عن ايش يسآلون ..؟!!

عقرب سآم · #1 (**permalink**) 16-10-2011, 09:03 PM

السلام عليكم ورحمة الله وبركاته

اسعد الله خواطركم بكل خير

عن ايش يسالون ..؟
وش الشي اللى مفروض يسالوا عنه ...؟!!
وش اهمية السوال ..؟ ..؟!!

اتكلم عن اللى يجي يخطب بنت ..
وش المفروض الاهل يسالوا عنه ..
وش البنت المفروض تسال عنه ..؟

برئي الشخصي انا نسيم الماضي
وبكامل قوى العقلية والجسدية اقول

فيه اشياء اساسية ..
لا بد من السوال فيها
وفيه اشياء ثانويه .,

رح اقول اللى في خاطري من باب المناصحة
وتفتيح الاذهان على بعض الشغلات
وحتى ما يطيح الفاس بالراس
واترك بعدها لكم المجال لتعبروا عن ارئكم .,

اسالوا عن دينه.. ويبين دينه من صلاته ..
اذا صلاته مع الجماعة ويتردد على المسجد كويس ..

اما لو تسالوا عنه امام الحي ويقول ما عمره شافه ولا يعرفه .. فعلى ما يقولون
الفكه من جحا غنيمه ..

اخلاقه .. اسالوا اصدقائه والمقربين منه عن اخلاقه
من جميع النواحي .. واهم نقطتين اشوفها
هل يتعاطي اى مخدر
هل هو من اصحاب الاسواق وكثرة السفريات المشبوهة او الشذوذ ..إلخ
واتوقع فاهمين قصدي ..

إذا اخلاقة من جنبها ..

فعلى ما يقولون
ابعد عن الشر وغنى له ..

وإذا مظبوط فهو شخص صالح ناضج ..
قابل للزواج

لا يفلت عض عليه بالنواضج

..

واعزمونا
والله يتمم لهم بخير يارب

تبقى الاسئلة الثانويه .,
عائلته .. وظيفته .. مكانته ..شكله ومظهره..تعليمه..عمره.. إلخ
اشوف انها فقط مكملة ..

اعتذر عن الاطالة ., وعن اسلوبي الركيك .,
ودمتم .,

عقرب سآم · #2 (**permalink**) 16-10-2011, 09:34 PM

جتنى فكرة .,
مدرى ليش ما يطبقونها .,
نعرف ان فيه فحص مبكر للجينات المتزوجين .,

طيب ليش ما فيه فحص مبكر .. لنفسيات المتزوجين ..
كم جلسة للزوج والزوجة .,
وتحديد الشخصيات هل تتوافق او لا ..
مو معقولة نزوج عصبي بعصبية
رح يصير عندنا تنافر بعد فترة
لزم واحد يشد واحد يرخي ..وهكذا ..

احس انى موسوس زيادة .,
بس اتوقع انها فكرة جيدة ..

القلب عيا · #3 (**permalink**) 16-10-2011, 09:40 PM

مسابقه حلوه

عاليمول · #4 (**permalink**) 17-10-2011, 03:44 PM

اقتباس:

المشاركة الأصلية كتبت بواسطة نسيم الماضي

جتنى فكرة .,

مدرى ليش ما يطبقونها .,
نعرف ان فيه فحص مبكر للجينات المتزوجين .,

طيب ليش ما فيه فحص مبكر .. لنفسيات المتزوجين ..
كم جلسة للزوج والزوجة .,
وتحديد الشخصيات هل تتوافق او لا ..
مو معقولة نزوج عصبي بعصبية

رح يصير عندنا تنافر بعد فترة

لزم واحد يشد واحد يرخي ..وهكذا ..

احس انى موسوس زيادة .,

بس اتوقع انها فكرة جيدة ..

وش فيك
حنا ما نبي هالفحص الي ما له داعي
وعلى فكره الفحص لو يكتشف فيك مثلا عقم والا شي ثاني ما يخبرك
يعني ما له داعي فحص ما قبل الزواج
بعدين فحص نفسيات المتزوجين هذي ما لها داعي
هذا تعقيد بس
كل متزوج ومتزوجه نفسيتهم تزين ما يحتاج فحص

أحساس مترف · #5 (**permalink**) 16-10-2011, 09:41 PM

: d
ايه عارفين بس ايش طرى عليك

أتوقع الكلام مافيه شيء جديد

social worker · #6 (**permalink**) 16-10-2011, 09:41 PM

وعليكم السلام ورحمة الله وبركاته

أؤيدك في نقطه الدين والأخلاق وهذي النقطتين مايختلف

عليها أي إثنين

قال صلى الله عليه وسلم

(( إذا أتاكم من ترضون خلقه ودينه وأمانته فزوجوه ))

وأضيف أيضاً

وضعه الإقتصادي يقدر يفتح بيت ولا مايقدر والوضع

الإقتصادي إيش يحدده غير التعليم وعلى قدر

التعليم وقدر الشهادات تحدد الوظيفه كل ماكانت

الشهاده عاليه كل ماكانت الوظيفه راقيه

ودائماً نرى أن أغلب حالات الطلاق بسبب

1- المشاحنات بين

الزوج والزوجه على المال

وخصوصاً إذا كانت المرأه متطلبه ( أهلها معودينها

على تلبيه جميع مطالبها سواءً أساسيه

أو ثانويه)

أو

2- بسبب الفارق الكبير في العمر

أما من ناحيه الشكل النظره الشرعيه هي اللي تحدد يا

يتم الزواج أو لايتم

و كثير زواجات ماتمت بسبب النظره الشرعيه

ممكن الزوج مايشعر بالراحه والعكس

تبقى لدينا عائلته ومكانته

أعتبرها من الثانويات وكل ماذكر أعلاه يعد من

الأساسيات التي ينبغي الحرص عليها عند إختيار شريك

الحياه سواءً زوج أو زوجه

شكراً لك أخوي ع الطرح

أُتـرَجة · #7 (**permalink**) 16-10-2011, 09:43 PM

يختلف سؤال ولي أمر الفتاة عن الشاب فمنهم من يهتم فقط لصلاته ومنهم من يكون أحرص كثيراً فيسأل عن صلاته وسلوكه ونفسيته هل يعاشر أم أنه وحش على هيئة بشر أو مريض نفسي يخفي ذلك أصداقاءه وأهله عن أهل الفتاة فتقع في فخ الخداع وهذا حرام اللعب به
أعرف أب من كثر حرصه على حياة إبنته سأل كل من يحتك فيهم الشاب من مغسل السيارة وبائع التميس وصاحب البقالة وهذا أن دل فإنما يدل على حب وحرص الأب على إبنته
وهناك من الشباب مخاديين فمنهم وهذا عن واقع عشته يتمسك بالمسجد وبكامل الفروض إذا خطب حتى إذا سألوا عنه الإمام سيقول ماشا ء الله لا يترك فرضاً فلمآ الخداع ولمآ لا يلتزم بأمور دينه لله لا للمصلحة فلن يفيد بل سيكشف مستورة
أرفع القبعة لكل أب حريص على إبنته
والله يوفق الجميع

ااااحساس حلم · #8 (**permalink**) 16-10-2011, 09:45 PM

خلهم بس يخلصو اجراءت انضمام الاردن والمغرب ونقدر نتزوج وحنا عطاليين ولا بعد المهور راح تنزل وبقوة
المسالة مسالة وقت يانسيم

عاليمول · #9 (**permalink**) 17-10-2011, 03:40 PM

اقتباس:

المشاركة الأصلية كتبت بواسطة احساس حلم

خلهم بس يخلصو اجراءت انضمام الاردن والمغرب ونقدر نتزوج وحنا عطاليين ولا بعد المهور راح تنزل وبقوة
المسالة مسالة وقت يانسيم

تبناً لك
تبي تتزوج مغربيه والا اردنيه انت ووجهك ولا عاطل بعد
خلاص تزوج واعزمني على العرس وابشر بالمعونه

وسن سالم · #10 (**permalink**) 23-12-2012, 08:25 PM

اقتباس:

المشاركة الأصلية كتبت بواسطة ااااحساس حلم

خلهم بس يخلصو اجراءت انضمام الاردن والمغرب ونقدر نتزوج وحنا عطاليين ولا بعد المهور راح تنزل وبقوة
المسالة مسالة وقت يانسيم

اتحدى بتاخذك آآي بنت وانت مفلس وعآطل

هالبنات الي من برأ يعتبرون الخليجي بنك فقط

والي ما معه ما يسوى شي بنظرهم الله يعينك ع نفسك !!!

تسجيل الدخول

عن ايش يسآلون ..؟!!

إستراحة الأعضـاء

السلام عليكم ورحمة الله وبركاته اسعد الله خواطركم بكل خير

عن ايش يسآلون ..؟!!