ماهو أفضل مشروع بخمس ملايين ريال ؟؟

مهندسه نظم طموحه · #51 (**permalink**) 27-10-2011, 02:26 AM

طيب وش رايك تفتح شركه تقنيه معلومات والحين التقنيه هي لغه العصر وحط قسم نسائي ووظفني بشركتك

ملعب الميدان · #52 (**permalink**) 27-10-2011, 02:37 AM

خريجة حاسب

كم تكلف شركة تقنية معلومات

وكم هي نسبة الأرباح السنوية

مهندسه نظم طموحه · #53 (**permalink**) 27-10-2011, 02:45 AM

اقتباس:

خريجة حاسب

كم تكلف شركة تقنية معلومات

وكم هي نسبة الأرباح السنوية

انا قد اطلعت على بدايات شركات حاسب هنا بسعوديه بدت ب10 ملاين والحين تمسك مناقصات بالوزارات والشركات
نسبه الارباح مدري حيث انني خرجه حديثه بس عندي افكار ممكن ادعمك فيها بس تعطيني نسبه

ولاعيني مديره

شيبوب الجش · #54 (**permalink**) 27-10-2011, 12:18 PM

اقتباس:

المشاركة الأصلية كتبت بواسطة ملعب الميدان

شيبوب الجش ،،، ممكن تعطيني تفاصيل أكثر عن مشروع القلابات

هل يكفي رؤوس تريلات أم لازم أركب عليهم صناديق قلاب

هل يحتاج وجود سائقين لي أم لا - خاصة في البداية ، لأن إستقدام سائق وإستخراج رخصة وخلافه يحتاج وقت طويل لا يقل عن 6 شهور

هل الشركات تدفع شهرياً ، أم هناك تأخير شهر أو شهر أو أكثر من ذلك في الدفع

أرجو إفادتي في ذلك

القلاب + الصندوق طبعاا + سائق

السائقين لوماعندك موجودين طبعا فيه سواقين لكن تعرف رواتبهم ع الاقل 3500 لانهم تبع مؤسسه يعني شغلهم حتى لو ب 4000 الاف ليما تطلع الفيز
بعدين شغل موضفينك ما يحتاج رخصه من بلديه تحتاجها اذا كان عندك 10 قلابات واكثر
يعني تصريح من وزاره المواصلات هذا بعد 9 تريلات يعني اقل من 10 وكروت تشغيل
والشغل موجود وكثير بالشرقيه بقولك شي قبل فتره نزلت اعلان هنا مطلوب 20 تريلا مع صندوق
طريقه الدفع هي بديت الشغل من تاريخ 1 بدايه الشهر الى 30 نهاية الشهر صار عندك 30 يوم ترفع اوراق السياره الى الشركه ويشوفون اذا فيه تاخير او اي شي بعد اسبوعين ينزل المبلغ يعني تاريخ 15 بمعنى بعد 45 يوم للحين واضح الكلام الشهر الي بعده راح تنزل المبالغ نفس توقت الشهر الي قبله يعني تاريخ 15

طيب انت بتقول الي 15 يوم صحيح وهي موجوده تستلمها في نهاية العقد يعني ما راح تضيع

والك خالص تحياتي

هذا الرابط الي نزلته عشان موضوع التريلات ياليت تطلع عليه

https://www.btalah.com/t363589.html

فيصل الراشد · #55 (**permalink**) 27-10-2011, 05:53 PM

اقتباس:

المشاركة الأصلية كتبت بواسطة ملعب الميدان

فيصل الراشد

مشكور على المشاركة

هل يكفي أن أبدأ مشروع تركيب الكلادينج بمليون ريال

وإذا كان المبلغ كافي ،، وكم نسبة الأرباح السنوية

ممكن تبدأ من عشره الاف ريال فقط لاغير بس يكونون خمس عمال خاصين فيك يعني على كفالتك وادخل مناقصات بمصلحه الجمارك واداره التربيه والتعليم لان غالبا مشاريعها كبيره
برأس مال كراسه المشروع 3000 الاف ريال راح ترسي عليك مشاريع بالملايين ولاكن لازم يكون عندك رصيد لضمان البنكي المبدئي والنهائي ومصروفات للعمال يوميه لان مشروع محسوب التكاليف بدقه لايحتاج لتقييم اسعار ودوخه لان مكونات المشروع تيوبات ( حديد 40*40) او ( 20*40) والواح كلادينج حسب المساحه للمشروع + مسامير + سيلكون + ربلات لسد الفراغات
وعندك امكانيه بعد ترسيه المشروع لاستقدام عماله دعم ( تأييد ) لدفع الرسوم والتكلفه والنفقات لهذه العماله لانهاء المشروع بشكل سريع واذا احسنت التعامل مع المشروع لقه الشركات المتخصصه صدقني راح تاخذ ترسيه مباشره لاغلب المشاريع الكبيره والي ارباحها بالملايين

اما بخصوص المصنع تكلفته 3.700000 ثلاثه مليون وسبع مائه الف ريال
يحتاج عدد 3 عمال لتشغيله فقط عامل خلط المواد وعامل مراقبه خط الانتاج وعامل برمجه قص الالواح
مكونات المصنع / مكينه خلط حبيبات البلاستيك مع الصبغ
مكينه سحب شرايح الالمنيوم
مكينه تغليف الالواح بطبقه بلاستيك
مكينه قص وقطع الالواح حسب المقاسات اليا
طبعا ونش علاق صغير معلق باعلى السقف لرفع مواد الخلط
المصنع ليس له اي مخلفات او ملوثات او بقايا صناعيه
مميزات المصنع لايحتاج لمساحه كبيره لان اجمالي المكاين يبلغ طولها 15 متر كخط انتاج متكامل وبعرض 5 متر فقط
ميزه اخرى انتاج المصنع لايحتاج لمساحات كبيره لتخزين مثلا 20 لون من الكلادينج يحتاج مساحه 25في 5 متر فقط
مساحه الوح الواحد 5في 1.25 واحد متر وخمس عشرين سانتي يعني 7 متر
الحبيبات البلاستيكيه تشتريها من سابك بولي اثلين والمنيوم مطحون وصبغ خاص للالمنيوم

اذا اردت التميز والربحيه العاليه ابحث عن المشاريع النادره والمتخصصه والجديده بالسوق والتي يحتاجها السوق ويزداد الطلب عليها يوما بعد يوم ويمكن طرحها بمناقصات حكوميه واهليه لتستفيد من حصولك على احداها مبالغ طائله تغنيك عن الانتظار برأس المال على رصيف الركود

نصيحه اذا اردت دخول المشروع اعمل دراسه جدوى عند اي مكتب استشاري متمكن بمدينه الرياض وستجد النتيجه مذهله

لاتنساني من الدعاء

فيصل الراشد · #56 (**permalink**) 27-10-2011, 06:08 PM

بالنسبه لسؤالك عن دخول مجال التنفيذ انت لاتحتاج لمليون ريال هذا مبلغ كبير جدا لاتحتاجه

انت تحتاج عمال متخصصين فقط بدون راس مال يعني راس مالك ( حدادين وفنيين المنيوم تركيب كلادينج واله فرز خشب ومقص خشب ودريلات ومنشار قص الحديد ومكينه لحام وبراغي وسيلكون وربلات سد فراغات )
لانك تاخذ مبلغ المصروفات من الزبون مقدم يعني تشتغل بفلوس الزبون حتى تنهي المشروع وتاخذ ربحك وعاده بعد عشرين او شهر بالكثير تكون منهي هذا العمل والمكسب عالي بدون تحمل نفقات وكل مازاد العمل خارج العقد المتفق عليه راح يزيد قيمه السعر بالمتر يعني اذا ديكور راح يكون سعره عالي ولاكن حاول توفر سقالات خاصه فيك يعني لاتستاجر لان النفقات للمعدات المستاجره مكلفه جدا
وشوفلك احد يعلم احد العمال طريقه التصميم لحديد لانه هو من يخرج العمل حسب الطلب او الشكل المطلوب

بالنسبه للارباح دبل سعر التكلفه يعني 250 صافي ارباح 90 ريال بالمتر يعني مشروع مدته شهر ومساحه اجماليه 1000متر راح يكون ارباح من 80 - 90 الف ريال
ولاكن لهذه المساحه انت تحتاج زياده عمال يعني راح تنزل الارباح الاجماليه بحدود عشرين الف ريال ولاكن للانتهاء بسرعه حسب الاتفاق

النيوزلندي · #57 (**permalink**) 28-10-2011, 03:09 AM

اقتباس:

المشاركة الأصلية كتبت بواسطة ملعب الميدان

فتى المدين

شكراً على المشاركة الرائعة

أفهم من حساباتك أنه يمكن أسترداد رأس المال خلال سنة ونصف فقط

وبعدها أرباح شهرية لا تقل عن 150 ألف ريال

مصنع بلوك من المشاريع المقترحة التي أفكر في عملها

اذا ودك بشريك في مصنع بلك انا جاهز