^

والله لحد الان

اثنين من المباحث يقولون لي الدوره صارت 30 يوم بس ويطلعونهم

الله اعلم صادقين ولا وش الهرجه ماندري

هي كذا او كذا لو نزحف زحف بناخذها بناخذها وبنصصبر

صباح الخير ياعيال حبيت أبارك لكم بالدورة والله يصبرنا عليها ويعوضنا الايام الي صبرنا عليهم فيها بالنسبة ياعيال الي يسأل عن الدورة والاجواء وكل الامور هذي انا اول مادقو علي وقالي موعد الدورة سددت له سوال يمشي مليون قلت له انا بجي لأبها يوم الخميس وراح يكون الجوال معاي واذا جيت بجيكم مادري وين احطه صفو النيه ياعيال المهم هههه قال اذا تعرف احد معاه سياره حطه معه قلت لا ماعرف المهم أحتار وعطاني رقم قال دق وأستفسر المهم دقيت على الرقم هذا 072269706 المهم دقيت رد علي واحد واضح ان الطفش لاعب فيه لعب المهم بادرته بالسلام ورد السلام قلت معك طالب من طلاب المباحث الدورة القادمة قال هلابك قلت انا دقيت بسألك كم سوال قال تفضل قلت عندكم صندوق امانات قال ليه قلت معاي جوال قال نصيحه خله واذا بتجيبه بكيفك الظاهر فيه صندوق قلت حلو طيب بسألك سوال والمهم وأسدد له سوال يمشي مليون قلت وش وضع الدورة ضحك قال كيف وش وضع الدورة قلت يعني متساهلين ولا مشددين ولا كيف بالظبط انتم ياهل الجنوب دايم زعلانين ضحك قال من نقص الاكسجين بس انتم ماخذين فكره سيئه عن الجنوب المهم قلت لا والله ونعم والف نعم قال ياطويل العمر الاجواء عندنا متقلبه يوم برد ويوم معتدل الجوء وعلى حسب وقلت والوضع عندكم كيف فالدورة قال والله تساهيل ولاتشيلون هم << اول ماقالها قالي الشيطان يبيك تجي بس ويوريك نجوم القايله المهم سولفت معاه شوي قلت الدورة نكلمها 45 كامله قال لالا اقل اقل يمكن 37 ولا 38 ولا اقل بعد عاد انتم وحضكم وأسولف معاه شوي واكتشفت انه فاضي ويبي السوالف ههههه قعد يسألني عن كم واحد من الجماعه في الرياض وقلت له ماعرفهم وسولفت شوي واخذت وعطيت معاه وبعدها سكرت المهم لاتشيلون هم ي عيال وفمان الله طولت عليكم لا احد يشوف توقيعي ترا من العام هههههه وهو ماسك على الجوف ماقدرت اغيرها

تسااااااااااااااااهيل أن شاء الله

لاحد يفكر وأجد بكيف تكون الدورة كذا بتتعب نفسيتك خلها تجي زي ماتجي

وأهم شي أنك تحط في بالك أنك بعد التعب هذا خلاص بتأمن مستقبلك

طيب ياخوان انا خلصت اموري فـي الريــآض اول مــوعد ورحت وخلصت اموري كاول مقابلــه ولحد الان ماشفت لاتصال ولا شي للكشف الطبــي احـــد كان موعده بالرياض وخلص اول مقابله وبعدهــآ اتصلو عليه تكفون الي من الرياض يقولي ابي ارتاح وربي فقدت الامــل ونــآس تقولي باقي ماطلعت الارقام ونــآس تقولي على وشك يدخلون الدوره وربي انلعب بعصابي وبنفسيتــي ورب البيت ونا لحد الان ماجاني حتى اتصال تكفون شباب ساعدوني واللي من الرياض وخلص اموره يقلي عشان ماعد افكر ورتـــــــــــــــــــــــــاح

واللـــه لآ يهينـــكم

شبآب الحضآير حقت آلنووومـ كم شخص بكل حضيره