16-09-2011, 03:34 PM
|
عضو جديد
|
|
تاريخ التسجيل: Apr 2011
المشاركات: 36
معدل تقييم المستوى: 39
|
|
اقتباس:
المشاركة الأصلية كتبت بواسطة صلاتي حياتي
اللام عليكم ورحمة الله وبركاته
|
اقتباس:
المشاركة الأصلية كتبت بواسطة صلاتي حياتي
اخواني انا باذن الله داخل بمشروع لكني للاسف ما اعرف شيء من ناحية اجراءات الحكوميه
ابي اول اجرء بعد استيجار المحل وين اروح ووش اسوي
وش الاوراق المطلوبه
والشي الثاني العماله كيف اجيبهم لان شغلي في الديكور ومحتاج فنيين متدربين صح
ابي نصائحكم واللي يعرف بمجال الديكور لا يبخل علينا خصوصا ورق الجدران والباركيه
ووين المحلات اللي عندها شغلات تزيين البيوت ولمسات الديكور الخفيفه
الله يوفق ويجزاكم ربي الخير
ويعين الجميع
|
اسمع طال عمرك اول شي تسويه الاتي
* استاجر المحل بعدين اقمز للبلدية وقدم على رخصة المحل وهم يطلبون الاتي (صورة عقد الاجار صورة البطاقة وصورة الوكالة اذا كنت وكيل عن صاحب المحل يعني مو باسمك وتسديد الرسوم طبعا وتكون لوحة المحل راكبه ومجهز من الداخل مثلا محللك مغسلة ملابس مثلا لابد يكون المحل جاهز راكب فيه كل شي واهمها اللوحة
*بعد ما تطلع الرخصة معاينة مراقب البلدية للموقع ومن ثم صدور رخصة المحل جهز اوراقك الاتية للحصول على التاشيرات الفيز (( رخصة البلدية مع صورتين لها + اشتراك بالغرفة التجارية
+ختم باسم المحل تسويه عند اي خطاط +برنت من الاحوال يثبت ان اللي باسمه المحل مو موظف +برنت من الجوزات +برنت من المرور عشان المخالفات + شهادة معاينة من مكتب العمل تثبت ان المحل قائم على ارض الواقع +تسديد عدد التاشيرات المطلوبه كل تاشيره سعرها 2000 ريال+وتعبئة الاستمارة اللي بمكتب العمل وتكتب فيها وش مهنة العمال اللي تبي تجيبهم وكم عددهم وش جنسيتهم انتبه الهنود ما يعطونك اكثر من 50% يعني انت مقدم اربع هنود ماراح يعطونك الا ثنين بس والباقي جنسية مختلفة )) جميع هذا الاوراق تقدم لمكتب العمل واذا كان اللي بتقدم عليهم اكثر من 3 عمال لابد من وجود سجل تجاري
*واقعد لك حوالي شهر تصدر التاشيرات وشهر ونصف يجونك عمالك هذا اذا انت مرتب معهم ولا راح تطق 3 الى 4 شهور ونت تدور الله يعينك
* ولاتنسى التفويض الالكتروني تسويه لعمالك بعد صدور تاشيراتك
* من تقديمك لرخصة المحل لين ياصلون عمالك يبي لك من 3 شهرو لأربعة اشهر
اما اذا ما تدري من تبي تجيب 8 شهور مافيها منه لين تفتح محلك
نصيحة قم با البحث عن العمال اللي تبي ورتب معهم وخذ الضوء الاخضر قبل ما تتورط وتستاجر وتسوي ديكورات وبا النهاية ما جيك احد وتروح فلوسك خساير
|
العرض العادي
