[align=center]
الاخوة الكرام ،،
السلام عليكم ورحمة الله وبركاته

سؤااااااااااال لاهل الخبرة ،،
ارغب بفتح مشروع لبيع وصيانة الاجهزة الذكية ، مثل ايباد - ايفون -بلاكبيري - جالاكسي...الخ
فبماذا تنصحونني ، ومن هم وكلاء هذه الاجهزة
ارشدونا وجزاكم الله خيرااا
اخوكم..
[/align]

[align=center]UP
UP[/align]

مسك اذا انت سعودي وبتشتغل بنفسك او على الاقل تكون مشرف اشراف تام على المحل صدقني بتلاقي خير ان شاء الله ومارايح تغطي اذا انت متحمس والموقع لاتتعدى مجمع المرسلات للاتصالات حاول تدبر لك محل لانها غالبا كلها تقريبا مشغوله ومافيه شئ فاضي والله يوفقك ..وبتعامل معاك ان شاء الله ..

اخيـ الكريمـ الواثق ع
الله يعطيكـ العافية .. والله يجزاكـ خيرا
واخوكـ سعودي من سكان المدينة (ولا اعلم اين يقع مجمع المرسلات ؟) ولكن اتمنى من اخواني في المنتدى افادتي عن الشركات وكيفية التسعير وغيرهامن اسرار هذه المهنة

المرسلات بالرياض وبما انك من اهل المدينه لو جيت لرياض اي لموزين يعرفه ما يتوه
بالنسبه للمرسلات طبعا محلات تبيع بالجمله تلقى عندهم قطع غيار واكسسوارات الجوالات بانواعه
المناديب تلقاهم بسوق الجوالات عندكم الاجهزه الجديده مافيها مكاسب اللي تشتريه بـ 100 تبيعه بـ 110 الشغل بالصيانه والاكسسوار
ما اعتقد انك تحتاج للوكلاء بما انك تبي تفتح محل صيانه لان وكلاء الشركات يبيعون لك الجهاز جديد وهم يقومون بالصيانه لان الوكيل ضامن للجهاز .. انت تحتاج تشتري القطع من الموردين وتجيب فني فاهم بصيانة الاجهزه هذي .. والتسعيرات تعتمد على سعر القطعه عليك وشغل يد الفني
على سبيل المثال .. جاك زبون سماعة الجوال خربانه انت اشتريت السماعه بــ 10 ريال مع سعر الشحن للمدينه والايجار والمصاريف تظيفها على التكلفه نقول تخارجك بـ 15ريال شغل اليد يختلف اسعارهم متفاوته من 50 ريال الى 100 ريال نقول انت سعر الصيانه عندك بـ 50 ريال .. يعني لو تروح لمحل صيانه بجوال خربان يقولك نفكه بالسعر الفلاني ويضيفون على السعر قيمة القطع الخربانه
يعني انت حددت سعر الصيانه بـ 50 ريال على سبيل المثال تظيف الـ 15 ريال يصير الناتج 65 ريال
عشان يحدد خراب الجهاز بسعر معين سواء صلحه عندك او ما صلحه واذا صلحه عندك تظيف عليها اسعار القطع
اقربها لك اكثر .. نظام صيانة الاجهزه مثل نظام المستوصفات ههههههههههه
تدفع قيمة التشخيص قبل تدخل للدكتور وبعد التشخيص تشتري العلاج وكل شي بقيمته
قيمة التشخيص خلاص دفعتها وحدد لك وين الخلل وعلموك علاجه شريت العلاج من صيدلياتهم والا من غيرهم قيمة التشخيص ما ترجع .. اتمنى وصلت لك الفكره

بالنسبه للمرسلات اذا انت حاب تتعامل معهم فيه محلات اذا بغيت منهم عطن خبر ابشر بعزك
وفيه بجده اقرب لك بحكم المسافه لكن ما اعرف وين مكانهم بالضبط
ان شاءالله اذا فيه احد من جده يفيدك
والله يوفقك ويرزقك من واسع فضله