14-12-2011, 10:20 AM
|
|
Banned
|
|
تاريخ التسجيل: Dec 2011
الدولة: السعـــــــــــودية
المشاركات: 2,965
معدل تقييم المستوى: 0
|
|
[. كل اللي صار معي بالكشف الطبي ( باللجنه الطبيه العسكرية ) .]
السلام عليكم ورحمة الله وبركاته
سبحان الله وبحمده سبحان الله العظيم الكشف الطبي بهاللجنه مدته 3 أيام ( انتبهوا لا تحتزون انفسكم على يوم أو يومين )
اليوم الأول :موعد الدخول الساعه 10:30 صباحا ، طبعا ينادون عليكم بالأسماء بعد ما تدخلون يطلبون البطاقه للتأكد من المتقدم ، يعطونكم استماراتكم حقت الكشف الطبي والمطلوبه ثاني ورقه يسألون ان كان عندكم امراض وراثيه أو نفسيه حددوا ( لا ) بكلها واكتب اسمك ووقع واكتب التاريخ وانتظر يدخلونكم بالمختبر لأن فيه الميزان تبدأ تقيس الطول والوزن مع العلم اللي يقيس الطول والوزن مقرووود وهو اسوأ من في المستشفى ( اعوذ بالله ) ، إذا طولك ووزنك تمام يوقع ويخليك بالانتظار ، المهم بعد القياس تروحون لعيادة الاشعه يصورك ثلاث مرات الأولى ( البطن ) الصورة الثانيه ( الظهر وانت كاتم نفسك ) الصورة الثالثه ( الظهر وانت تتنفس )
بعدها يقولونك بكره الساعه 7 صباحا ،،،
اليوم الثاني : موعد الدخول من 7 إلى 7.30 ، طبعا يقولون لكم اللي سووا اشعة بالامس ويبدأون ينادون عليكم بالاسماء بعد ما تدخلون تاخذون استماراتكم يطابقون بالبطاقه وتنتطرون لين جيكم حقت العينات بهاليوم يسحبون منكم دم و بول ( الله يكرمكم ) وبعدها يقولون لكم بكرة الساعه 7 وانم موجودين ,
اليوم الثالث : موعد الدخول الساعه 7 ينادون عليكم بالاسماء تاخذون استماراتكم وتشوفون نتائج التحليل والاشعه كلها والكل في الغالب سليم المهم يطابقون البطاقه الهوية مع الاسم بالاستمارة وبعدها يبدأ مسلسل الانتظار من 7 إلى 9 صباحا علشان الدكاتره يجون وهذا التسلسل اللي مريت فيه :
1) دكتور الاسنان / حبيب ما شاء الله عليه والله يتساهل لأبعد حد وما حصل اسبتعد احد إلى 3 من المجموعه اللي قبلنا قال لهم سووها وتعالوا لي بكره و مشت امورهم ،،،
2) دكتور الباطنية / طبعا يطلب منكم الممرض اللي موجود تطلعون ملابسكم ( البدله - النعال الله يكرمكم أو الجزمة والشراب ) تدخلون عند هالدكتور بس يحط السماعات على ظهرك ويقول لك خذ نفس قوي بعدها ترجع لمكانك .
3) دكتور الجراحه / هذا الدكتور اللي يحرج المتقدمين على مر العصور  بس تدخل عنده يقول لك نزل سروالك وبعدها ارفع - ما فيه مسك وتأكيد ومن هالكلام - ولا فيها اعطيني برمه  .
4) دكتور الانف والاذن والحنجرة / هذا يفحص الاذن والانف من مجموعتنا رد واحد مدري وش موضوعه 
5) دكتور العيون / يا حبني له طبعا بهالعيادة تقيس النظر ثم عمى الالوان انتبهو يا اهل العدسات ترا الدكتور يطالع في عيونكم يعني عدسات ما اتوقع تمر ،،، المهم واحد من العيال نظره ماهو باللي ومشيت اموره ،،
ملاحظة / علشان لا تحط نفسك بمواقف تحرجك وتحرج العاملين هاذي عدة ملاحظات :
1- الجلوس بمكانك وعدم التحدث .
2- اليوم الثاني والثالث الحضور ببدلة رياضيه .
3- عدم التجادل مع العاملين
واللي يزودها معهم ما عندهم الا الباب وهيا يأخرونكم يوم أو يومين والا انت ما تستاهل اللي يصير والسبب شيء ماله داعي ،،، 
وبالاخير لا اتمنى لكم إلا كل خير والله يوفقكم ويسدد خطاكم وبإذن الله مقبولين وتتعينون بالمنطقه اللي تتمنونها 
|
وفي احد طردوه عشان النظر لا هنتوو نبي معلومات وعقبالكم الوظيفة انشاء الله الي موجود يرد بليز او يعرف احد يعطينا جميع المعلومات عن الكشف لأني صراحة اول مرة اكشف وخايف
العرض العادي
