السلام عليكم


هذه القصه جرت على نويشي بن ناشي من المشاعله من بني عمرو من حرب
كان نويشي يعيش في وادي الفرع في منطقه المدينه المنوره وكان له خوي يقاله اليتيم من ذوي بددير من قبيله مطير كان يرعى في ابله في وادي الفرع مع نويشي وفي يوم من الايام ابتعد عن نويشي صادفه سبعه من جماعه نويشي واعتدو عليه وسلبو ما معه ولم يصدقونه انه يتمتع بحمايه نويشي
اثنا وجوده في ديار بني عمرو ومن غريب الصدف ان الذين اعتدو على خوي نويشي
خال نويشي وولد عم نويشي واسمه مطلق وعندما سمع نويشي بالخبر تاثر كثيرا لكنه لم يتردد في اخذ الثار والانتقام ممن اعتدو على خويه حيث ترصد لهم وقتلهم واحد واحد حتى قتل سته وبتر يد خاله
السابع وقال نويشي قصيده طويله يسندها على زوجه البديري



يـا راكـب اللـي شايبـاتٍ مقاريـه
***مثل الظليم اليـا ضـرب لـه قـرارا

خوينـا يـا متلـف الـروح نغلـيـه
***واللي ورى الصبيـان دربـه عسـارا
مطلق مطيحه بايمـن القاع شوفيـه
*** فوقـه رمـن شنـودهـن الـعـذارا
ارخصت خالي ما احسب القلب يصخيه
***عنـد الخـوي كنـه صغير الجفـارا
اقفـى مـع الطـاروق دمـه يباريـه
***دمه مـع الطـاروق يغشـى الجـدارا
احدٍ سمـع واحـدٍ بالأعيـان راعيـه
***البـدو والحضـران فوقـه صـبـارا



وقد اشتهرت قصيه نويشي بين القبايل وكلن سمع فيها وكان فيه رجل من قبيله شمر
جرت عليه قصه مماثله وراح يم ابن رشيد يستشيره وقال ابن رشيد رح وانشد نويشي الحربي
وقال هذه الابيات




لا وهني نويشي اللي قضا الدين
***وجهه كما القمرا من اول شهرها
وانا ديونـي مرمسـات زمانيـن
***امشي وكني دارع فـي غدرهـا
احيا اليتيم واقعده بالنبـا الزيـن
***يستاهل البيضا بـدارٍ حضرهـا
عقب اربعه واثنين يسلم من الشين
***غير اليمين اللي نويشي بترها






, حيث يقول الشاعر الكبير / سبيل بن سند الحصني الحربي رحمه الله




ونويشي اللي بالخوي كلٍ اوحاه
***بثرا خويه عـن عوانيـه نايـب
قص اربعه واثنين والسابع انجاه
*** *انهى الملام وخاطره ماهو طايب



كما يقول الشاعر غزاي بن مطر الطريسي في قصيدة يمدح فيها المشاعله منها هذه الابيات:




منهم نويشي كان حـل المجالـي
***سجل له التاريخ بالمجد مكتـوب
عند الخوي ما حسبـوا بالموالـي
***انهى الملامه واشقر الدم مصبوب
ذباح في ثار الخوي كـل غالـي
****في حزة مافيه قاضب ومقضـوب
سته وخاله مـع رجـالٍ غوالـي
***دون الخوي ما قال غالي ومحبوب



ويقول الشاعر رباح بن خلف الشمري الابيات التالية ضمن قصيده ارسلها الى محمد بن عوض المعمري:




موقفك شرف دوننا يابن الاخيار
****حق الخوي تعطونه اول وتالي
ونويشي اللي للعرب حط تذكار
***بيض تغزز له بروس الجبالـي



كذلك يقول الشاعر محمد بن عبدالله العسيلي البشري الابيات التاليه من ضمن قصيدة طويله:




ونويشي اللي خلـد الوقـت ذكـراه
****له مركز في قمـة المجـد مرمـوق
راع النقـا زاح المـلامـه بيمـنـاه
***دون الخوي ما يلحقـه كـل ملحـوق
قص اربعه واثنيـن والسابـع اعيـاه
***وقطع اليمين اللي على الجنب مطروق



ويقول الشاعر مرزوق بن مبشر الحصني من اهل دخنه:




والفعل الآخر نور يجلى الظلامي
****فعـل جلـى نـوره كـل ليلـي
فعل يزيل من الوجيـه الملامـي
****ماله مثيل ولا ذكـر لـه بديلـي
نويشي اللي قال فيـه الدهامـي
ا ***للي شكا من ضيم حمل محيلـي






تحياتي لكم

ابوترمس

قصيده وسالفه رائعه ابو ترمس الله يعطيك العافيه

يسلموووووووووووووو على هيك طرح...

يسلمووو ابو ترمس

من جد سالفة راائعة

حياكم الله يعافيكم على المرور

ثانكس ترمس الظاهر انك حربي وخر عن دربي؟؟

الله يعافيك على ايراد القصة وهي تبين خصله كريمة في قبيلة كريمة ولا يستغرب منهم فهم اهل الوفاء والطيب .
ملاحظة : اليتيم من ابناء عمومتي من قبيلة ذوي بدير .