السلام عليكم ورحمة الله وبركاته...
ياميت اهلين وسهلين فيكن حبايبنا ان شالله منيحين؟؟
اول شي حبيت اوضح لكم معلومه قد تغيب عليكم
هي ان اسمي هو برنس ولكن حرف n سقط سهوا فصار برايس!!
<<وش دخلهم فيك وفي اسمك
............
اما الآن ندخل في موضوعنا الرئيسي وهو
((زيارة وزارة العدل))
اول شي ابارك لكل اللي طلعوا اسماءهم وانقبلوا في وظايف العدل
والحمد لله انا من المرشحين في وزارة العدل (محضر خصوم)..طلعت اليوم متحمس من صباح الله..من الأحساء الى الدمام...بقصد البت في امور التوظيف....وصلت الى الوزارة بالسلامه
دخلت واقعد احوس في الاسياب الين ماشفت عسكري قالي في المبنى الثاني
رحت المبنى الثاني واتجهت الى شؤون الموظفين كلمت الموظف وعطيته اسمي
وطلب صورة والحمد لله كان في المحفظه كم صورة للظروف الطارئه فعطيته الصورة
قصقصها ودبسها على ورقة كشف طبي وقال سو الكشف الطبي وارجع لنا
وكل هالعمليه اقل من 5 دقااايق!!!
فبصراحه ايش رايكم ؟؟؟كان من الممكن انهم يعملون طرق اسهل واريح لنا ولهم
يعني لو انهم يتطورون اشوي ويسون كل شي بالنت والكمبيوتر يكون افضل
يعني انا مشواري ساعتين او اقل اشوي...تهووون
لكن في بعضنا من مناطق ابعد...حفر الباطن مثلا او غيرها
فالمفروض يراعون ظروفنا..يلا مو مشكله كله عشان الوظيفه
...
ياليت كل واحد راح الوزارة واخذ ورقة كشف طبي..
لو عنده علم متى اخر موعد يبونا نرجعها لهم؟؟؟؟؟
......
ومشكورين

الله يحييك يالبرنس....انا اول ماشفت الاسم توقعت ان في جزء من النص مفقود....لان برايس تعني سعر.....وهالكلمة مالها معنى.....

اخوي احمد ربك انك ضربت هالمشوار ولقيت فايدة.....انا ضربت مشوار لرابغ من جدة ولما وصلت لإعمار قالوا لي التقديم في جدة.....ولما رحت لهم في جدة قالي واحد انظر المسئول الين يجي وبعد ساعتين جا وقالي مافي توظيف.....

فيه ناس مستفيدين من المرمطة اللي حايسين حنا فيها.....ولو فكرت الدولة انها تدخل الحكومة الاليكترونية يبيلها تدخلها تدريجيا..... صعب على الموظف انه ينتقل من الارشيف الى شي اليكتروني وحساس.....يبيلنا وقت....وننتظر الين يبدون فيه....وما ظنتي اننا بنتطور ابد......

:o

اقتباس:

المشاركة الأصلية كتبت بواسطة الدبلوماسي الله يحييك يالبرنس....انا اول ماشفت الاسم توقعت ان في جزء من النص مفقود....لان برايس تعني سعر.....وهالكلمة مالها معنى..... اخوي احمد ربك انك ضربت هالمشوار ولقيت فايدة.....انا ضربت مشوار لرابغ من جدة ولما وصلت لإعمار قالوا لي التقديم في جدة.....ولما رحت لهم في جدة قالي واحد انظر المسئول الين يجي وبعد ساعتين جا وقالي مافي توظيف..... فيه ناس مستفيدين من المرمطة اللي حايسين حنا فيها.....ولو فكرت الدولة انها تدخل الحكومة الاليكترونية يبيلها تدخلها تدريجيا..... صعب على الموظف انه ينتقل من الارشيف الى شي اليكتروني وحساس.....يبيلنا وقت....وننتظر الين يبدون فيه....وما ظنتي اننا بنتطور ابد......

ياهلا والله باخونا الدبلوماسي...ماتخيل حد كاتب النك نيم حقه ..سعر..
<<يا ادارة ارجوكم حطوا لي حرف الإن.. الاسم يفشل كذا:o
...
بالنسبه للمشوار ايه الحمد لله يعني ماكان بلوشي بس صراحه انصدمت ان في رجعه مره ثانيه لهم<<<عجاز

اما مشوارك اخوي الدبلوماسي صج قهررررر..لو انا مكانك بيجيني اكتئاب لمدة اسبوع
الله يعيينك اخوي ويوفقك في وظيفه افضل منها

وصدقت في كل كلمه...احس ان الموظفين الحالين ماعندهم خبره في التعامل مع الحاسب وبرامجه..تعودوا على الكتابه اليدويه...يعني خذ مثلا صكوك الاراضي
والله اشوف الصك واموت ضحك على الشخابيط اللي عليه..من كل مكان شي
مابقى الا يحطون عليه لعبة اكس او..يذكروني بدفاتر بنات اخوي الصغار
الله يعينا بس ونتطور ونواكب العصر
....
فمان الله باخذ لي غفوه تعبان من الطريق

ابصراحه اخوي برنس انا نفس الحكايه

جيت متحمس قلت يمكن هالحين على طول يبون يعطوني خطاب التوجيه وفوقها كم دعوه بالتوفيق

لقيت الامور على عكس ما حسبتها ..

عطوني اوراق لمستشفى الملك فيصل وسويت تحليل للدم والبول _ اكرمكم الله _ وعطاني المستشفى

موعد انه ارجع لهم يوم الاربعاء لأخذ النتيجه ..


والله مادري ايش راح يصير بعدها



عندي شغل في شركه وابي اقدم استقالة وماني عارف متى اقدمها ؟؟

لا تقدم إستقالتك حتى يكون قرار التعيين في إيدك

إذا صار في إيدك ذيك الساعة قدم إستقاله

احمد ربك على الوظيفة

أنا ساكن بالرياض ومافي مدينة بالمملكة الا زرتها الدمام- الجبيل- جدة-ينبع- واخرها المدينة المنورة تخيل مشوار بالسيارة مامعي احد مرافق 800 كيلو متر علشان اقدم اوراقي للديوان الخدمة المدنية بالمدينة ولا مسجل السيارة خربان

أنا خلصت الفحص اليوم الاحد واعطيتهم أوراق الفحص وعبيت كم ورقه وقال لي نرفعها للرياض ونتصل عليك إن ششاء الله. الكلآم في فرع الحدود الشششمـآليـة...
واللي خلص في باقي الفروع يقولنا .... ودمتم بوٍد..

أهلين اخوي(قليل الحظ)<<<ان شالله تكون اسم على غير مسمى
والله ياخوي نفس الحاله..الله يعين ويسهل امورنا واموركم
وياخووي العزيز خلك على وظيفتك ولا تقدم استقاله الين ماتمسك الوظيفه وتبدأ تداوم
وظيفه باليد ولا عشرة في الوزاره الله يوفقنا واياكم
.
انا اليوم الصباح عملت الكشوفات...طبعا كلها روتينيه..توقيع وختم وانت ماشي
بالكثير سووا فحص النظر..سكر عينك ..هذي اي جهه؟؟فوق
سكر العين الثانيه..اي جهه؟؟تحت...واشخط التوقيع والختم وتوكل
وبعدها رحت المختبر سحبوا عينت دم..وقال لي تعال بكره خذ النتيجه
وعقبها رحت لدكتور الصدريه وبسماعته..خز نفس يابني..زفير..كويس اوي
وهذي هي الفحوصات ماخذت ساعه...
بس فيه بند في ورقة الفحص قاعد احاتيه..لان مافيه بالمستشفى
وهو فحص المخدرات...فما ادري ياجماعه ضروري هالبند؟؟؟؟
يعني لو وديتها بدونه بيردوني؟
.
.
اخوي مسكين.. الحمد لله والشكر دائما وابدا ... اللي يبي شي لازم يتعب عشان يحصله..الله ييسر امور الجميع
بس والله مشوارك عذاااااب 800 كيلو سهله ان شالله
بلا مرافق تهون
بس بدون مسجل لو انا نمت بنص الطريق
الله يوفقك ياخوي ويعوضك بهالتعب وظيفه محترمه
.
.
ياهلا فيك اخوي السطمي
ماشالله عليك خلصت فحصك وسلمته مو احنا باردين
السالفه فيها خل اوراقك وبنتصل عليك شكل الموضوع مطووووول
بس الله لايهينك..عملت كل الفحوصات؟؟وفحص المخدرات عملته؟؟؟

أيوه عملت فحص المخدرات اللي هو فحص الدم والبوم الله يعزك
وطلعت سليييم الحمد لله وعملت كل الفحوصآت وسليم ولله الحمد
والفحوصات كلها روتينيه ماعدا الدم والبول مدققين فيها شوٍي