بسم الله الرحمن الرحيم


عندي مواهب وخبرات في مجال البرمجه

مثل

1- جل بريك الايفون او رجاع من اصدار 4.3.5 الي الاصدار 4.3.3 لعمل الجل بريك
2- عندي الخبره في فرمات نضام وندز7 ونضام اكس بي والتعاريف
3- خبره في تركيب نضام الجالكسي اس وجالكسي تو والجالكسي ميني
4- في تركيب سفت وير البلاك بيري


في التقينه الاجهزه هوايتي


طالب جامعي دراستي مساء الصبح فاضي

ما اقدر استاجر محل 840 مصروف ما اقدر استاجر حتى لو استاجرت اخاف اني اخسر لاني جديد ما قد جربت

وش رايكم عطني رائكم ما ابي اجلس محتاج مشروع اصلح خربات السياره واشياء كثيره ما تغطيها 840

طيب ياخوي اعلانك القديم ما شاء الله ع الاخوان و الاخوات اتفاعلو معاك و شفت عروض مرة ممتاز وراك هونت؟

لا ما جت اشياء حلوه

كلمت واحد وصار في جده خساره ليته في الرياض

والثاني يقول تئمينات وكذا لو ابيها بهاذي الطريقه قبلت عرض البنك الهولندي لي راتب 3500 ريال 8 ساعات

هلا اخوي انا اللي كلمتني وطلعت بجده
والله كان ودي انك بجده ونشتغل سوا بالذات انك فاضي الصبح لأني ماافضى الا المساء
المهم :-
فين مجمع الاتصالات عندكم بالرياض يعني شارع مشهور بالجوالات .. .
مثل احنا في جده مجمع الاتتصالات في شارع فلسيطن
اذا فيه عنكم حلو وحبذا لو يكون في نظام كشكات صغيره 1.50*3 مثلاً
قصدي تشوف المحلات اللي تبيع جوالات وتلف عليهم وتعرض عليهم تستأجر عنده في المحل زاويه تجيب لابتوبك والوصلات وتكون وأكيد انت مهيئ لك البرامج والفرموير وهذي الشغلات في الجهاز
ويكون رخيص الايجار ماتعدي 500 ريال وتجرب فيها


بعدين انت تقول ( ما اقدر استاجر محل 840 مصروف ما اقدر استاجر حتى لو استاجرت اخاف اني اخسر لاني جديد ما قد جربت )
كيف يعني ماقد سويت جل بيرك ونزلت برامح والعاب على الايفون والايبود والاي باد ؟
لازم تشوفلك اجهزت ناس تعرفهم وتسويها لهم وتتأكد أنك ملم بالشغله بعدين توكل على الله واسعى والله يوفقك
عندن العماله الاجانب في المجمع يتعلمون في المحلات يجي ميييح ويتعلم على اجهزت الناس
اهم شئ لاتخاف انا كنت مرعوب من الخوف لكن دعست على قلبي والعمر مره يارجال

لا اعرف اسوي وجربت اكثر من مره بس


بس اقصد ما جربت اسوي لناس

انا اسوي في اجهزه اقاربي وكذا


اليوم بروح الاتصلات وبشوف

لك رسالة على الخاص شيك

والله يوفقك يا رب

مدام انت تفهم في برامج ليه ماتدور محل ماشي سوق هالمحل وله زباين وتستاجر عنده
او تتفق معه بنسبه
بتوفيق ان شالله لك

الله يوفقك يارب ويسهل أمرك ..
ويفتحها عليك يارب ..

بإذن الله لا تشيل هم أرسل لي ايميل برسالة خاصة وراح ارد عليك بالتفاصيل ستكون شريك وليس مجرد موظف

لا للخوف ،،،، توكل على الله وامض في مشاريعك وستدعم هي نفسها بنفسها