[align=center]
السلام عليكم أدري الرابط تغير وكثير محد يدري وش صار مع بعض الأعضاء لكن أنا بأكتب وش صار معي بإختبار اللياقه والسباحه والغوص .
أول شي لطعونا كالعادة من الساعه 7 إلين 9 في المركز اللي في الناصريه بعدين جاء باص وركبنا معه وودانا مركز الدفاع المدني اللي بالشفاء
نادونا بالكشف بالترتيب لأختبار اللياقه واللي هي جري وبعدين بشم وبطن طبعا مافي عدد محدد م يطول يمكن إلين 10 ويقول خلاص
بعدها إختبار السباحه وكثير طلعوا من الإختبار حق السباحه اللي م يعرف على طول برآ
مع إن مسبحهم طويل شوي , طبعا تنط وتسبح على بطنك قبل م توصل له بمتر تقريبا توقف شوي بعدين يقول ريح شوي وبعدها إرجع على ظهرك .
اللي يجتاز ذا الإختبار يجلسونه على جنب عشان إختبار الغوص واللي م ينجح يطردونه
وإختبار الغوص الأجهزه مركبه بس تلبسها وتنزل للمسبح تقريبا عمقه 5 متر يرمون لك ثقل ويقول لك جبه
أهم شي تلبسه زين وتنفخ الطفويه وتنزل بعدين تفرغها وتغوص وتجيب الثقل وتعدل الضغط تحت
بعدها يقول خلاص رآجع اليوم الثاني المركز بالناصريه عشان تاخذ موعد الكشف حق مشتشفى قوى الأمن
والحمد لله إجتزت الموعد يوم الأحد الجاي
والله يوفق الجميع ي رب
[/align]
18-09-2011, 11:43 PM
العرض العادي
