بس أنا يالمطيري ماأبغاهم ينصدمون وقت القبول المبدئ لأني أعرف هاذا القطاع زي السنة اللي راحت قبل عدد هائل وبالأخير دخل 500 فرد بالله مو قهر ناس طيارات جايه من مناطق بعيده 4 أو5 مشاوير رايحين وجاين وبالأخير يقبلون 500 فرد ولا اللي يقهرك أكثر كان السنة اللي راحت من شروطهم الطول لايقل عن (168) ويوم القبول المبدئ وأنهم شافو الناس كثرو قالو الطول المطلوب (175) بالله مو شئ يفقع القلب أنا بس حبيت أقول لشباب أذا مانقبلتم فيها لتنصدمون عليها ترى فيه قطاعات أفضل وتقبل أكثر من مكافحة المخدرات

(ياعايد شفت شطول كلامه ياولد احس قاعد بحصة التعبير هههههههه)

وياعاطل أذا تسوي نفسك بتسبني ترى أنا خوالي مطران يعني كاأنك تسب نفسك وأذا ظايقتك بشئ علمني يالغالي بدون الكلام اللي يجرح الواحد

لان بصراحه كلامك مو في وقته يأخي ولاتعلم انت في ظروفنا يا اخي شف توقعي انا واحكم بحالتي؟؟

ترى على فكره عمري كبير وشارف على الحد الاقصى في العمر بالعسكرية يرحم شيبانك خل كلامك بعدين

وبيض الله وجهك على كل حال انا اذا سبيتك بحرف واحد اقسم بالله لدق عليك الحين واعطيك رقم تليفوني واعتذرلك

بس ماسبيت لكن هذا الواقع من كلامي انا كل شي رفضني مافي وظايف مدنيه والعسكريه لم يتم قبولك بالله شتبيني

اسوي اسرق؟ عندك حل ماعندك حل لان الوضع الان مزري في المملكه يالله عفوك بس

ياعاطل يافديتك يالغالي أنا والله ماأقصدك أنت لوأنا في مكانك كان أذا أنقبلت أروح ولا أشاور أحد أصلا لأنك ماعندك خيار ثاني بس أنا أقصد بكلامي لناس اللي العمر قدامة أذا رفضته المباحث ولا المخدرات يحسب كل القطاعات زيها ويتحطم ويمكن مايقدم على أي قطاع مره ثانية فاأنا أقول ترى راح يفتح قطاعات أمن المنشئات والجوزات وقطاعات كثيرة والعمر قدامكم لالاتتحطمون هاذا القصد من كلامي أما أنت (ياعاطل برتبة مطيري) لا والله روح حتى لو الجيش يقبلك روح لأن مابقى بالعمر كثر ماراح أمكن نفسك وسامحني يالغالي أذا ظايقتك بكلامي

ماصار إلا كل خير والله يجزاك خير على النصيحه الي لو يشوفها واحد ( ماله قلب ) يمكن يحط رجله

لكن الارزاق مقسومه وانا بتغانم عمري وادخل مع الرياجيل الي سبقوني والله يسهل الامور يارب

تصبح على خير ياوجه الخير

قوى الأمن

باقي حاجه ما رديت عليها انه قطاع خطر وين الخطوره ترا على فكره المداهمات مو زي اول وبعدين مو معقوله بجيب واحد دوبه متخرج من دورة فرد اساسي ادخله مداهمه اكيد انه ماراح يتصرف وبعدين واول شي الاعمار بيد الله الحين فيه دورات للمداهمات مكثفه ومو اي احد يدخل الدوره هذي ومو اي احد يحطوه مداهمه

وماهي هجانه لو فيه مداهمه على طول يدخلون تخصصات المداهمه انت تعرف يا محترم ان يكون فيه مراقبه للمتهم بالشهور ولازم يتأكدون كم عدد الافراد الي داخل المبنى وكم سلاح وايِش السلاح يخي انا اقلك ليش تقول الكلام هذا لأنك متأثر بالأفلام والبلاستيشن فخليك في البلاستيشن وخلي الناس تشوف مستقبلها

على اساس الامن العام مافيه خطوره حرس الحدود مافيه خطوره امن الطرق مافيه خطوره امن المنشأت مافيه خطوره بس المخدرات