جايب اليوم لكم غزل وللا مانه حذفت بعض الابيات

حل الفراق وحن رايم لمريوم****وقوى الفراق اللي كبار دفوفه

أمسيت أنا عيني حريبٍ لها النوم****كن الأداوي بالنظير محذوفه

أبكي بكا ورعٍ عن الديد مفطوم****عاجاه غير أمه وكثرت صدوفه

غديت مثل اللي بمسراه منجوم****مني معاليق الضمير مخطوفه

ونفسي غدت لاهيب منٍ ولاسوم****وجسمي نحل كن السعاير بجوفه

والقلب جارٍ له سواميح وهموم****ومن القرادة كل طاري يلوفه

على الذي جاني منه رد وعلوم**** شرهٍ علي اللي جميلٍ وصوفه

وله الشره لوكان ماجيت مثلوم****أصبر على عجفاه لجل معروفه

لو بين الغيظه فأنا منه ما أشوم****لين اتعذر منه وأجلى الحسوفه

حقٍ على رادع شفاياه برقوم**** يروف بي وأنا بحال المروفه

وحقه علي إلى هرجت أبعد الحوم****أغضي ولاكني مع الناس أشوفه

أنا الذي ياما تمناه من يـــوم****وهو الذي نفسه لغيري عـــيوفه

إن مت قبله قال لي : زيد مرحوم***وإن مات قبلي ما الحياة مخلوفه

كن اللوالي بين أشافيه منظوم****أو ضيق وبل محلتم في قنوفه

والعين عين اللي على رأس ملموم****ماجيب له من كل نسرٍ علوفه

حرش المناكب لأبرق الريش صيروم****حرٍ ملك موت الحباري كفوفه

والزين في مقرن حجاجيه مرشوم***رشمة مهر شيخٍ شبع في مضوفه

ياجاعل موت المخاليق محتوم**** قرب مــــداهيل العنود الـــهنوفه


عبد الله بن حمود بن سبيل

وشلامتكم

الله يشلمك
و يسلم قائلها و ناقلها و الحاذف منها خخخخخخخخخخخخخخخ

تسلم يمناااااااااااااااااااااااكـــــ
الله لايجيب الفرقاااااااااااااااااااااااااا

الله لا يهينكم على المرور

ابو ترمس
بيسوووووووووو
ساهية البال