01-02-2012, 01:17 PM
|
 |
عضو مميز
|
|
تاريخ التسجيل: Nov 2010
المشاركات: 754
معدل تقييم المستوى: 114514
|
|
فيه رقيب اسمراني في مدينه التدريب إلي بالقصيم الظاهر إن آخر اسمة البيشي إذا ماني غلطان
رجال كفو وطيب ومحترم لابعد الحدود
خرج لنا من عند لجنة المقابلات الشخصية
وعطانا خبر يقول لاتنتظرون اي نتائج بشهر ثلاثة من أربعه ووراى تبداء النتائج هذا بخصوص النتائج
بعده بخمس دقايق جانا مندوب من قيادة امن الطرق بالقصيم
قال ياشباب إلي حاب يعمل في قطاع امن الطرق فيه استبيان يعبية ويدخله معه إلي اللجنة
وخرج واحد ثاني يقول
اسمعوا ياشباب سالفة إنكم تدخلون قطاع أمن الطرق مهو أجباري انتم احرار
إلي يبي يسجل وإلي مايبي على راحته حتى إلي يسجل الحين ويبغى يغير بعدين ماعنده مشكله
يعني مافيه شيء إجباري كل واحد حر
خرج ملازم اول يطمئن الشباب يقول المقابلة الشخصية تراكم بتدخلون عند اوادم زيكم
السالفه كلها نسألك اسالة ومعلومات بسيطه نحلل فيها شخصيتك
فيه شباب يدخلون مرتبكين كأنهم مقبلين على إختبار صعب ومايتكلمون ومايرفعون صوتهم
قال هدوء تكلموا بصوت واضح هي مجرد اساله عامه ودينية بسيطه نعرف قدرتك على الكلام
وبإذن الله جميع المتقدمين بالدورة القادمة من المقبولين وأتمنى لكم التوفيق
هذا بشكل عام الكلام إلي من المعنيين ورسمي
وبعد يقولون لنا الضباط والمندوبين إن الدورات القادمة راح تكون تخصصات محصوره ألا وهي
(( امن وطرق ، دوريات أمنيه ، امن مناسبات ))
هذا الكلام إلي مفروض نعتمده ونحطه بعين الإعتبار ونصدقه
|
العرض العادي
