السلام عليكم ورحمة الله وبركاته
صبحهم / مسهم بالخير
شخباركم؟؟
لدي فكرة مشروع ولكن ابي استشارة من اهل الخبرة
عندي غرفة 3 في 3 متر وارتفاع 2متر
كلمت مهندس زراعي عشان احوله لمفقسة عندي
بادئة الامر كنت بحط بيض دواجن راح اعبي المفقسة بما يقارب 90 الف بيضة ولكن هل سوف تسوق او لا ؟؟ ومن وين اجيب البيض؟؟ومين اللي بيشريه؟؟وكم الربح؟

ثاني شئ قررت احول الى بيض نعام فراح تتسع الغرفة لـ14000 بيضة نعام
والنعام الزوج عمر 3 اسابيع الى 5 اسابيع ب2000 الى 3000 ريال..
فمين اللي بيشريه؟؟ومن وين ابي اجيب الكمية هذي من بيض النعام ؟؟وهل يوجد مسوق؟؟
هذي الاسئله اللي حبيت طرحها لكي استفيد ويستفيد الجميع
علما لمن يريد التسويق لي وباسرع وقت ممكن سيأخذ نسبة 5 إلى 8 % من سعر الحبة
وبالتوفيق للجميع

وعليكم السلآم ورحمة الله وبركاته ..

صبحت بالنور والسرور ..
بالنسبه للمشروع نآجح بكل المعايير في حالة انك مشيت على نقطه وحدهـ :: انتاج الصيصآن والبيع من اول يوم.

ونصيحة لك اخوي .. ابدآ بمكاين تفريخ افضل لك صحيح انها مكلفة ولكن يكفيك انها فل اوتماتيك يعني صيآنة وتعقيم وتنظيف واخرآج الصيصآن .. لكن طريقتك مانصحك بهآ .. ولو تبحث بالنت بتحصل تجارب كثيرة بدأت وفشلت بسبب عدم تحديد الشريحة المستهدفه لهذهـ المشآريع ..

اولآ بغض النظر عن نوعية البيض برسملك حسبة بسيطة ولكن في الغآلبيه دجاج لاحم لآن من يشتريه شركات تسمين ثم بيع طبعآ الانواع كثيرة والمقآسآت اكثر ولكن بالمملكة فيه كذآ مقآس معروف ومتداول بالسوق ..

الآن لديك كما قلت 90 الف بيضه تكلفة الشرآء رآح يكون بـ 1.80ريال مع التوصيل :: رآح تكون
90000*1.80 = 162000 ريآل قيمة البيض ..
بعد ادخاله وخروج الصيصآن رآح تكون نسبة النفوق لديك قول مثلآ رآح من 90الف 8 الاف بيضه مابين موت وتشوهـ وعدم لقآح = عدد الصيصآن صآفي 82000 الف صوص
سعر البيع بالسوق للشركات = 2.40 ريال
82000 * 2.40 = 196800 ريال هذآ المبلغ من الصيصان وعليك حسآب صناديق التحميل لآنهآ بتكون من عندك والمعقمات طبعآ اسعارهآ رخيصه وعندك بعض الشغلآت الاساسية للتفريخ ..

يبقى عندك ياطويل العمر والسلآمة صآفي ربحك الشهري = 34800 ريال شهريآ .. وهذهـ الحسبه بسيطة جدآ وفيه بعض الامور ماحسبتها ولكن هذآ اقل ربح بأذن الله في حالة ان تعاملك مع الشركات لآنهآ تاخذ كامل الكمية والطلب مستمر كل دورة ورى دورة ..

ولو عندك رأس مال ابدآ مشروعك بمكاين تفريخ مخصصه بدل الغرفه لآن نسبه ..

واما النعام مانصحك فيه ابدآ .. ولو انت ماعندك رآس مال حاول تشتري فقآسة تماتيك وابدأ بالدجاج الزينة ..
تشتري بيض وتفقس وتخلي الصيصآن عندك تربيهآ لحد ماتكون عدد ممتاز وبعدهآ تبدأ تجمع بيضك منهآ وتجمع افضل السلالاات .. طبعآ الشغلة تطول ولكن هذي لذوي الدخل المحدود او الطلآب لآنه ماتستاهل شغل كثير ..

وبالتوفيق لك وللجميع

واعتذر عن التوصيح البسيط لكن يعلم الله ماحبيت ادخل مووضوعك واطلع من دون مافيدك لآني تعبآن وقلت اوضحلك برد بسيط ولو احتجت توضيح بالخدمه ..

الله يوفقك

..

اخوي بوح الجروح ما خلا شي
مشا الله عليه

..

قبل ما تسوي شي شوف الشركة الي بتتاعقد معك عشان ما اتوهق بالبيض

بوح كفيت ووفيت

اسأل الله التوفيق للجميع

بوح جزاك الله خير وبارك الله فيك

وياليت لو تتوسع قليلا في هالمجال

السلام عليكم ورحمة الله وبركاته
آسف بحق آسف والله ما نبطماع
بس المشروع مصنع العاب بلايستيشن 3
الكل يعرف قيمتها لا تقل من 110 ريال صح ولا لا؟
ابي اصنعها بالسعودية مع شركة سوني وبيعها بنصف السعر
ولكن كلمت المدير التنفيذي لمصنع السديهات السعودي
وقال ان سوني تستخدم في العابها بلوراي اقراص جديده ذات سعه عاليه وحنا ما نصعنها وقيمتها غالية نوعا ما
وقال بعد لازم اقل شئ 200 مليون ريال عشان تضمن شركة سوني لتمويل الالعاب فكرت بعدها
اجيب اقراص بلوراي فاضية من برى وبمعمل صغير وغرف وكذا اسنخ الالعاب عليها
ولكن بصراحة انا كـغريق في بحر ولا شئ اعرف قيمته الحقيقيه وهل يمزح علي المدير التنفيذي ولا لا ؟ 200 مليون هل يعقل
عشان كذا اقووولك هالارقام اللي انا اعرف انها خياليه
فكرت بعدها باني اجيب بضاعات من الصين بالجمله واحط عامل عليها ويبيعها واوفر له سيارة نقل كبيرة طبعا هذي فكرة ممتازة من وجهة نظري ولكن هل لك نظر فيها يا بوح ويا اخوان
واشكركم بافادتكم وياليت لو تفيدون بخصوص المصنع او جلب الاقراص ونسخها ولو احد عنده معلومة اكثر ياليت يقولها

^^^^^^
اما مشروع السوني امسحه من مخك على طول مافيه امل الشركه تتعاون معك واصلا ليه تتعاون معك ايش راح تضيف لها بجد لا انت ولا غير والاشرطه اصلا مو من شركة سوني من شركات اخرى كثيره هي الي تطور الالعاب

اما على النسخ فهي سرقة ولو مسكوك اتوقع فيها سجن وغرامه وعلى وحتى لو قررت بسألك عمرك شفت سيدي بلاي ستشين 3 منسوخ مافيه محد قدر يفك الشفره

ننتظر ردود محفزة
وكلمت مكتبين دراسات جدوى وقال فكرة حلوه ويبي له راس مال
اخ هووب كل شئ رسمي شركة سوني ما لها فرع مصنع بالسعودية وتورد
فكرة اشري بلوراي واشري اجهزة نسخ المانية و الحمدلله وادفع لشركة سوني على كل لعبة