السلام عليكم ورحمة الله وبركاته

ازيكم يا رقاله وش حال كلن باااسمه ..؟!


الله لا يهينكم بغيت للي عندهـ خبرهـ او تجربه سابقه يفيدني بااستفساري !!


موعدي بكرهـ بمستشفى قوى الامن الساعه 6 الصبح بالرياض

اللي ابيه طول الله لي بااعماركم وعلى طاعة ربي

اللي ابيه متى يفتح المستشفى لاني انا من الخرج واذا يفتحون بدري راح امشي بعد صلاة الفجر على طول لكن الموت اخاف اجي بدري ويلطعوني للساعه 8 او تسع وللي سبق وسوا فحص عندهم مافي اي مشكله لو اتاخر عليهم ساعه او ساعتين ..؟!

وبعدين قوات الامن الخاصه كانوا معطيني ورقه صغيره اجيب فيها اوراق شهادات ومادري ايش واسلمها لمستشفى قوى الامن والمشكله اني ضيعت الورقه فا تكفون افزعوا لي وعلموني وش الاوراق اللي اجيبها معي


الاستفسار الثاني لا هنتم عطوني وصف للمستشفى من مكان ملعب الملز ملعب الامير فيصل <~ لاني ما ادل في الملز الا ملعب الامير فيصل بن فهد


يالله يا راعين الفزعات افزعوا لي تكفون

انا الاسبوع الي فات خلصت اوارق مستشفى قوى الامن بتبوك بس انا مقدم بالطوراى

مدري اذا اجراءاتهم وحدهـ .. بس معروف الدوام من الساعه 8

ويجي بأذن الله من يفيدك اكثر ويدلك العنوان

ايه يالمجرم ان هذا اللي مخليني اخاف امشي بدري واخر شيء يقولون اصبر الدوام يبدآ 8 لكن نقول يارب احد من هالزقرت يفزع لي ويجيب لي الخبر الاكيد

المجرم عافاك ربي ويوفقك بوظيفتك ويجزاك بجنات النعيم ..

يا أشناب تكفون افزعوا لي الله يجزاكم بالجنه وبسرعه لا هنتم انا ابي انوم والعيون تكبس والمخدهـ تنادي

باتسر ان كانا من الحيين لازم اكون مصحصح ومفلل نوم ..

منت ببعيد الرياض رميت حصى عنك

الفحص من الافضل تجي بدري ,, يعني على سبع ونص الا وانت عند المستشفى

منها تخلص بدري ومنها ما تقعد توسوس اذا تاخرت

وربي يوفقك ويرزقك الوظيفه وتفتك من البطاله

وانا قايل اني الرياض بعيده جعلك تسلم

انت تدري متى نطلع من صلاة الفجر ؟؟

نطلع عالساعه خمس حكم تقريبا يعني باقي ساعه على الموعد بس الموت لا قالوا لي انداوم عالساعه ثمان مير تدري انت صادز اروح بدري حتى ما اقعد اوسوس

وآللهم امين وآجمعين يا غالي

شكرا لك يابعدي ..

أخوي شنق وش تخصصك ؟ اللهه يوفقك في ها الوظيفة

اهلاً اخوي هدف


دبلوم كلية تقينة

تخصصي قوى كهربائيه

آللهم امين وآجمعين ربي يجزاك بالخير

يا قماعة الخير

اللي منكم بيدخل موضوعي وعندهـ علم فا الله لا يهينه يقولي وش اجيب معي من الاوراق بكرهـ بمستشفى قوى الامن علما اني مرسل من قوات الامن الخاصه لمرحلة القبول الثالثه


هيا تصبحون علي خير واشوفكم على خير بعد صلاة الفجر وارجو اني القى من يفيدني قبل لااامشي للرياض

دعواتكم يا حلوين ..

أخوي شنق خذ كل الاوراق معك ولا تترك شي في البيت ^_^