30-09-2011, 03:35 PM
|
 |
عضو مميز
|
|
تاريخ التسجيل: Nov 2010
المشاركات: 754
معدل تقييم المستوى: 114514
|
|
والله مالومك ياخوي بس شوف احنا يالشباب لازم نعيش الواقع
ترى كلامنا مايغير من الواقع شيء احنا مجرد نسلي خواطرنا ونفضفض
ولاكن نعرف ان الي يقولونه أو شروطهم بتمشي علينا غصبن علينا
وكلامنا ورا ضهورهم ترى هم مايفكرون بشخص او اثنين
هم مايعرفون فلان ولاعلان ولا ايش ضروفه والله اقولك الصدق
صحيح اننا نعيش في معاناة وبحث وتسجيل وانتقال من ديره لديره بلا جدوى
بس لازم لازم نعيش الواقع نشوف وش الي يفضلنا عن غيرنا ونسويه ونحارب المستحيل
والله مايجينا شيء واحنا جالسين ف البيت لازم نطامر ونحارب ونطمح لاي درجه تفضلنا عن غيرنا
انا لي سنتين كل مايجي تقديم مانقبل مانقبل رغم ان عندي مؤهلات ثانوي وكليه
بس راجعت حساباتي وضغطت على الوالد انه يعطيني فلوس لان حالتي ونفسيتي كل يوم تتردى
دخلت معهد نيوهرايزن وسجلت بدوره كامبردج ورحت مكتب العمل واعطوني مكافأة بالصيفيه
ودخلوني دوره انجليزي على حسابهم وطامرت وسالت
والحين الحمدلله عندي دوره حاسب وانقليز مع المؤهلات الي عندي وانقبلت بالتقديم هذا
حاول تتسلف فلوس او تطلب الوالد او الوالده وادخل دوره وتوكل على الله واجتهد
اسعى ياعبدي اعينك
واحنا جالسين ف البيت مايجينا شيء لازم نتعب شوي لاتنسى ان المتقدمين ف التسجيل يتعدون ال 500 الف من العاطلين
لايغرك كلام الامن لمن يقولون 100 الف تراهم نصابين نص السعوديين عاطلين حتى الجامعيين والي عندهم دبلومات صحيه يدورون العسكريه
فهذا الكم الهائل من العاطلين لازم يكون شيء يفضلك عليهم بدورات او رخص قيادة او اي شيء
واولا واخيرا اذا الله كتب لك شيء بيجيك لان رزقك مكتوب لك من يوم وجدهنت على الدنيا
لاتزعل علي ياخوي بس وربي هذا الواقع وصوتنا مهو مسموع نهائياً
|
العرض العادي
