قدمنا والا حد رد علينا الله يوفق الجميع

بارك الله فيك .. ويعطيك العافيه

يا جماعه أنا دقوا علي يطلبون مني الحضور للمقابله
حابه أعرف عن الشركه وأيش المقابله تبعهم وهل هي
مختلطه أو كيف ؟؟ وجزاكم الله خير

هلا المحترمه

قابلوني مرتين ..

المره الاولى يجي ولي امرك يوقع انه راضي لك تسوين مقابله مدري قالو لك اذا لازم ولي
امر او لا , ثانياً راح يعطونك نموذج تعبين بياناتك فيه ونموذج قطعة بألانجليزي تترجمينها
بالعربي لهم , ثالثاً قابلني مدير الموارد البشريه ومديرة شوؤن الموظفين مقابله بالعربي
ومقابله مره بسيطه سواليف يعني لاتخافين وتشيلين همها كان وضعها اوكيه ومن واقع تجربتي
بالمقابلات في شتى المجالات خخخخخخ

حاولي تجاوبين اجابه على قد السؤال عشان ماتفتحين لك باب ماتبين تفتحينه وتزيد الاسئله هع

من ضمن اسئلة هالشركه هل عادي انك تسافرين مع طاقم العمل ؟!
ياسفرة اجتماع او سفرة تدريب و دراسه ومن هالكلام

اذا مو عادي عندك لاتقولين لا على طول قولي اذا بيكون معي محرم
فـ ليش لا بيقولون لك معك بنات كثير من الشركه قولي برضو لازم محرم معي

هذا كان ردي عليهم وكنت اتفاهم مع المدير باصرار هو يبي يفرض رايه وانا ابي افرض رايي
هي السالفه ماهي فرض رايي وطق نعل وياخذ انطباع مو كويس عنك لكن ردي رد لائق ويفي الغرض ,

الاسئله نوعا ما متوسطه لاهي كثيره مره ولا قليله حليوه اسئلتهم واجوبتها بسيطه


اما مقابلتي الثانيه كانت مع مديرة شوؤن الموظفين وواحد من المدراء هندي ومقابلتي معه
بالانجليزي طبعا وبعدها اختبروني عالكمبيوتر بالوورد وكيف سرعتي بالطباعه

الشركه في اقسام ماهي مختلطه مره مره يعني اختلاط بسيط يعني مكاتب البنات شفافه
وتشوفين اللي رايح واللي يجي يعني لو انك متغطيه بتكونين جالسه بغطاك طول الوقت

وفيه قسم للنساء فقط يكون عادي بدون عبي ولا غطا

بالتوفيق حبيبتي علمينا وش يصير معك

بالتوفيق للجميع

شـكرا لك وبارك الله فيك... لك مني أجمل تحية .

دقو على والله يوفق الجميع

ااااااااااااااااااااااااااااااااااااوف

مافي شي عدل