السلام عليكم ورحمة الله وبركاته

يا اخوان انا عندي فكرة تمويل بقالات بالبضائع المدينة طبعا بالرياض

بدل الاجانب الي سيطرو على كل شي من البقالات الى التموين الى الجملة . لابد يدخل الشباب السعودي بقوة للسوق ولن يدخل الا بدعم من اصحاب البقالات


ارجو من اصحاب البقالات الا يبخلو علي بالنصائح والاستشارات والاقتراحات وانا مستمع للجميع

بانتظار التفاااااعل من الجميع

ارجو التوضيح المشارك اذا كان صاحب بقالة او لا

وعليكم السلام ورحمة الله وبركاته

اول شي انا ماني صاحب بقالة

لكن حول بيتي 5 بقالات

وكل الموزعين من نفس جنسية صاحب البقالة

وهو اما انه يكون اخوه او ولده وقبل ما يصير موزع يمسك البقالة لمدة 6 شهور الى سنة وبعدين يترقى ويصير موزع

ما في احد بيتعامل مع السعودي بسبب عقبتين
الاولى ان الاجنبي اللي بيوزع له السعودي ماراح يقبل يتعامل معه لان ابن جنسيته اولى وحتى لو باع له باقل من سعر السوق

السبب الثاني ان المستودع اللي بيشتري منه الموزع ماراح يعطيه بالاجل يعني يشتري كاش


افضل حل انه يتعامل مع سعوديين بشكل مباشر سواء كان مستودع او بقالة

صدق ضرسك

لكن الاجنبي بيضطر انه ينزل في الاسعار مقابل انه يتسبب في خروجك من السوق بشكل سريع وهو راح يكون مدعوم من اخويانه ....

لكن انت من يدعمك؟؟؟

صاحب البقالة؟؟

مستحيل الا اذا كان هو واقف على البقالة ويشرف على جميع العمليات بنفسه

اخوي الله يوفقك ويوسع لك في رزقك

لا تتوقع ان المسألة سهلة زي ما تتوقعها

يعني مستحيل تاخذ بضاعة وتروح توزعها وبعد تروح بيتك تنام وبكرة نفس المشوار واخر الشهر عند ربح ممتاز

التجربة صعبة ومعقدة انا ما اعقدها لك لكن في نفس الوقت موب سهلة

لاتنسى ان التجار الكبار هم من الاجانب يعني وجودك بينهم شي غير مرغوب وهذي هي النقطة اللي لازم تحارب علشانها











لكن انا اقولك طريقة


ليش ماتروح للشركات الكبار زي لونا وتشتري من عندهم بالطبالي وانت تروح توزع

هذي اقتراح جا في بالي

وتقدر تروح للمستودعات اللي في جدة .....في منطقة حلقة الغنم القديمة اسأل عنها وتلقاها

بانتظار وتفاعل اخواني اصحاب البقالات

اخوي تركي انا اسف اذا سببت لك الاحباط بردودي

لكن في كل الاحوال لا تتوقع ان الموضوع سهل زي ماهو مرسوم في مخيلتك

الله يوفقك

مآ عليك من آلعمآله آلآجنبيه ولو رخصوآ آلسعر وآصل وآصل مو دآيم برخصون

بسس آهم شي تحسين آلعلآقه مع آلعآمل آلآجبني فـ آلبقآله و تحسين آلعلآقه مع صآحب آلبقآله

و آذآ كسسبتهم رآح تتحسن آمورك

..

و آعيد آلله يوفقكك