مشروع كشك ذره ( آستفسآر من آهل آلخبره )

موآطن صآلح · #1 (**permalink**) 26-09-2011, 08:21 AM

آلسسلآم عليكم

ششحآل كلن بنكه

مآ آطول عليكم

آنآ توني متخرج وللآسف محد قبلني <-- محد طلب تشكيله
و عمري 18 و حححبيت آشتري كشك ذرة
على قدي كذآ

و حبيت آستفتسر عنه

كم بكلفني
و شنو آغرآضه آلكآمله
طبعآ هو متنقل
والمكان موجود

بسس آسآلتي

س1 / كم راح يكلف المشروع بكامل اغراضه ؟
س2 / يحتاج رخصه ولا لا ؟
س3 / وش الاغراض الازمه ( مثآل : ماطور - غاز - )
س4 / الربح مضمون ؟ ( اول كان فيه كشك بس راح الكورنيش وكان دايم طابور عنده و قلت احتل محله )
س5 / العامل اعطيه راتب ولا اعطيه مقسوم من الربح ؟

آتمنآ من آلجميع عدم السحبه على آبو مندوبي مع آلشكر

اول الغيث قطره · #2 (**permalink**) 26-09-2011, 09:25 PM

وعليكم السلام ورحمة الله وبركاته ..

انا رديت عشان ما تقول سحبتوا علي ..

وبصراحه ماعندي اجابات لأسئلتك ..

بس حبيت اقول لك عن سؤالك الاخير ..

ترى احياناً العمال اللي يشتغلون في الذره عليهم حركات لف ودوران ..

يعني انا قد سمعت واحد يقول انه يجيب عدد كاسات معين ..

والدخل شوي مو كثير .. وتقصى الامر .. صار العامل يوصي بعض الاشخاص عشان يجمعون له الكاسات

المرميه (( مستخدمه )) وينظفها ويرجع يبيع فيها .. يعني مثلاً

لو كان موجود 100 كاس للذره .. وباع عدد 30 كاس .. ورجع منها 20 كاس مستخدم من الزباله وانتم بكرامه ..

كذا بيصير كأنه باع 10 كاسات بس .. والباقي يحطه بجيبه .. وانت لما تجي تشوف موجود 90 كاس ..

ويعطيك قيمة 10 كاسات وله نسبة منها او راتب .. غير الـ 20 كاس اللي حطها بجيبه ..

اتمنى اني قدرت اوصل الموضوع صح ..

وبالنهاية اقول لك (( انتبه وتابع حلالك بنفسك )) ..

موآطن صآلح · #3 (**permalink**) 26-09-2011, 10:37 PM

الله لا يهينك علىى الرد
من ناحيه العامل مضمون امين و بيني وبينه ميانه هع

..

انتظر ردود باقي الاعضاء

اول الغيث قطره · #4 (**permalink**) 26-09-2011, 11:01 PM

[align=center]الله يوفقنا وياك ياااارب ..

واتمنى تفيدنا بالمعلومات اللي توصلك ..

لان حتى انا افكر بمشروع للحين وماحصلت ..[/align]

موآطن صآلح · #5 (**permalink**) 27-09-2011, 05:16 AM

الله يوفقك بـ آلمشروع آلي تربح منه و تستغني من ورآه بفضل ربي

تباشيرالصباح · #6 (**permalink**) 28-09-2011, 04:20 AM

للاسف انت راح تبدأ بالغلط

ليش اول مابديت تفكر بمشروعك فكرت بالعامل ,,,

يعني الواحد مايعرف يخلص شغله سهله الا بوجودهم

وبعدين الى متى,,,,على فكره ليش ماتشتغل انت
هذي شغله شريفه
الدول الكبيره واللي لايمكن يجي يوم نكون بمستواها مايستقدمون عامل ويقولون تعال اشتغل
واحنا ياللي حتى ماصنعنا طياره مانشتغل بأنفسنا شغله بسيطه مدري غرور ولا ايش بالضبط

لاانت عاجز ولا انت مريض واحمد الله ومافيك الا العافيه وسنك ميه الميه

أشتغل بنفسك وشوف رزقك الشغله سهله ذره مو اختراع ذره

يعني فرضا لو الشغله هذي للسعوديات
والله ماتشوف هالعمال على عربات الذره ومحلات الحلويات وووو القائمه تطول بس

ثانيا / موقع عربة الذرة اهم من كل شيء متى ماوجد الموقع المناسب

والمليء بالناس احجز الموقع ,,

والعربه راح تلاقيها وامرها سهل ولاكيف نجح العامل وخسر ابن البلد
وهمتك يااخي

والله يوفقك ويرزقك

خايف عليك · #7 (**permalink**) 28-09-2011, 04:43 AM

الله يوفقك ،،،

بدال لاتعطي العامل وتفتك من مشاكلة وبلاوية خلك في مكانة واشتغل فيهـا ،،

موآطن صآلح · #8 (**permalink**) 28-09-2011, 05:14 AM

ودي والله
بسس مافيه امل
ما تسوا علي ابتلش ب لقب يلازمني طول العمر
لان حنا ب مجتمع بطالي ماله من الشغله الى يعاير و يسب بسس
واحد من ميه بس راح يمدح بالسغله و الباقين تحطيم و معاير

جامعيةطموحه · #9 (**permalink**) 30-09-2011, 06:54 PM

السلام عليكم و رحمة الله و بركاته
مساء /صباح الخير

ربي يوفقك اخ مواطن صالح
اهنيك اولا على فكرة المشروع اللي تعتبر بذره الى ان يكبر المشروع
وهذا يعتمد عليك انت
جميل انك تفكر بهذا الكشروع والاجمل انك تشرف على المشروع بنفسك
اما إذا من اولها بتسمع لكلام الناس
فخذها مني من الآن الفشل راح يكون حليفك الناس متى عجبها شي دومهم يستهجنون كل شي جديد
و انت الحمد لله بكامل قواك الجسمية و الصحيه شو المانع انك تقوم بشغلك لحالك الراتب اللي راح تعطيه للعامل وان كان قليل ينفعك
الفكره حلوه و مثل ما قالوا الاخوان متى ما توفر المكان المناسب تم الربح بإذن الله
و انا اشوف افضل مكان لمثل هالكوشكات المجمعات التجارية الكورنيش على البحر
و بالتوفيق ان شاء الله

مشروع ثروة · #10 (**permalink**) 07-10-2011, 03:30 AM

بسم الله الرحمن الرحيم
حياك الله ياغالي
باحاول اجاوب على استفساراتك باللي اعرف

اقتباس:

س1 / كم راح يكلف المشروع بكامل اغراضه ؟

المشروع تكلفته في المجمل تعتمد على ايجار المحل اما الباقي اشياء بسيطه تتراوح من 10000الى 20000

اقتباس:

س2 / يحتاج رخصه ولا لا ؟

اكيد لو في مكان عام ماراح تخليك البلديه

اقتباس:

س3 / وش الاغراض الازمه ( مثآل : ماطور - غاز - )

الكشك على حسب اللي تبغى يعني لو كنت تبغى تاخذ كشك من اي شركة ذرة ويكون عليه شعارهم وكذا هذا له اسعار على حسب الحجم واتوقع انه يبدا من 10000
اما لو كنت بتسويه بنفسك فراح تكون التكلفه اقل لاكن افضل ان تاخذ من احدى الشركات لان العلامه التجاريه تكون مشهورة ومعروفه عند الجميع

بعدين آله الطبخ بالبخار وهي تعمل بالكهربه سعرها رخيص وتحصلها في معظم المحلات
ثلاجة لحفظ الذرة الغير مطبوخ (المثلج) ويعوض عنه بحافظه مع وضع الثلج فيها
ماطور لو مافيه لانه معضمها بالكهربه ولو استأجرت المكان من البلديه ملزمين يعطوك كهربه
ادوات بسيطه مثل الملاعق الاكوب ..الخ << لو اخذت من الشركه او سويت عقد امتياز راح يعطونك الاكواب والملاعق والاله والذكره الكشك وكل شي يكون مطبوع عليها شعارهم زي كوب ذره مثلاً
وبس

اقتباس:

س4 / الربح مضمون ؟ ( اول كان فيه كشك بس راح الكورنيش وكان دايم طابور عنده و قلت احتل محله )

هذه علمه عند الله ..المشروع ممتاز لاكن نجاحه يكون يعتمد على عوامل كثيره

اقتباس:

س5 / العامل اعطيه راتب ولا اعطيه مقسوم من الربح ؟

العماله وما ادراك مالعماله هذا كابوس كل من يبداء في مشروع صغير .. اذا حصلت عامل امين ان اشوف ان تعطيه بالنسبه والله اعلم

اتمنى اكون افدتك ولو بالشئ اليسير ..والله يرزقني واياك وجميع المسلمين -- آمين

مشروع كشك ذره ( آستفسآر من آهل آلخبره )

قسم مشاريع وأفكار

آلسسلآم عليكم ششحآل كلن بنكه مآ آطول عليكم آنآ توني متخرج وللآسف محد قبلني :c <-- محد طلب تشكيله و عمري 18 و حححبيت آشتري كشك ذرة على قدي كذآ و حبيت...

مشروع كشك ذره ( آستفسآر من آهل آلخبره )

تسجيل الدخول

مشروع كشك ذره ( آستفسآر من آهل آلخبره )

قسم مشاريع وأفكار

آلسسلآم عليكم ششحآل كلن بنكه مآ آطول عليكم آنآ توني متخرج وللآسف محد قبلني :c <-- محد طلب تشكيله و عمري 18 و حححبيت آشتري كشك ذرة على قدي كذآ و حبيت...

مشروع كشك ذره ( آستفسآر من آهل آلخبره )