28-11-2011, 10:04 AM
|
 |
عضو جديد
|
|
تاريخ التسجيل: Jul 2009
المشاركات: 34
معدل تقييم المستوى: 32
|
|
[align=center]
[align=right]
السلام عليكم ورحمة الله وبركاته ,,,
مساء / صباح الخير للجمع ..
معاكم اخوكم عبدالله السواط من الطائف ’ انا مقدم بالمباحث من السنه اللي فاتت وطلع رقمي ورحت لهم وطردوني بالطول << مقدر ومكتوب .. المهم بعد فترة جآني اتصال في شهر خمسة تقريباً في الصيف اللي فات , المهم ورديت وقال لي معاك المباحث العامه , وقلت يآهلاوغلآ وقالو لي انت انقبلت بالمباحث ونبي منك ترسل لنا بالفاكس صورة بطاقتك او ترسلها مع احد يقرب لك بالمباحث , وانا اخوي ولله الحمد موظف بالمباحث ياللي بالطايف ’ وقلت له ان اخوي عندكم وطلع الرجال اللي اتصل فيه يعرف اخوي .
المهم كلمت اخوي وعلمته بالسالفه وقال لي خلاص أنا اخذها معاي واشوف لك الهرجه , المهم خذا الصورة ودق علي اخوي اليوم الثاني وقال لي انت جاك استثناء < الحمدلله , وقلت له زين والحين وش يصير ,, وقال لي هم يتصلون فيك قريب ,, وبعدها تقريبا بشهر او شهرين جاني اتصال منهم وقالو لي انت ترغب بالمباحث قلت لهم اكيد اني اغرب فيها , قالو خلاص نتصل فيك مرة ثانية . المهم بعد اسبوع اتصلو فيه وقالو لي تجينا بالموعد الفلاني وجب معاك صورة مكشوف الراس وكشف حساب , وقلت لهم اوكيه .
ورحت لهم بالموعد وعبيت اوراق عندهم بالمركز واعطونا اوراق البصمات وخلصناها , وقالو خلاص روحي بعد اسبوع مستشفى قوى الامن بجده علشان تسوو الكشف الطبي .. المهم سوينا الكشف والحمد لله كلش سليم . وخلصت الكشف , طبعاً المستشفى يرسلو لهم اوراق الكشف الطبي ,, بس انا طولت بالكشف يمكن جلست اسبوعين وانا ما خلصت .. المهم دقو علي المركز حق التدريب مرة ثانية وقالو لي رآجعنا بالمركز ورحت لهم واعطونا اورآق الشيخ , وعبيت الاوراق وخليتها ما وديتها ودق علي تقريباً بعد اسبوع وقالو لي راجعنا علشان عندهم تحليل < اعتقد تحليل المخدرات المهم رحت لهم وسلمت اوراق الشيخ وسويت التحليل وجاهم الكشف وكلش تماام والحمد لله , والحين لي شهرين تقريباً ما جاني اتصال ولا شي .
واخوي يقول لي خلاص ارسلو اوراقكم للرياض علشان يحددو موعد الدورة .. وللحين ما جاني اي خبر عن اي شي ..
ذا كل اللي عندي ,
والله يوفقكم ان شاء الله يآآآآرب
تحياتي لكم
عبدالله السوااط
[/align]
[/align]
|
العرض العادي
