بيض الله وجهك يابن العم
وكلامك عين الصواب
لكن يالغالي
الادوات كم تكلف وللشي المبدي كم اخذ من حديد
وطرق التعامل مع العماله من ناحيه الراتب وافضل الجنسيات وش
الاسئله كثيره وياليت يالغالي تعطينا تجربتك بهالمجال

بانتظار الاظافات يااخوان

الله يرفع قدرك يالذيب
طيب اكتب عن تجربتك بالمنجره خل نستفيد ويستفيدون الاعضاء من خفايا الشغله

بانتظار الاظافات

اخي الوفل

ممكن هالاسئلة بخصوص النجارة :

1- بالنسبة للمعدات ويش أفضل نوعية ( صيني أو ألمانيا أو .......

شوف يا الغالي بنسبة للمعدات طبعاً أفضل نوع (ألماني - إيطالي) و لكن غالي نوعاً ما

أما بخصوص الصيني يعطيك ضمان فقط على الماطور سته شهور و لكن السعر جيد جداً و عملياً يتعبك


2- من وين أحصل هالمعدات ( وين يبعونهم )

أذا أنت من الرياض عندك يا طويل العمر

وكالة المصيريعي للمعدات الصناعية في صناعية الأمير سلمان
وكالة التويجري للمعدات الصناعية في صناعية الأمير سلمان
وكالة المعجل للمعدات الصناعية في صناعية الأمير سلمان



3- حدثنا عن معدات النجارة الضرورية لفتح منجرة ( منشار وبعد ويش نحتاج ....


المعدات المطلوبة
1- كمبورسور هواء
2- منشار شلة
3- منشار صينية
4- فريزة
5- تخانة
6- رابوخ
7- صنفرة
8- غرفة دهانات
هذه المعدات أو الآلات أما العدد اليدوية

عندك وكالة الفوزان أو المهيدب أو الخشيم للعدد اليدوية في صناعية الأمير سلمان تأخذها منهم مع صندوق عدد مناولة بالكامل تقريباً 12000 ريال

حاول تشتري ماركة ماكيتا أفضل نوع


4- كم المبلغ الي احتاجه لشراء هذه المعدات تقريبا

بصراحة مقدر أعطيك مبلغ معين...و بعدين لا تنسى

عندك المشتريات

أخشاب
مفصلات
مقابض
مسامير بأنواعها
الدهان (يتطلب أكثر من لون)
ورق صنفرة
معاجين للأخشاب

هذا الأشياء المطلوبة في البداية اذا كان تبي شغلك يمشي بدون توقف

وش المنتج اللي راح تبدء فيه؟؟

بيض الله وجهك يالغالي على الاظافات

طيب افضل عماله ايش
ووشلون التعامل معهم بالراتب او كيف

مشكور اخوي الله يوفقك
ماعندي مجال معين بس دراسة للفكرة

اخوي المطيري اول شيء عسى ربي يوفقك ان شاء الله

انا عندي خبره بالمجال هذا واي شي تبيه ارسل رقمك على الخاص وانا حاظر