بسم الله الرحمن الرحيم

كيفكم يا احلا اعضاء ان شاء الله تمام

انا بقول لكم وش صار لي بالتفصيل

طبعا اللي يعرفوني قبل يدرون اني قد كنت ضحية لمدارس تطلبني على اساس ان عندها احتياج وبعد ما اخلص اشغالهم المتراكمه علي يقولون روحي البيت ولا صار عندنا احتياج اتصلنا عليك وهكذا

لكن قبل يومين تقريبا قررت اني اترك سالفة المدارس تماما واتجه للشركات يمكن يكون حضي فيها احسن

وفعلا رحت قدمت على شركة بعيده شوي عشان كذا اخذت 3 من صديقاتي كانوا يبغون وضيفة بعد واتفقنا انوا نقدم بنفس الشركة احنا الاربعة

اول ما دخلنا اعطونا نموذج طلب التوظيف وبعدين قالوا لنا انتظرو الين يفضى المدير يبغى يسوي لكم مقابله

انتظرنا شوي ولا فتح باب المدير وطل علينا بعدين طالع فيني انا قال انتي .. تعالي

انا التفت لصديقاتي مستغربه وش معنى انا بديت اول ؟ مع ان صديقتي اللي قبلي كانت اقرب للباب مني المهم ودخلت

قال سكري الباب واستريحي قلت له ممكن ادخل صديقاتي معي ؟ قال ليش الخوف من اولها ؟ كذا ماينفع استريحي احنا هنا اخوان قلت طيب ماني مسكره الباب بخليه مفتوح قال اوكي

المهم وجلس يطالع في اوراقي ويناديني باسمي وسالني بعض الاسئلة بعدين قال لي سوي لي مثل هذي الورقة واعطاني ملف قال رتبيه ومن هالكلام بعدين سالني كم تبين الراتب ؟ قلت له موب اقل من 4000 قال غيره عندك وسيلة مواصلات ؟ قلت لا قال خلاص بنصرف لك بدل نقل بس قولي لي كم يطلب منك السواق واضيفة لسلم الرواتب حقك قلت شكرا

قال خلاص اشوفك بكرا ؟ قلت ان شاء الله

بعدين طالع لي قال اممم طعبا لازم تلبسين عباية كتف موب معقول لما اناديك تجلسين وقت تلبسين عباية الراس انا ابيك تصيرين سكرتيرتي !!

انا شوي ترددت قلت مافي وضيفة غير السكرتيره ؟

المهم رجعت البيت وقلت لامي السالفة بالتفصيييييييييييل الممل قالت وجع يوجعه هذا مايستحي والله ماتروحين

المهم دقوا صديقاتي قالوا ها وش سويتي قلت مابي بعدين دقوا على الشركة يقولون لهم اني ماراح اداوم قال لصديقتي قولي لها ان راتبيها بيصير 8000 !!!!!!!!!

اوف انا بغت تجيني جلطة ماكنت افكر بيوم من الايام اني باستلم هذا المبلغ شهريا!!

لكن خفت من اصرارة انه يوظفني وصايره بين اني محتاجة الوظيفة والمبلغ اللي مستحيل يتكرر وممابين اني خايفة من الموضوع خايفه انه يكون طمعان فيني ولا شيء

تكفون علموني وش اسوي والله اني بحسسسسسسسسسسسسسرة

وعليكم السلام

نصحية اخو ابعدي عنه

نصيحة اخ لاخته لو قال راتبك عشره انتبهي من ذي الاشكال
واسمعي كلام امك وماشاء الله عليك عندك خبرة 3 سنوات
اكيد راح تلقين الي افضل منها وصلي الاستخارة واكثري من الاستغفار

مثل ماقالوا اللي قبلي اتركيهم لو راتبهم 10 الالاف
والله يرزقك ويرزقنا الوظيفة اللي ترضينا ياااارب ..

اذا من اولها طمعآن فيكِ وش تآليهآ آجلِ؟! اتركيه ولاتقربينه
اختي الله يعوضك خيرآ منهآ بأذن الله .... ابقولك في البدايه انا كيف افكر بـ لي يصير نفس حالتك (طبعآ لاتاخذين بكلآمي)
اول اعتقد ان اي بنت بأمكانها تجلس بين الف رجال الششريفه شريفه ولي حافظه نفسها محد يقربهآ .,
بس هذا باين عليه شين وقوي عين ويمكن يسبب لك مشاكل تأثر فيك وفي حياتك ....الله يستر علينا وعليك يابنت وربي يعوضك غيرها

الله يعوضك الاحسن
واستودعي نفسك الله كل وقت وكل حين

الباب الي يجيك منه الريح سده واستريح

والله ياقدها لو تبين الحل الي يريحك ويطمن قلبك
انا اقول لاتستعجلي وتحكمي عليه يمكن هو ناداك باسمك او تعامل معك بطريقه غريبه عليك بيشوف مثلا مهاراتك او مثلا بيمهدلك طبيعه العمل
انا اقووول انتي جربي الاسبوع الاول وبخصوص العبايه على الكتف عادي فيه عبايات واسعه ومريحه بالعمل..وانا اشووف هالنقطه طبيعيه جدا
انتي جربي وخليك رسميه وبعملك بس..الراتب 8 الف وممكن انتي حكمتي بسرعه والتجربه خير برهاااااااان

هو كلام واضح اذا نغزك قلبك من ناحيته وماارتحت اتركيها لوجه الله والله يعوضك باللي احسن منه

الله يرزقنا وياك يارب

اتركيها يابنت الحلال والله يعوضك الي احسن منها اختلاط ومهما كان الاختلاط يجيب المشاكل ويفتح عليك ابواب كثيرة وانتي تحكمين كيف نظراته وطريقة كلامه بصراحه من اولها 8000 شي محير