19-09-2012, 05:19 PM
|
 |
عضو سوبر
|
|
تاريخ التسجيل: Sep 2012
المشاركات: 386
معدل تقييم المستوى: 95025
|
|
اقتباس:
المشاركة الأصلية كتبت بواسطة الله يفرجهاآ
سبحان الله وبحمدهـ سبحان الله العظيم
|
كلامك صحيح اعلام ودوشه ما ينفع ما ينفع الا نوصل كلامنا لوزير الداخليه واتحدى اي شخص انه يدري وساكت لحد الان ولو يوصل موضوعنا له راح ينصفنا بنفس اليوم ،،، ولاة امورنا مو مقصرين وما يردون احد خايب نهائيا واحنا ما نطلب شيء الا انهم ينصفونا واحنا مو على خطأ نسأل مدير القبول يصرف من شهر 3 حتى ما قلنا انتظروا الجنود نخلص من المقابله يقول تابع الموقع ،، الشباب يتصلون عليه 10 ايام وقريب جدا والحين تطور الحال الاسبوع الجاي /،، نتصل على الادارة يردون علينا ناس تقول نطلبهم الوظايف من جيبهم ولا ينافخ انا ما جيت من شارع فاضي اليدين واطلب منهم المستحيل شهادات وجبناها وشروط واستوفيناها وش اللي مخطين فيه علشان نسمح لهم بهالتعامل صبرنا والصبر له حدود ، حنا ما طلبنا شيء نبي نعرف حنا مقبولين ولا لا ،، اقل شيء نسويه علشان الحق ما ينقلب علينا نكتب الموضوع باختصار وكل واحد يرسل عن طريق التلفون ما نقول روحوا للبريد وطق 200 ريال وانتظر
نكتب لنا معروضين واحد لسمو الامير أحمد بن عبدالعزيز والثاني لسمو الأمير محمد بن نايف
راح تجينا ارقام البرقيه علشان نتابعها اللي ترسلونها على الامير محمد بن نايف اعطوني رقمها انا اتابعها لكم وأسدكم فيها إذا ما تكلمنا احنا من يتكلم لو انهم معبرينا بس وفيهم شوية احترام لنا ما نزلوا العلان بأخر شهر رمضان على ان الفرز بعد اجازة العيد ،،،
أنا ر جال ما اطلب المستحيل ولا اطلب شيء مو من حقي انتم يا ادارة المكافحه سنه كامله معلقينا نصحتونا بالقطاع لأنه حلو شهادات جبناها وكشف طبي عدينها وشروط استوفيناها والمشكله اعلان واعلنتوا ايش هي المشكله يا ادارتنا ؟ واضح فيه تسيب وتأخير والله ما يرضاها دين ولا منطق ،، اعلنوا خلو الناس تشوف رزقها يا تكمل إّا كانت مقبوله والا نشوف ارزاقنا لو ما كتب ربي القبول الحين طول هالسنه متعلقين ومتأملين خير افرض طلع الفرز وبالاخير محنا مقبولين ؟ الا هالسنه راحت ولا شفت منها الا الهم والغم وانتظار ولا انت اللي رحت ولا جيت
والله انا مو قاهرني الا التصريف وقلة حيا من يرد علينا كأننا نطلبهم وظايف من جيوبهم ،، وبالاخير تلقاهم مسوين لهم بلا واكيد فيه ارقام لحبايبهم وخوفي بعد هالانتظار زينوها صح وطيروا كم واحد مننا ودخلو ا حبيب الـ( واو ) ,,, والا افتح فمك وطبقه وبعدها اشتغل برقيات وطلبه ،،، اللي ما يفكر بنفسه يفكر باخوياه كم واحد معنا مقدم عمره 29 ما عنده الا هالتقديم مع سنة الانتظار دخل الـ 30 خله يتوظف بأي قطاع بسبب عمره ،،، كم واحد يعيل له اسرة وانا اعرف اشخاص متزوجين ومعنا منتظرين وش ذنبهم توهقوا مع ناس ما يخافون الله ،،، سنه سنه علشان توفير مركز على الاقل اعلن نتايج خل العالم تعرف تكمل ولا تشوف لها مصيبه وهم لا هم اللي بالسماء ولا هم اللي بالارض ،،،،
أنا اللي اشوفه كل واحد يرسل برقيه وشغلتها تافهه من التلفون ملّي الموظف ويرسلها ويعطيك رقم تتابعها بالوزارة ،،، اللي يرسلون على الأمير محمد من نايف يعلموني برقمها انا اسدكم فيها واتابعها لين تدخل على الامير ،،، وانا أولكم ان شاء الله ،،، وتذكروا يد الله مع الجماعه
أعتذر عن الاطاله لكن خلوني اطلع اللي بصدري
التعديل الأخير تم بواسطة مااااالقيت اسم ; 19-09-2012 الساعة 05:23 PM
|
العرض العادي
