السلام عليكم

أنا ناويه بإذن الله أخذ بكالريوس في الجامعة العربية المفتوحه بس التسجيل فاتني هالسنه ويسجل بإذن الله الترم الجاي



وحابه اختصر السنه التحظيريه بحيث أني استغل هالترم وأخذ لي كم مستوى انجليزي من اي معهد عشان لاسجلت في الجامعه اكون اختصرت وقت

أنا في الشرقيه وش رايكم؟


من وين أخذ دورات أنجلس؟*

ابي نصائحكم لاهنتوا

سواء عن كورسات الانجلش او الجامعة العربية

[align=center]ما انصحك في الجامعه العربيه المفتوحه ابداً وعن واقع تجربه

سجلت فيها من زمان وتحسفت وانسحبت منها , على فكره ترا يغرونك لين تقتنعين ان هذي الجامعه هي الافضل

اول شيء دراسه مكثـفه للإنجليزي لأن دراسه المواد كلها بالانجليزي

طبعاً دراسه الانجليزي يلزم فيها الحضور , ولآزم تجيبين في الواجب اكثر من 50% من الدرجه النهائيه وفي الكوزات الشهريه بعد
وايضاً في الفاينل لازم تجيبين اكثر من 50%

مثلاً الواجب عليه 25 درجه
والاختبارات الشهريه عليها 25 درجه
والفاينل النهائي عليه 50 درجه

نقول مثلاً جبتي في الواجب والاختبارات الشهريه 20 وفي الاختبار النهائي جبتي 40

الناتج النهائي = 60 .. معناته تعديتي الرسوب وهذا الشيء معروف في كل الجامعات

لكن الجامعه العربيه لا يعتبر رسوب

ثانياً : الساعات الدراسيه واسعارها

الساعات الدراسيه نااار وكل سنه يزيدون اسعارهم ولا تقدر تقول اي كلمه !

وللمعلوميه ممكن هذا الترم تدفعين 3 الاف وممكن الترم الجاي تدفعين 13 الف !!

كل ماده لها حساب < - تقول دآخل سوبرماركت

يعني صعب جداً تمشين مع الخطه الدراسيه لأن احياناً تكون الساعات غاليه جداً والمواد كثيره , إلا اذا وضعك المادي كويس فهذا موضوع ثاني

ثالثاً : نظام التعليم في الجامعه العربيه المفتوحه

نظام التعليم ذاتي , يعني الماده الوحده تحضرينها مره بالاسبوع او مره كل اسبوعين ,
يعني لازم انتي بنفسك تدرسين نفسك , وانا في وجهه نظري هذا مو تعليم
لأني انا جاي للجامعه وانا جاهل ما اعرف فـ كيف ادرس نفسي اشياء اجهلها

بالعربي البسيط : تسجلين بالجامعه وتروحين تدورين مدرسه خاصه لكل ماده < - مافي فايده ابد !

رابعا : مبنى الجامعه العربيه المفتوحه

من قبل 3 سنوات او سنتين ونص الملك عبدالله دعم الجامعه العربيه المفتوحه بـ 100 مليون والامير سلطان ايضاً دعمهم
والوليد بن طلال ( ابن صاحب الجامعه ) دعمهم

ولحد الآن لم يتم بناء مبنى مستقل للجامعه العربيه المفتوحه .. هل يعقل الجامعه العربيه المفتوحه مستأجره عماره شقق ولخبطه حتى البنات معنا بنفس المبنى , قسم بالله نجلس بالقاعه نسمع صوت البنات !!

طبعاً انا اتكلم عن فرع الجامعه الي بمنطقة الرياض



ادري اني تجاهلت سؤالك وتكلمت عن الي بخاطري لكن والله منقهر منهم

خلآصه كلامي : إذا انتي ممتازه بالانجليزي + ووضعك المادي كويس + انسانه ذكيه وبتتعليم وبتكرسين وقتك للدراسه .. ادخليها والله يوفقك

لكن اذا حقت لعب وزي ماتجي تجي , ما انصحك لأنك راح تضيعين وقتك و مالك


[/align]