[align=center]السلام عليكم ورحمة الله وبركاته اخواني العاطلين [/align]..

[align=center]
طبعا الكل عارف شهادة كامبردج الدولية المتقدمة تدرس 3 شهور لكن الشهادة تعادل 6 شهور ، ومكتوب في الشهادة بختم تعادل 6 شهور وزيادة على كذا موجود ختم المؤسسة العامة للتدريب التقني والمهني .. اوك الى الان الامور طيبة ..

وطبعا كلنا عارفين انها بديلة للرخصة الدولية ..

لمن سجلت في المعهد وقريت مزايا الشهادة طلعت مصنفة على المرتبة الخامسة ومعتمدة في القطاع الخاص والسلك العسكري على انها 6 شهور ..

وفي بعض الشباب في المنتدى عندهم نفس الشهادة وراحوا لموعدهم وللاسف طردوهم والسبب الشهادة مافيها تاريخ بداية ولا نهاية .
مو مشكلة اساسا سالفة التاريخ هذا عذر عندهم لكثرة المتقدمين ( يدورون الزلة ) ولا المعروف انها معتمدة في القطاع الخاص والحكومي على انها 6 شهور ..

بس بما انه في المباحث مو طالبين شهادة حاسب لجندي اول اتمنى هذي الشهادة تكون لها فائده بس السؤال هل هذي الشهاده لها صنف بما انها مصنفه على المرتبه الخامسة او انسـى.. ( متندم اني درستها ليتني درست 6 شهور دام اخرتها مالها فائده )
[/align]

[align=center]هلاا اخوي اذكر الله
وش فيك متحطم وتكسر مجاديف نفسك

ايه معتمده وشوف هالرابط فيه صور التعاميم بقبلولها
http://tetec.com.sa/cambridge-it-ski...85%D8%AF%D8%A9

اضغط على صورة التعميم عشان تكبره وبعدها تلقى فوق على طرف الصوره ع اليمين فيه مربع صغير اضغط عليه وبيتكبر زين وواضح

انا موجوده عندي التعاميم بس عليها ختوم وشروحات جهة حكوميه عسكرية وصلهم التعميم ولا فضيت امسحها وانزلها هنا
لكن اوعدك بكره بالكثير او الخميس راح تكون نازله بالمنتدى هنا لك ولباقي الاخوان

* اذا مافتح الرابط ا او انشال
اكتب بقوقل (الشركة الوطنية لتقنيات التدريب والتعليم)
وبعدين اختار شهادة كامبردج في مهارات تقنية المعلومات تلقاها ثالث وحده بالعرض فوق
وبعدها اختار ( انقر هنا لإعتماد الشهادة)
قرة عينك وارتاح بالك الحين انت وباقي الاخوان
وترى لو تلاحظون فيه شهادتين وحده 3 شهور والثانيه 6 شهور

بالتوفيق اخوي[/align]

مشكور على الرد ، ادري اخوي انها معتمدة بس السؤال ليش مايقبلونهاالأمن العام بما انها معتمدة وتعادل 6 شهور ، مو عذر مقنع لان لايوجد بها تاريخ بداية ولا نهاية ! اتوقع لها نصيب اكبر في القطاع الخاص لكن مايعترفون فيها القطاع العسكري ابد ..

[align=center]^^^^
جميع القطاعات العسكرية وصلها خطاب بهالكلام وسوا عليه تعميم لعموم مراكز القبول
بس الشغله شغلة عدز لقوا لهم درب وتمسكوا فيه .
او يمكن لجنة القبول ماعندهم خبر اقصد رئيس اللجنه والناس المسؤلين فيها
(خل عنك اللي مايسووون ريال ويجي ينافخ ويصايح وهو يا رقيب ولا وكيل رقيب وحتى لو رئيس رقباء )
وليه تسكت الله يهديك كان طلبت تقابل رئيس اللجنه وتفهمه وقوله هذي مقبوله ومعتمده واذا قال لا قوله عطني مستند رسمي او خطاب عندكم على الاقل اقدر اروح اقدم اعتراض ةاشتكي على المعهد والخدمه المدنيه والمؤسسة العامة للتدريب التقني والمهني عشان يرجعون لي فلوسي لانها حسب كلامكم مو معتمده ولا تقبلونها وهم قالوا انها مقبوله بجميع القطاعات الحكوميه .(او روح قابل قائد المركز )
طبعا انت ما بتسوي هالكلام بس من باب انك تصك عليه وتشوف وش يقول وقتها . والله ما يعرف يرد عليك اذا انحشر واقل شي بيسويه بيقولك اطلع يالله ماعندي شي لانك على حق وفضحته وعرفت ان الشغله لعب منهم ولا هم انا متاكد مليون بالميه انه وصلهم هالخطاب زي ما وصل لوزارة الدفاع وتعمم على جميع افرع القوات المسلحة
شي اكيد انه رايح يوصلهم دامه وصل لوزارة الدفاع مو معقوله ان وزارة الخدمه المدنيه بتعمم الخطاب على جهة وجهه لا
جميع الجهات ذات العلاقه بالتوظيف والدورات وفيها مزايا ماليه وبدلات ارسل لهم هالخطاب .[/align]

^^

مجنون نتفق معك جميعاً كلامك صح بس حقين الرياض مايفهمون ابد ولا يناقشونك اصلاً

غير مدن التدريب الاخرى

وصاحب الموضوع الله يكون فعونك تتعب وفي الاخير يرفضونها

[align=center]^^^^
جربوا طيب روحوا لشعبة القبول والتسجيل واسالوا على اساس انكم جايين تسالون مجرد سؤال
ولا تاخذون العلم الا من واحد مسؤل وفاهم وله دخل بموضوع التوظيف اذا قال ايه معتمده علموه بالزبده وشوفوا وش يقول
واذا قال لا مو معتمده قولوا ليه طيب وعلى اي اساس مو معتمده عندكم وبوزارة الخدمه معتمده .
قولنا وش السبب بس عشان نعرف ونكون على بينه .
[/align]

إذا طلع الكلام هذا صحيح صراحه معاناة الله يسهل دروبنا الوظيفه ماهيب نهايه العالم

انا فرحان إني انقبلت بالامن العام اربع سنوات عاطل وعلى وشك زواج فشي حلو احقق حلم الوظيفه

بس اتعب وادرس وبالنهاية غير معتمده ماقول غير حسبي الله ونعم الوكيل عليهم

طيب انا عندي حاليا كلية تقنيه وثانويه عامه وحاسب الكامبردج 6 اشهر تنفعني اروح لهم أو اقعد ف البيت
لان الرياض مشوار 2000 كيلو رايح جاي ومصاريف فوق 1500