اخيرا رجع المنتدى


السلام عليكم ورحمة الله وبركاته

اخيرا ردع المنتدى الى الرابط القديم مدري الدومين القديم

حقيقة اسماء مدري وين يجيبوها حقين المنتديات...>>>قسم بالله امزح يافضل...

المهم لي كم يوم ملاحظ ان المنتدى متغير دومينه قلت بيني وبين نفسي وشهوله....يمكن من البزارين اللي يسمون انفسهم هكر

وياليتهم يهكرون على شي زين ...منتدى كله عاطلين ويدورون وظايف ...يعني وش الفايدة من التهكير على هذولي الضعوف
وناس دايم تتهور في ردودها وتهاجم الاعضاء واي شخص ما يوافقه الرأي فهود ضده وهو خالد مخلد في جهنم وكل الناس ماتفهم وهو الوحيد اللي يفهم...
في اعضاء عليهم ردود ما ادري وش تبي....بس من يشوف موضوع يجلس يقرقر ونص كلامه هو ما يفهمه ...ولايستبعد وجود النسخ واللصق بس يقعد يطقطق على الكيبورد...هذا النوع من الناس وش تقوله؟؟؟
ويدخل ع الموضوع وعلى باله انه هو المنقذ
اقوله اني منتظر عام 2020 على احر من الجمر يمكن يخترعون شاشة او برنامج يسمح لك ان تتوطى بطن صاحب أي رد سامج وصاحب أي موضوع بايخ...او على الاقل نسحبه من السلك ونجلده في البيت...بعد كذا نرسله على ايميله



كانت في حركه غريبة الاسبوع الماضي ...مدري وشلونا قولكم لكني شفت منّو شايلة خزان فوق راسها ....يمكن هالخزان تبي تثبته في قسم الواحة

حبيت اوثق السالفة بمقطع فيديو
http://www.youtube.com/user/m2m1477?blend=1&ob=5#p/u/0/bqm5ZXytVig

عاد الضعيفة جات تبي الفزعة من قلب المملكة وكرشها...الظاهر تبي مسامير عشان تثبت الخزان زين لا يطيح


اما الاقرع زيدان مسيكين عيونه انحولت وصارت زي هذا

http://www.youtube.com/user/m2m1477?blend=1&ob=5#p/u/20/0XkhdiwMFX8

ماغير مسح حذف نقل انذار دمج...


وبعض الاعضاء زي حزن الكون ماشاء الله ربي معطيه طول ....

يعني يدخل موضوع في قسم الواحة القى رجوله مدلدله في قسم المشاريع والافكار....

ونسيم الماضي وخنجر وديع معاهم بخاخ وقاعدين يشخمطون على جدارن الاقسام....ووزير البطالة قاعد يطارد ولد جدة ويطامرون فوق ونيت قلب المملكة

وهالشايب مسكين ماعنده حلية بس يقولهم انزل ياولد بس ياولد


خنجر وديع واحساس حلم متهاوشين على مواقف السيارة


يعني بصراحة المنتدى ما ينلام لو تعطل له كم من يوم


والسلام عليكم ورحمة الله وبركاته

مبروك تغيير الصوره الرمزيه
اخيرا فكيت اللطمه

عليكم السلام عليكم ورحمة الله وبركاته

اقتباس:

وناس دايم تتهور في ردودها وتهاجم الاعضاء واي شخص ما يوافقه الرأي فهود ضده وهو خالد مخلد في جهنم وكل الناس ماتفهم وهو الوحيد اللي يفهم... في اعضاء عليهم ردود ما ادري وش تبي....بس من يشوف موضوع يجلس يقرقر ونص كلامه هو ما يفهمه ...ولايستبعد وجود النسخ واللصق بس يقعد يطقطق على الكيبورد...هذا النوع من الناس وش تقوله؟؟؟