السلام عليكم ورحمة الله وبركاته

نخش في الموضوع انا صراحة لجأت لكم بعد الله سبحانه لأن مخي بدى يضرب ويهننق وابيكم تساعوني وتفكرون معاي تكفوووون لأنو مافي وقت

انا موظف على المرتبه الرابعه من 3 سنوات والراتب 5200 والآن معروض علي وظيفة عريف في الدفاع المدني ولا ادري كم الراتب بس يقولون حدود 8500 اذا ميداني او 7500 اذا مكاتب

مع العلم ان المدنية موظفتني بالثانوي وانا عندي شهادة دبلوم محاسبه والدفاع المدني بيعطيني على شهادتي


تقدمت على شي اسمه مفاظلة في نظام الخدمه المدنية ورقمي الحين 980 يعني وياخذون دفعات على 150 او 70 من كل مفاضلة

السؤال انا مدري وين اتجه ووش اسوي كل ما استشرت احد قالي روح مع الراتب وتعرفون الواحد يبي يتزوج ويبي يعيش 5200 مابتسوي لك شي قرض وواحد يقولي المدنية ماتتفوت شوف العسكر لو الراتب النص اهم شي الراحه والله انا مدري مدري مدري تكفوووون شيروا علي مع العلم ان عمري 24 وصار لي في المدنية 3 سنين وهل اذا رحت للعسكرية وطلع اسمي بالخدمة المدنية يمديني ارجع او لا الله يسعدكم
وشكراً

اخوي خذها مني المدنيه والمرتبه الرابعه زينه وتقدر تدخل مسابقات على شهادتك وترتفع الى السادسه
باقي لك سنه وتستحق الخامسه وبيزيد راتبه والراتب الحالي حلو والله خلك على وظيفتك انا اعرف ناس بكالريوس على الرابعه ومرتاحين انت بنعمه لاتخرب على نفسك ...
من ناحيت العسكريه ترجع دوره وترقيات تطول وقلق ..
ونت حر برايك والله يوفقك اول صوت الرابعه ^ - ^

انا مصوت للرابعه اسف ظغطت على العريف سوري ^ ^

[align=center]المدنية اخوي نصيحت اخو ولا تفكر في العسكرية لو يعطونك عشرة انشالله تزين امورك بالمدنية ولا تفكر بعريف راي اخو يهمه مصلحتك[/align]

سفير النوايا واخوي محتار كم انا احبكم من كل قلبي مشكورين ع الرد السريع

انا والله اعرف بــس تعرفون اوقات النفس ماتشبع وتعرفون الدفاع المدني مو اي قطاع ، قطاع مرغوب ولا شغل ولا مشغله كأنك داخل في الظمان الإجتماعي

الشهاده لله وظعي في وظيفتي الآن جيد جداً ومن انتدابات ودورات واشوف وضعي في المستقبل من الشخصيات الفعالة .

بس حتى لو رحت الدفاع المدني راح اثبت وجودي

وانا مقدم على مفاضلة الخدمة المدنية على المحاسبين ورقمي في 900 يبغالي سنتين ع الأقل

عموماً شاكر لكم من كل قلبي وعسى ربي يكتب لكم الأجر في كل ريال استلمه

نســـمع راي غير الشباب الحلوين الي فوق يلا ياعيال يلا يازكرت عطوني أرائكم

وعليكم السلام
اخوي لو انا مكان اختار المدنية افضل بكثير من العسكرية
العسكرية تنكره وربي حتى لو في الدفاع المدني خصوصا اذا كان وضعك في الوظيفة على قولتك جيد جدا
مالك ومال العسكرية وفيه ناس متزوجيين وفاتحين بيوت بأقل من راتبك بكثير
واذا كان راتبك بيزيد ووضعك بيتغير حتى لو بعد سنتين او 3 فأنصحك تجلس في وظيفتك وتحمد ربك عليها
واعرف ناس كثير تركوا العسكرية وراحوا للمدنية براتب اقل
هذا شوري عليك وانت بكيفك ومسؤول عن قرارك
والله يوفقك

نسيت اقول لك شي يااخوي علي قبل ماتدخل الدورة المدربيين يقولون حط كرامتك عند الباب
وراح تسمع كلام سب وشتم وبعد الـ 9 شهور اذا تعينت راح تجيك في بعض المرات اهانات بسيطة من الضباط
مره وين البريهه ومرة شد القايش وبعض الاشياء التافهه في نظرك
يعني اعرف انك بتواجه اشياء كذا ولاتتوقع العسكرية فله مثل المدنية والشركات
وانا اقول هذا الكلام حتى ماتتركها من اول اسبوع خخخخخخخخخ
يعني اذا اخترت عسكرية خلك مثل الخشبه اي اهانات او غلطات او اي شي تحمله واضحك خخخخخخخخخ
او ماراح تتحمل شي ويطردونك منها
والله يوفقك

الدفاع ونت مغمض
وفقك الله