السلام عليكم ورحمة الله وبركاته

اتمنى من اصحاب المشاريع الغذائيه اللي سبقوني يعطوني من خبرتهم شوي واللي ماعنده فكرة يقولي ايش رايه بفكرتي
انا عندي خلطات سريه ممتازة وابي اغلفها وابيعها ابي اعرف هالفكرةايش تحتاج من خطوات يعني ودي اسوقها بشكل جذاب وسعر حلو وفي نفس الوقت اكيد لازم تصاريح عشان اسوقها على محلات السوبر ماركت
انا حاليا لااملك راس مال ومشروعي ابي ابداه من البيت اللي عنده فكرة يقولها لي الله يعافيكم شاكرة لكم مقدما

السلام عليكم ورحمة الله وبركاته

انصحك تبدين من محيطك العائلي ثم التوسع


جربي خلطة للقهوة مثلاً اعرف الكثير من الاجانب في رمضان يبحثون عن خلطات القهوة العربية لانهم مايعرفون يعملونها ومن تجربة الاقارب تحكمين على جودة المنتج


وبعد ذلك اعملي لك شعار واسم تجاري عن طريق وزارة التجارة اول شي احجزي اسم تجاري مجاني وطلعي عليه سجل وبعد ذلك حاولي تسوقي لمشروعك على السوبر ماركت وغيرة

[align=center]أذا كانت الخلطات غذائية اشتري لك علب وسوي لك تصميم حلو أستكر ( ملصق ) على العلبة يعني مثلاً اسم المنتج ومعلومات عنة والتاريخ في البداية سوي عدد قليل يعني درزن او اثنين وحطيه في السوبرماركات المعروفين عندها وسوي اعلان والله يرزقك [/align]

اخوي الرابحون يعطيك العافيه
انا الخلطات اللي عندي خلطات مو للقهوة هي خلطات فطاير وشغلات غيرها رائعه ومجربة في محيط العائله عشان كذا ابي اجربها برا تقدر تقول قريبه من منتجات بيتي كروكر وفوستر كلارس بس انتاج سعودي وانا اطمح اني افتح لها مصنع وخط انتاج واسوقها في جميع محلات السوبر ماركت واصدرها برا بعد اذا وفقني ربي
شاكرة لك مرورك العطر اخوي

للاسف اختي مديونه ماعندي فكرة عن خلطات القهوة
موفقه عزيزتي