25-10-2011, 01:06 AM
|
عضو جديد
|
|
تاريخ التسجيل: Sep 2010
المشاركات: 28
معدل تقييم المستوى: 29
|
|
اقتباس:
المشاركة الأصلية كتبت بواسطة تسويقار
مافي شي صعب وانا اخوك .. مافي احد طلع من بطن امه عالم
|
اقتباس:
المشاركة الأصلية كتبت بواسطة تسويقار
عادي خذ عمالك وحطهم مع الفنيين وخلهم يدربونهم .. ترى الشغله سهله جدااااااا
مجرد حديد يسمونه تيوب يتم تلحيمه بالجدار وبعدها يطبقون الالواح
مو محتاجه لعالم وانا اخوك
|
__________________________________________________ __
مشكلتك اخوي سويقار مبسط الامور على الاخر ! !
اولا :من سيثق بك عشان يسلمك مئات الالوف ويقولك يله شفلي عمال تركب وهذي الفلوس بيدك !
ثانيا : محد يتفق معك الا تكون مؤسستك معروفه ومتخصصه بتركيب الكلادنج وبالغالب صاحب المحلات والعمائر يطلب بروفايل مو خذني جيتك اتمنى تكون واقعي الان حتى وكالات الدعايه والاعلان تبيع الصيني على انه سعودي رقم 1 بكتلوج مزور وكلنا يعرف انه صيني ولايوجد الا مصنعين 2 سعوديين كما ذكرت بموضوعك ونصيحتى لكل شخص بيركب كلادينج انه يكون تعامله مع مكتب متخصص او مصنع يضمن المواد والتركيب وياليت يكون التعامل مع صاحب المؤسسه السعودي افضل ويكون توقيع العقد معه شخصيا ونتمنى ان تراقب البلديه هذا النشاط لان الخلل فيه من عماله غير مدربه وعماله سايبه خساره للواجهه الحضاريه وخساره ماليه لاصحاب المباني يوضح الخلل بالواجهه بعد الانتهاء مباشره من العمل وتزداد عيوبه الواضحه مع هبوب الرياح القويه والحذر واجب
ثالثا : شغله الكلادينج ليست بالسهوله الي انت متوقعها بصراحه ضحكت كثير من كلامك لما تقول حط عمالك مع الفنيين وخليهم يدربونهم !
اولا عمل الحديد غير وعمل الكلادينج غير يعني حداد لايمكن يركب كلادينج لوجلس سنوات
وبعدين من الي يرضى يدرب عمال الغير عشان ينافسونه بالسوق محد يرضى اقولها بكل ثقه
انا معك الارزاق بيد الله سبحانه وكل واحد ياخذ رزقه المقسوم له ولاكن هذا هو السوق تنافس وحب احتكار فطره بالانسان ونسي الكثير ان صدقه العلم بتعليمه للاخرين انا وانت بنوافق لاكن غيرنا لا من واقع تجربه واذا لقيت احد يوافق انا برسلك عمالي دربهم بتركيب الكلادينج ولك الاجر
ثالثا: الكلادينج لايمكن ان يتم فيه سمسره لان من يتفق مع الزبون هو من سيكتب العقد حين الاتفاق وقبل توقيع العقد راح يطلب الزبون السجل التجاري لتأكد واحيانا يطلب مشاهده رخصه المحل او يطلب تسجيل العقد او تصديقه من الغرفه التجاريه او الصناعيه فيما يخص الضمان
ليست المسئله بالامر السهل كما ذكرت اسئلني من واقع تجربه لان الموضوع فيه حديد والمنيوم وضمان واتفاق بمبالغ ليست بالسهله واشهر من العمل المستمر ومحد عنده استعداد يعطي فلوسه لشخص جايه مايعرف من هو وماهي صفته وحتى لو وقعت عقد مع هذا الزبون انت سوف تتحمل عيوب واخطاء الاخرين اقصد العماله الي راح تنفذ فأنت المسؤل الاول والاخير امامه ومن سابع المستحيلات ان يرجع لك العمال المنفذين لهذه العماره بالرجوع مره اخرى لتعديل اخطاء بالعمل الذي قامو به فالهدف الاول والاخير الماده فقط والبحث عن عماره اخرى ليقومون بتنفيذها وهكذا ستدخل بموال طويل عريض تتحمل اخطاء الاخرين
رابعا : لما نقول مبلغ 300 ريال او 250 ريال للمتر = هذا يشمل الحديد30 ريال للمتر ( تيوبات) وكلادينج 80 ريال الاصلي تكنو كلادينج سعودي والعمال 50 ريال للمتر ولاتنسى مصاريف العمال
ولاتنسى اغلب العمال الي ليس لهم كفلاء يعني من الشارع ماعندهم سقالات وكم ايجار واجهه عماره كم تحتاج سقاله وهكذا تحسب لان فيه نفقات ومصروفات عاليه بالنسبه للمواد
ولاتنسى طعج الكلادينج 50 ريال للوح الواحد ولكل قطعه صغيره تتم طعجها ب 30 ريال
الامر ليس بالسهوله الي انت متوقعها نهائيا
لاتنسى شغله مهمه هي الفرز وهي تشكيل مقاسات الكلادينج حسب الطلب هي الاهم وهي السر بهذا العمل وليس تركيب التيوبات يعني فرق مقاس ملي بناهيه الواجهه بيكون الفرق سانتي يعني الواجهه بها خلل واضح لايمكن لسليكون تعديله ولا لربل اعطائه شكل مستقيم
واذا بتستفسر عن اي شي انا حاضر اخوي تسيقار
التعديل الأخير تم بواسطة فيصل الراشد ; 25-10-2011 الساعة 01:09 AM
|
العرض المتطور
