22-01-2008, 07:06 PM
|
عضو مهم
|
|
تاريخ التسجيل: Sep 2007
الدولة: من سلمى أليا حد سنجار
المشاركات: 249
معدل تقييم المستوى: 35
|
|
|
ياعلي خل العيـد لأم الدناديـش
الشاعر: صقر النصافي
ياعلي خل العيـد لأم الدناديـش 0000 اللي تنظف كـل يـوم جسدهـا
تبغي تماري ناقضات العكاريش 0000 في كل ملفـاح تنقـض جعدهـا
العيد عيدالله ولو فـات حتيـش0000 من حسبة ايام يمـرك عددهـا
نبي نعلمك المساري على الجيش0000 تمشي ذلولك لين يفتـر جهدهـا
خابرك مانتب ضاري للمطاريش0000 نبيك تونس حلوها مـن نكدهـا
ليله على مسرى وليله مغابيـش0000 وليله نخلي نومها لمـن رقدهـا
وليله على تمره وليله على عيش0000 وليله نوكلك اللحم صيـد يدهـا
ياعلي لاجيت العرب لاتجي تيش0000 خبل ليا جاب السوالف سردهـا
إحفظ لسانك لا يجي فيه تبطيش0000 تصبح عيونك كايـدات رمدهـا
يجيك من ينشدك نشدة تكديـش0000 يبـي يسنـع هرجـة يعتمدهـا
خله يقوم مفلت في يـده ريـش0000 يروح منك وحاجته ما وجدهـا
ترى دعابيل الخبول الفوانيـش0000 تبدي بما فيها ولا احـد نشدهـا
يجيك واحدهم يـورش توريـش0000 سحابته يسبق مطرهـا بردهـا
واللي لغمقات السوالف مناقيـش0000 قراية الكلمة علـى اول عددهـا
تجي سوالفهم ضحـك وتبهيـش0000 وقلوبهم ما احد يفكـك اعقدهـا
|
العرض الشجري
