السلام عليكم ورحمه الله وبركاته
يا اخوان انا والله مانى داخل اطلب المعونه من احد غير من رب العباد سبحانه , ولاكن الناس للناس والكل بالله بعطيكم قصتى
انا شاب سعودي عمري الحين 29 سنه , اب لطفله عمرها سنه وثمن شهور من زوجه مصريه , ( لاحد يقول تستاهل تزوجت اجنبيه - الحمدلله على القضاء والقدر خيره وشره والله ما قصدت من الزواج هذا غير التعفف والستر ) والحمدلله على كل حال ماتوفقنا , ومشاكل كثيره صارت والحين توني راجع من مصر بعد معاناه طويله رجعت انا وبنتى عمرها سنه وثمن شهور , بطبع انا كنت اعمل في مصر في مجال العقارات واستقريت فيها فتره هناك قبل ثورتهم . وبفضل الله انى طلعت للبنت كرت عائله وجواز سفر سعودي . بطبع الام رمت بنتها وقالت خذها والحمدلله جات منها لانى ما اقدر استغني عن بنتي
والحين يا اخوان انا وبنتى في جده . في حال يرثي له والحمدلله اننا بخير ونعمه ولاكن ( اسمي مواطن سعودي ) وحاليا اعمل في محل كمبيوتر باليوميه , وانام انا وبنتى في المحل ( اقسم بالله انى انام انا وبنتى طفله عمرها سنه وثمن شهور في المحل )
ولا اعرف احد ومالى احد . واهلى ماعندي منهم احد كلهم في الباحه وكل واحد في حاله
المهم يا اخوان انا قصتى اطول من كدا بس كل الى ابيه من الى يقراء رسالتى هذي , يعرف انى داخل بحاجه ماسه لعمل ولاكن يكون بمرتب جيد اقدر ابداء منه الخطوه الاولى نحوى تصحيح الاوضاع ويكون عمل فتره صباحيه عشان انا قولتلكم مافي من يرعي بنتى غيري انا فقط .. يعنى لازم احطها في حضانه الصباح عشان اعرف اشتغل لاكن لو العمل فترتين ماراح اعرف اشتغل
وكمان احد يعرف لى احد من الى يعطون شقق الوقف يعطنى شقه ( لا اريدها وقفا ) بس بالااجل فقط شهرين او ثلاثه لحد ماتستقر اموري واقدر اسدد ايجارها او غرفه فقط بحمام لي وبنتى . .. وكمان لو احد من الاخوه او الاخوات يعرف لى حضانه منزليه تكون في الاحياء القريبه من حي الكندره لانى اعمل في حي الكندره في محل الكمبيوتر زي ماقولتلكم باليوميه 30 ريال يوميا تقريبا . بسعر معقول ( يكون الدفع في المستقبل على تساهل ربنا ) احط البنت عندهم فتره الصباح اذا وجدت عمل في شركه او غيره
وانا خريج ثانويه وخبره ممتازه في الكمبيوتر وصيانته . وعيوبى كثيره اهما عدم اجاده اللغه الانجلزيه وعدم قياده السياره ..
والله يبارك فيكم .. وشكرا لكم