السلام عليكم ورحمة الله وبركاته
يا قاتل الاشواق والله ماعندي نية اني ارد لكن مادام انك حلفت انك صادق
فوالله الذي لااله الاهو انك وواحد من اثنين يا انك جاهل وخويك لاعب عليك وهذا اللي انا اتوقعه
او نصاب ويا كثرهم في المنتدى ((راسلني على الخاص))وحاشاك وانا اخوك
يا اخي مافيه شي اسمه تحصد كل 14 يوم والله مافيه ابدا فيه في الصيف وشهر 7 ميلادي تحصد كل 21 يوم في مناطق وسط المملكة وقرية العليا وفي الشتا 3 شهور ما تحص الا حصدة وحدة لذلك يغلى في الشتا وانا اخوك وفي السنة كلها 9 حصدات بالعادة والكثير 10 حصدات
ومافيه شي اسمه 20 الف في البداية وانا اخوك اقل شي 90 الف ريال ينطح ريال
الهكتار يكلفك من 2000 ريال الى 3000 ريال على حسب خدمتك من بذور وداب وغير اجر الحراثة والتقليب
والرشاش 6 ابراج 28 هكتار الى 30 هتكتار وعليك الحساب والهكتار يعطيك من 150 لبنة الى 170 لبنة
واتمنى ما احد يفتي في شي ما جربه
وبدون زعل
وشكرا لك

لبى قلبك ياقاتل الاشواق حساباتك شوي مخبطه
511لبنة في 28ريال يطلع الناتج 14308
ولو ضربنا 1022 في 28ريال يطلع الناتج 28616ريال

حاشاك يالاخو مانت برحول
خذها من واحد جرب ولازال في الزراعة مافيه شي كل 14 يوم والا فاشهدوا يا خلق الله مانيب كفو ولا اجيب العلم
وسعر 28 هذا في الشتاء بس لكن تعال في الصيف وشوف كم سعره
واما انت تتكلم عن تسع ابراج هذا في حرض وبسيط وتبوك وسعر اجار الرشاش ب100الف في السنة وتجهيزه لايقل عن 140 الف ريال كبداية اما الخرج وقرية العليا والوادي وساجر فالغالب مايزرعون اكثر من سبع ابراج لكن المنتشر بينهم 6 ابراج لان البرسيم يبغى ماء والماء الغزير في حرض وتبوك وبسيطا
طبعا راح تدفع هذي التكاليف على البذر والسماد انا داري انك تستاجر الرشاش جاهز شغال البلا ماهو في الرشاش انا فدا ذا الوجه البلا من البذور والسماد والكيماوي
على كل حال انت اسال وراح تعرف الجواب
واعتبرني غلطان وانت الصح
وشكرا

وعلى فكرة اي واحد تساله ويقولك تحصد كل 14 يوم تعداه بسرعه لان ماعنده سالفة وبتضيع وقتك معه اسال الناس اهل الزراعة وشكرا

طيب ياخوي عمر كم يقعد ع ما احصد

السلام عليكم ورحمة الله وبركاته

شكـرا لك أخوي على موضوعكـ الطيب جدا ، وروحـك الجميلة ..

عمر وش رايك بالتخزين . أليس أجدى لمن اراد أن يحصل مردود مادي في فترة وجيزة ؟ . اشتري كذا لبنـة وأخزنها كم شهـر ، ثم ابيعها بضعف المبـلغ الي شريته بها ..

مارأيك

هلا بكم اخواني
العوض ولا القطيعة
في الشتاء 3 شهور حصدة وحدة بس في الصيف كل شهر ثم يقل الى كل 21 يوم نادرا لكن مجموع القصات 9 قصات في الغالب
وترى وسط المملكة يفرق عن الشمال لكن ميزة الشمال اقصد بسيطا ميقوع تبوك انك تزرع 9 ابراج عادي
اخوي الحارث
والله التخزين فيه خير كثير وقت الشراء بالغالب هو 7 ميلادي وتبيع شهر 12 او 1 او 2 ميلادي
والله لي 3 سنوات اتابع التخزين الربح يكون دبل
وبالتوفيق وانا اخوك

التخزين هذا أليس محرم ...؟؟؟