السلام علليكم ورحمة الله وبركاته

يشهد الله كل الي بالموقع اعتبرهم اخواني

وهم كلهم مع بعض والله لايفرقنا ولا يغير علينا

كلنا نعاني وكلن له ظروفه الي مايعلم فيها الا الله


انا لي سنتين مخلص ثانوي وخذيت حاسب دبلوم

وقدمت على الامن العام مرتين ومره على امن المنشات ورفضوني بسبة الطول

طولي 167 والله جتني نفسيه و اخوي الي اصغر مني توظف مشاءالله بالامن العام قبل العام

للعلم اطقها مشوار 600 كيلو رايح للرياض و 600 كيلو راجع لديرتي

وعيال حارتنا مابقى الا انا وواحد الحين بثالث ثانوي اخر سنه

والله ماقوله حسد لهم لكن تنقهر لمن تشوف ناس اصغر منك تةظف وانت ماتوظفت

الله يوفقهم ويوفق كل الي يتوظفون لكن ابوي زيه زيه اي اب يبي يشوف عياله موظفين

حالهم حال عيال الناس والله احيان ماودي اصحا من النوم على واقعي

وادارة التعليم والبلديه رئيس البلديه وظف الي من قبيلته اكثر شي الي وخذوها هل الواسطات وقدمنا ولا عبرونا

حسبي الله عليهم

والحمدلله محافظ على الصلاه

والدخان والله ثم والله لو اتوظف لاتركه

الفرااااااااااااغ هو البلا


الله يوفق الجميع

يرجال عوافي اهم شئ الصحه والعافيه غيرك معاق مايقدر يتوظف وغيرك قزم وغيرك وغيرك وغيرك إلخ

يمكن خيره لك والحمدلله وش وراك رزقك راح يجيك وعليك بصلاة والاستغفار ومووفق يابعدي

لا تشكي لي ابكي لكـ الحال من بعضه بس الواحد وش بيده يسسوي ماغير يضيق صدره ويفكرر افكاار كاان بعيد عنهاااااا.......

[align=center]والله انا مثلكم الحال من بعضه ثاني سنه عاطل لا كن ربك كريم

والله قهروني الامن العام طردوني عشان صانتي

كل واحد يبي ياخذ رزقه ان شاء الله [/align]

يارجال الشكوى لله

لا تشكي لي ابكي لك

انا لي اربع سنوات متخرج ونسبتي فوق 83 علمي وشهادة حاسب 3 شهور واتكلم انقلش

ومابقيت مكان ما قدمت فيه وربي خط الرياض والشرقيه مترت فيه اكثر من عشرين مره ولكن بدون فايدة

وشوفني صابر واحمد الله على اللي انا فيه

وصدقني ياخوي ما ناخذ غير رزقنا عليك بالصبر

نصيحة اخوية : لا تفكر بالوظيفه كثير والله تجيب لك النفسيه والهم والضيقه اسألني انا مجرب قبلك

والله ما صدقت اطلع من هالنفسيه وصرت مطنش الدنيا والا والله نهايتك مستشفى شهار ياخوي

بالتوفيق للجميع

ولد غنام احمد الله على حالتك طولك جيد نقول 167 مع التمغط 167ونص

وماتوقع اللجنة تردك عشان نص سانتي

غيرك طوله 165 او 166 ويتمنى واحد صانتي ويدبر واسطه

لا تستسلم عشان نص سانتي

اعرف ناس همهم الطول والحمد لله تيسرت امورهم وتوظفو اصبر والله بيفرجها

الصلاة والاستغفار والصبر والباقي على الله

موفق بأذن الله ... لك مني أجمل تحية

مشكورين على تفاعلكم

شهادة ثانويه نسبتي 91 شرعي وشهادة حاسب دبلوم

فكرت اقدم بالحرس الوطني لكن ماله نقل بالديره عندنا وانا مقدم على المباحث والمخدرات الي بشهر 10 و11

بنتظر وان شاءالله ننقبل ونتوظف وبصراحه لواحد مكاني يقدم على الحرس ولا لا

لاني بصراحه كلمت واحد اعرفه بالحرس الوطني متوظف بالمتوسطه بس ويقولي بالحرف الواحد والله لو معي ثانويه لافصل

يقول لاتقرب الحرس الوطني نصيحه انتم وش رايكم والله يرزق الجميع بالوظايف ويوفقنا وياكم يالغالين

انتظر نتائج المباحث واذا طلعت مقبول مبدئي ارسل خطاب لصاحب السمو الملكي الامير محمد بن نايف

واشرح له وضعك وان شاء الله يكتب لك استثناء والله يوفقك