أخوي الآباء كلهم نفي تصرفات أبوك عادي ,
يقارنون بيننا وبين اللي أحسن منا , ويتشددون علينا بالطلعة والجيه بس هذا كله لمصلحتنا ..

طيب وش رايك بالكليات التقنية كمل فيها على حد علمي إنها كويسة و إن شاالله تقبلك ,
دعواتي لك الله يفرجها علينا وعليك ,

كلمة أخيرة حاول تغير حياتك شوي أكيد أبوك شايف منك شي مضايقة يمكن إنك ماتصلي بالمسجد رح المسجد وادع ربك , مايفرجها غير ربك أن قدامك والله مادري كيف وصلت للمكان اللي أنا فيه والحمدلله كله من دعاء الوالدة ثم دعائي لنفسي وتقربي لله ..


إن شالله ما أكون طولت

الله يوفقك وييسر أمورك الاخ زيدان كفى ووفى

الدراسة ثم الدراسة ثم الدراسة