السلام عليكم ورحمو الله وبركاته
اشكر كل افراد المنتدى من مدير المنتدى الي اصغر عضو في المنتدى فلهم الشكر الجزيل فلقد كان المنتدى سببا في عمل اكثر من عشرة مقابلات والله اكثر بعد.

لكن بعضها ما صار نصيب وبعضها ما كتبها الله لي وبعضها بعيده

هذا اليوم توظف عمكم الجوفي في احدى شركات البترول الامريكيه( والله من الحمران والعطران)

ودوامي الاول بكره انشاء الله في الشركه قلتلهم يا جماعة الخير السبت الجاي عيو قالو بكره طبعا هنا استقبل التبريكات فقط وليس الاعتزال لانه قاعد على قلوبكم.

وابي اجيبلكم فرقه طقاقات في المنتدى اشاء الله واسويها لكم هيصه ( فرقة صيته)

وترى ياويل واحد يمر ولا يبارك ابي اعلقه على باب المنتدى انا ترى قلتلكم يعني ايو واحد يستهبل ويقول ما قلتله ها انا قايل.

ويالله يا فرقة الخطابات دورولي على حرمه ابي اعرس الي تشوف نفسها تصلح لي ترسلي الc.vحقها واحددلها مقابله مع العجوز لا اشترط الخبره ولا اشترط تكون موضفه يعني انبسطو وراتبي مثل راتب اثنين مدرسين يعني الي ما تعجبني ابي اعرس عليها

في الاخير الله يوفق كل الاعضاء مع تمنياتي لكل اخواتي واخواني بالمنتدى ان الله ييسر لهم امورهم ويتوضفون ونفرح فيهم واشكر كل المراقبين والمشرفين وطاقم الادارة وابو ترمس (حبيب قلبي)على كل ما قدموه من جهد يشكرون عليه .


اخوكم :o اخو فضه الرويلي:o

الف الف مبروك

الله يكتبلك فيها السعاده والخير والستر

ويوفقك ويوصلك اعلى المراتب ان شاء الله

مبروووووووووووووووك لك اخي والله يوفقك في الدنيا واالاخرة وعقبال جميع العاطلين .
اما عن الزواج تبي تلقى اليفيات وش كثرهن عندك ههههههه

.....

اقتباس:

المشاركة الأصلية كتبت بواسطة راعي الجوف وابي اجيبلكم فرقه طقاقات في المنتدى اشاء الله واسويها لكم هيصه ( فرقة صيته) لا ما اقدر صيته... اسمعني اذا اتصلت عليها لا تقول ابي الطقاقة صيته.. تسكر السكرتيرة بوجهك... قول الفنانة صيته... ويالله يا فرقة الخطابات دورولي على حرمه ابي اعرس الي تشوف نفسها تصلح لي ترسلي الc.vحقها واحددلها مقابله مع العجوز لا اشترط الخبره ولا اشترط تكون موضفه يعني انبسطو وراتبي مثل راتب اثنين مدرسين يعني الي ما تعجبني ابي اعرس عليها على طول بتعرس... اصبر تهنى بفلوسك... وتمتع باول راتب... وبعدها اجلس سنة او سنتين... جمع فلوس الشقة والمهر... لانه راتبك عالي يعني لازم فندق يكون العرس... والكوشة لازم تكون فخمة,... والفستان ما يقل عن 10 الالف.. والذهب مرتفع..... انا عندي لك عروووووووووس الكل يتمناها... ومسكينة ما تحصل وقت فراغ من معرس بمعرس...ا والعروس الجميلة... الشحرورة صباح.. تكون العريس رقم 9.. في الاخير الله يوفق كل الاعضاء مع تمنياتي لكل اخواتي واخواني بالمنتدى ان الله ييسر لهم امورهم ويتوضفون ونفرح فيهم واشكر كل المراقبين والمشرفين وطاقم الادارة وابو ترمس (حبيب قلبي)على كل ما قدموه من جهد يشكرون عليه . الله يوفقك اليوم ودوم.. وييسر لك كل الخير يارب العالمين الحين فرحتنا بوظيفتك.. عقبال الزواج والاولاد الصالحين.. ومن الحين اقولك.. اذا جبت عيال وهم بالمهاد تكلم معهم انجليزي عشان ما يتورطون مثلنا... اخوكم :o اخو فضه الرويلي:o حي الله الورله.. حي الله كل عنزي...الله يوفقكم..

مبروك ألف مبروك ياأخو فضه ..

تستاهل ..

والعقبال لنا ولجميع العاطلين في الشرق الأوسط ..


مبروك ..

الف الف مبروك عليك وجعلها وظيفة الهنا وفاتحة خير عليك وان شاء الله تتوفق فيها.
بس ماقلت لنا في اي شركة وش مسمى الوظيفه ايش المؤهلات اللي قدمت عليها ولا خايف نحسدك؟ ترا لازم من المعلومات هذي مهمه<< والله لقافه خل عنك بس
الف مبروك