السلام عليكم ورحمة الله وبركاته

الف مبرووك للمقبولين وان شاء الله مثل ماسمعنا يكونوا الاحتياط كلهم مقبولين وهاردلك للي مانقبلوا

اكثر من مرة انزل موضوع لكن للأسف مااحصل جواب واضح .. والله تعبت

انا من قبل رمضان قدمت اوراقي وعطوني اوراق الكشف والبصمات وكللل شي .. وقدمتها وكل شي اوك وسليم ..

قالوا انتظر اتصالنا .. ومن قبل رمضان الى اليوم وانا كل يوم عند الجوال انتظر اتصال او رساله لكن لاحياة لمن تنادي ..

انا شفت مواضيعكم وردودكم وفهمت منها ان المقبولين معناتها انهم دقوا عليهم وعطوهم اوراق الكشف وكل شي .. هل معناتها انهم مقبولين نهائي؟

انا مملك صارلي سنة تقريبا والى الحين انتظرهم يرسلون لو رساله يعطوني متى موعد الدورة او اقلها اداوم الى ماتجي وقت الدورة .. حرام كذا يكون الواحد متعلق ومايدري عن مصيره ..

انا مقدم في الشرطة العسكرية للجيش برتبة جندي .. ومعاي ثانوي .. واوراقي كلها مسلمها وجاهزه عندهم ..

ياليت اللي عنده خبر او خلفيه يفيدني ويريحني ..

جزاكم الله خير

الله يعينك يااخوي وبعدين كيف سنة وانت مخلص اوراقك في رمضان هل قصدك رمضان الماضي او ماقبل الماضي ويمكنك تراجع مكتب التجنيد لتعرف ماهي الاسباب الحقيقية بانهم مادقوا عليك ممكن لك اوراق ناقصة وكذا بسببها اسقطت يجب اخذ الكلام من المصدر الاساسي لاننا جميعا هنا كاعضاء لانستطيع افادتك
تقبل تحياتي

الله يعين الجميع ياالغالي وشكرا على تجاوبك ..

انا اقصد لي سنة متملك ومتوهق يعني مااقدر اتزوج وانا بدون وظيفة ..

بس الاوراق مقدمها من قبل رمضان ومبصم على اوراقهم واخذو ارقامي .. مايخلوني ابصم واوقع الا بعد مايقبلون اوراقي ..

بس مدري ليه تأخروا ..

زي ماقالت لك روح مكتب التجنيد واسئلهم عن السبب وخذ منهم العلم الاكيد لانه هنا بيعطونك توقعات قد تصيب وقد تخيب لكن مالك بوجع الرأس روح لهم واسئلهم بنفسك وان شاء الله خير ممكن ينظرون في وضعك من جديد

بس المشكلة ماندري هل الدورة حقتهم بدت او لا .؟

ناس تقول باديه بعد عيد الفطر وناس تقول بعد عيد الاضحى ..

براجعهم بكرا والله يعين بس ..