حبيت استفسر آخوآني عن شركة الافضل للسيارات...


عن كيفية الاختبار عندهم + كم رواتبهم..


بالمنطقه الشرقيه طبعآ..



آتمنى آحد يفيدنآ

حياكـ اخوي

حبيت اقولك وش صار مع من طقطق الى سلام عليكم عشان ماتتعب نفسكـ وع قولتهم خذها من قاصرها

بسم الله

قبل رمضان بيومين جاني اتصال من احدى شركات التوظيف (STO) >> مدري كيف جاهم الـ سي في من كثر ما اقدم نسيت خخخخخ

المهم اخبارك / طيب توظفت / لا طيب فيه شركة الافضل لتاجير السيارات بوظيفه خدمه عملاء(موجر ) طيب الراوتب كيف والدوام الراتب من 4000 الى 4500 الدوام شفتين 8 ساعات ص / م هذا الكلام تقريبا ع الساعه عشره الصباح قالي 3 العصر تكون عندنا ووصف لي الموقع
رحت المقابله كان فيه مدير الشركه المشغله و مسوؤل الموارد البشريه بشركه الافضل (بلال / اردني )

المهم سالوني وين اشتغلت سابقا وفلسفه ومن ها الكلام قالو اخترناكـ وتم قبولك و بندق عليكـ

مرت الايام وعلى نصف شهر رمضان دقو علي ورحت قالو تعالنا بالاداره لشركه الافضل وروح ودخلت وانا 2 معاي وشرحو لنا شرح مبدي عن الشركه وبعض الاشياء الاوليه والراتب بيكون 3500 !!! اول 3 اشهر واذا اثبت نفسك بتترسم ع الشركه مباشره ويتعدل الراتب ((قلت في نفسي هذا اولها ينعاف تاليها )) وخلصنا قالو ان شاء الله المباشره بعد العيد دقو علي بعد العيد قالو بكره تجي تاخذ العقد وتروح للافضل عشان تباشر جيتهم اليوم الثاني من صباح الله واروح للفرع الرئيسي للافضل قابلت المدير ووقع ع المباشره وقالي بتكون بفرع كبار الشخصيات ((السيارت الفخمه ))

نجي للاهم تقبلنا مع المدير المباشر((مصري ) انا وواحد معي قعد يتفلسف ان الدوام كامل من السبت للخميس والجمعه الفتره هاي اذا احتاج العمل تداوم !!
خلصنا ونزلنا انا والي معي عشان نشوف العمل وطريقته ونتدرب

وقررنا نسحب لن بصراحه شركه فااااااااااااشله من كل النواحي خساره تعبي والروحه والجيه حتى وانا صائم وبعز الظهر على شي مايسوا

الراتب يقولون 4500 وبعدين يصير 3500 >>> نلعب

الخميس المفروض يكون نص دوام على كلام الشركه اول يصير دوام كامل ولا بعد الجمعه اغلبها تداوم

للعلم شركات او جروب العيسى ( اليسر / العيسى للسيارات / اوتو ستار / الافضل .. الخ ) كلها قمه الفشل والكررف على غير سنع

هذا ماحبيت افيدكـ فيه يابو عتب عشان ماتتعب نفسكـ وتتامل على شي ويطلع العكس وابي منكـ دعوه بالغيب عساء ربي يوفقك ويخليكـ لعين ترجيك

قبل ما انسى موهلي ( الثانويه العامه + دوره ادخال بيانات ومعالجه نصوص + خبره بخدمه العملاء ))

الي ماعندهم حاسب اختبروهم ع برنامج الاكسل


الله يكتب لنا التوفيق ويرزقنا من واسع فضله يارب