مدارس الفرساااااااااااااااان؟؟؟؟؟؟

راجيه خير · #1 (**permalink**) 26-01-2008, 08:10 PM

السلام عليكم ورحمة الله وبركاتة

حبيت أسالكم من له معرفة بمدارس الفرسان بالرياض حي النزهه

مين يعرف كم رواتبهم ؟ وهل عندهم مواصلات للمدرسات؟

والأهم كيف تعاملهم وأدارتهم ؟

ياجماعه تكفون ردوا علي طالبيني وحابة اعرف عنهم قبل ماروح

ماوظفوني · #2 (**permalink**) 26-01-2008, 09:16 PM

مدارس الفرسان يكرفونك كرف الحمير وممكن يستغنون عنك في أي لحظه من غير مراعاة أوتقدير للتنازلات اللي أنت قدمتيها عشانهم يعني كل شي سويته ممكن يروح هباء منثورا في لحظه وهذي على العموم سيمة المدارس الأهلية كلها لكن تتضح فيهم بزياده ويطلبون منك أعمال مالأمها داعي لكن الحق يقال تعاملهم حلو وإدارتهم حلوه لكن يصدمونك في الأخير ويطردونك بطريقة مؤدبه..
كلامي هذا من واقع تجربه وأتوقع ان اللي حصل معي يحصل مع غيري بدليل انهم كل سنه يغيرون طاقم المدرسات بالنسبه للسنه اللي جيت فيها كان ثلاث أرباعهم جدد يعني معقوله الثلاث أرباع اللي راحوا كانوا غير كفء..
أنا من رايي ياأختي انك تبحثين لك عن وظيفه في مدرسه حكوميه (تعاقد) وإذا ماحصلتي وطفشت مره شوفي لك مدرسه أهلية صغيره ماهي راعية مظاهر وبهرجه أريح لك..
الله يوفقك ويرزقك

وميض أمل · #3 (**permalink**) 26-01-2008, 09:48 PM

مرحبا ...
انا سبق ونادوني مرتين بس ماادري ليه ما حبيت أروح لهم
لكن صاحبتي راحت وسوت مقابله معهم
بقولك وش يقولون لك بالمقابله عشان ما تنصدمين ؟؟

وش الكتب الي قرأتيها
هل تشاهدين التلفاز , مسلسلات ؟؟وش البرامج الي تستهويك
ليش تشقرين حواجبك ؟؟؟
ولا تروحين وأظافرك طويله أصحك ؟؟
كم حافظه من القرآن الكريم ؟

أنا اعرف رواتبهم تبدا من 2500
ودوامهم عادي زي المدارس الأهليه

بالتوفيق

راجيه خير · #4 (**permalink**) 26-01-2008, 11:59 PM

ماوظفوني

ياويلي خوفتيني صراحة لكن أبروح واجرب على الاقل أخذ خبرة وبعدين بكيفهم يطردوني
وبعدين نظام التعاقد متى التقديم عليه ؟
مشكوره يالغلا على الرد

وميض أمل
الله يجزاك خير على هالنصائح والحمدلله اني ماشقر حواجبي واظافري قصيره هههههه

راجيه خير · #5 (**permalink**) 27-01-2008, 01:51 AM

ماوظفوني ماقلتيلي كم رواتبهم يوم اشتغلتي عندهم وهل فيه مواصلات؟

وميض أمل · #6 (**permalink**) 27-01-2008, 04:05 AM

راجيه ذكرت ترى يعطونك ورقتين تحلينها
اسأله دينيه
أركان الصلاة
السنن الرواتب
وهكذا

كل ما تذكرت شي برجع
رواتبهم على خبري 2600 للي ما معه خبره

راجيه خير · #7 (**permalink**) 27-01-2008, 04:38 AM

وميض امل

الله يجزاك الجنة ويفرج عنك

ايه كذا كل ماتذكرتي شي ارجعي

ماقلتيلي قبلوا صديقتك او لا؟
ماتدرين عندهم مواصلات

وميض أمل · #8 (**permalink**) 27-01-2008, 04:43 AM

والله صديقتي من الناس الي عندها اسلوب
تعرفين الي تاخذك بلسانها
وقالوا تعالي نبيك بس رفضت لأنها تبي شغل إداري
وهي تخصصها دراسات وقالوا نبيك مدرسة دين
وهي الي رفضت واتصلوا عليها مرتين بس قالت ما اقدر
خليك رزه وواثقه من نفسك وان شاء الله بينادونك
أنا متأكده
توكلي على الله