بسم الله الرحمن الرحيم
السلام عليكم ورحمة الله وبركاته
أنا طالب تخرجت من متوسطة وملفي تحول بعيد بمدرسة بعيدة عن البيت ومدرررري وش اسوي طفشااااان ياليت إلي عنده معلومة أو قد صار معه هالشئ يعطيني العلم والله يوفقه ويرزقه ويحقق له أمانيه.

تروح للمدرسة القريبه منك ،
و تاخذ ورقه منهم ان لك مكان عندهم ، وتعطيها المدرسة البعيده
راح يحولون ملفك للمدررسة القريبه منك ،،

# والله يعينك ، و يوفقك

الله يسعدك دنيا آخره رحت المدرسة القريبة قالو مافي مكان والمدير متكبر مايتفاهم ومدررري وش أسوي

اخوي الافضل انك تخلي واحد كبير يروح مثلآ ابوك او عمك يعني رجآل في الاربعين ..... احس من كلامك ودك تتركهآ يعني؟
انتبه ياخوك والله الحين الاوضاع صعبه والزم ماعليك رضاى ربك ثم والديك ودراستك يا الغالي... الله يوفقك وعقبال الماستر يارب

طيب روح وكلام مدير المدرسة اللي عند بيتكم وقلها عن ظروفك ..
وان شاء الله مايقصر معك..
اذا مانفع المدير كلم المرشد الطلابي..
الله يوفقك..

الله يوفقكم ويسعدكم يااارب بروح مع عمي وهو يتفاهم معاه.
دعواتكم لي أنه يقبلني

الله يوفقك ي رب ويكتب لك الاجر
و شوف حبيبي ،
الافضل تروح للمرشد الطلابي
لان هو الشخص الوحيد الي مع الطلاب
و اذا اقتنع هو ، المدير مقتنع لانه يوافقه على الاراء !
و ي رب يقبلونك ، و يسعدك بالدنيآء و الاخررره

يعطيك ألف عافيه ياعارف ويسعد أيامك ياااارب ويحقق أمانيك

اذا انت في شرق الرياض
رح للجنة اللي في حي الجزيرة واخذ من عندهم ورقه طلب نقل من مدرسة الى مدرسة اقرب
وانتبه ترى بعض المدارس تمشي بنظام المقررات وبعضها بالنظام العام
يعني بالعربي رح لاقرب مركز اشراف عندك وراح تلقى عندهم لجنة مخصصة للنقل بين المدارس
بس انتيه عطهم المعلومات زين مثل الصف اللي انت فيه والنظام اللي تدرس عليه
وان شاء الله بينقلونك على طول
اي استفسارات انا حاضر
وبالتوفيق للجميع