بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


..


انا ي اخوان بطرح لكم مشكلتي وابي ارائكم ونصصائحكم يمكن اتشجع ولا شي ..

ي اخوان انا شاب خريج ثانويه بنسبه 82% المهم اكره شي اسمه دراسسهـ ولا اطيقها جتني نفسيتي من الدراسه من اول مادخلت ثاني ثانوي وبعدها دخلت اهليه عشان امشي روحي واغيب واجي متى مابغيت المهم الحمدلله مشت الامور ومشت وتخرجت والان , انا في كليه التقنيه تخصص برمجيآت .. والله مادخلتها حب فيها ولا حب في الدراسه كلها عشان الـ 990 ريال الشهري امشي اموري فيها بدال ما اششحد ابوي ولا آمي .. المهم الحين اخلاقي ززفتـ والنفسسيه مره دراسه مافي راسي دراسه الا اذا توظفت يمكن اكمل منتسب او تعليم عن بعد او في كليه التقنيه اكمل تخصصي ليلي ..


وانا في راسي ابي دورات بسيطه حقت 3 او 6 شهور ادخلها واطقططق فيها لحد ماتتسهل ..

آدور شركه اطقطق فيها وامشي اموووري . ولا اكمل دراستي في التقنيه والايام تمشي ولا وش الحل ولله اني احترت وضايقً صدري .. وبخصصوص هذا كله انا مو ف الرياض في محافظه تبعد ساعتين ونص , وامي آبوي من ذوي الاحتياجات الخآصه حتى يعني اشوف مقدر اروح اتوظف واتركهم والوالد الحمدلله متوظف وظيفه زينه وراتبه زين ويكفيني حتى لو تركتها , وهو قال دراستك اولى وانت شوف اللي يريحك وانا ابوك ..

وانا والله مدري وش اسسوي اسحب على الدراسه , ولا اكمل ولا وشش وربي ان راسي بينفجر من كثر ما افككر ...


والله يوفق الجميع

ابوك قالك دراستك اولى وانت شوف اللي يريحك وانا ابوك ..
رضى الله من رضى الوالدين وابوك يشوف شى على المدى البعيد انت ماتشوفة لانة اكبر منك واعرف منك
والشهادة الثانوية اليوم ماتكل عيش بالجامعة وبالواسطة ويادوب يحصلو وظايف

اولا - الله يفرج همك وانا اخوك

ثانيا - صلى صلاة الاستخاره 3 - 4 مرات واستشير الناس اللي يحبونك وشوف الشئ الاقرب الى نفسك وسويه
وانصحك نصيحة محب كلام ابوك عين العقل وهو اللي يخاف عليك ويبي مصلحتك

تحياتي لك وبالتوفيق

الله يجزاكم خير


والله يكتب اللي فيه الخير

ونشوف اخوانا الباقينـ .


والله يزيل همي وهمك وهم كل مسلم يارب

السلام عليكم ورحمة الله وبركاته
اخوي لا تطيح مثل ماطاح غيرك...

كمل دراستك الان كل الشركات تبي بكالريوس .. وحاول تاخذ بكالريوس علوم حاسب ,,
وشد حيلك خليك انسان محب للعلم ومحب لهذا التخصص الي فيه وظائف كثيرة
خليك افضل من الاجانب الي هنا ناهبين البلد
ياربي يوفقك

كمل دراستك وانا اختك
انت باين عليك رجال وما تحب تمد يدك لاحد وال990 ماهي دايمه لك
ولاتبرر لنفسك وتقول انا ماراح افلح بدراسه وانا اطفش بسرعه
خل في بالك ان الدراسة فتره وتنتهي بس بعدها بيكون معك شهاده تنفعك طول عمرك
وبما ان اهلك الله يخليهم لك من ذوي الاحتياجات الخاصه
ليه ماتتخصص بهذا المجال تنفعهم وتنفع نفسك
اتمنى لك التوفيق

الله يجزاكم الخير لكل اللي ردوو علي ..

اختي وجهاويه اي والله مابي احتاج لا حد رغم الله الحمدلله منعم علينا واقدر اعيش بدون وظيفه بس خلاص الى متى وابوي يمد علي وامي تمد علي ابي احس بالمسؤوليه واتوظف واكون نفسي واعيش حياتي الزوجيه .. وانا والله ودي ادخل تخصص يخص الاهل عشان انفعهم بس طوف علي التسجيل ومشيت وسجلت في البرمجيات .. والله يوفقك وويفقني والمسلمين اجمعين يآرب ..


دعوآتكم تكفوون ..

لا تصير متنااقض ياخوك..
تبي وظيفه عشان تصرف عليك..وبنفس الوقت ماراح تكمل دراستك

شهادة الثانويه مثل ماقالوا الاخوان ماتاكل عيش.. ولا راح يوصل راتبك 3000 واذا وصل 3000 راح يشيلون منه التأمينات ويصفى لك 2750
وبتطيح في مدير اجنبي يكرهك حياتك..

خلك على دراستك ولو يصير مايصير لك ... نصيحة اخ .. درااااستك .. والله اهم شي بحياتك..
لا رحت بكره قالت ثانوي .. بتحصل الرد .. خليك على اتصال...

لا صارت معك شهادة بكلوريس +دورات ..صدقني هم اللي يتصلون عليك ويدورن عليك (واعرف اشخاص بنفس النظام)

بعدين انت مو عارف بعمرك هذا وش الاخطاء من قرارك بترك الدراسه الحين .. ومابتحس الا بعد كم سنه

لا صار اللي مثلك وقبلك... افضل منك.. ووصل اسرع..

توكل على ربك وكمل وشد حيلك...وترى تجي (دراسه+وظيفه) مثل الشامبوا 2*1 مايضرك شي لو انك تبي الاثنين


دمتم:::