بسم الله الرحمن الرحيم

السلام عليكم ورحمة الله وبركاته

طلبت الاخت العزيزة تيراميسيو ان اكتب لها ولكم وللجميع عن تكلفة مصنع الكلادينج بشكل كامل

الا اني آثرت ان لاتدخلوا بمعمعة هذا النوع من المصانع ...

واشرت لها عن مصنع مكمل لمصنع الكلادينج وها أنا اوفي بوعدي معها ومعكم ...

لان تكلفته أقل بكل تأكيد من مصنع الكلادينج .. و بنفس الوقت عليه طلب كبير جدا ..

فلكما زاد انتاج مصنع الكلادينج زاد عمل مصنعنا المكمل ... نبدأ على بركة الله :

سمي بالله تيراميسيو .... وادخلي برجلك اليمين بليززززز


مـبـدئـيـــــا :

خلونا نشوف ايش كان ممكن نحتاج لو سوينا مصنع الكلادينج بشكل عام وسريع ...

الكلادينج عشان نصنعه نحتاج لفائف صفائح الالمنيوم وهذي اما تستورد من برا او من بعض المصانع والتي تنتج المنيوم ..

( مصانع وليس ورش .. مصانع كمصانع شركات سابك )

وهي تجي بالشكل هذا :



بعد كذا راح تتحول لجهاز فرد الصفائح .. وهذي عادة مكينة مكلفه الي حد ما


للأسف الصورة ما طلعت

بالنهايه بيطلع معانا الناتج التالي .. لاحظوا جهاز فرد الصفائح :




طبعا شايفين المكينه انها بتطلع الواح المنيوم مستقيمه ....

بعد كذا تتحول هذي الالواح لمقص الالمنيوم لقص اللوح حسب المقاس العالمي المعتمد

او المقاس اللي يختاره المصنع وهو عادة مابين 8 م في 5 متر ...

مقص الالمنيوم :

نزله وحده بالمقص وتقطع لنا الصفيحه وهو جهاز شبيه لالة قطع الرأس في العصور السابقه ..

ذيك الخشبه اللي فيها سكين وتنزل على رأس المجرم لحد ما يقول آآآآي

شوفوها بس على اكشخ شويا :



وبالنهايه بتطلع الصفائح حسب الشكل التالي :



بعد كذا تتحول لجهاز اخر وهو جهاز لصق ورق بلاستيكي لحفظ اللوح من الخدوش

:

لوح الكلادينج عبارة عن طبقتين تتوسطهما مادة بلاستيكيه تشترى من سابك وتجي على شكل حبيبات

يتم تذويب الحبيبات داخل مصنع الكلادينج عن طريق مكينة اخرى وفائدتها عازل حراري وصوتي ...

هذا احد اشكال اجهزة صهر البلاستيك :




والحبيبات تجي من سابك بهذا الشكل :



ما نبغى نتوغل ونتبحر بالموضوع كثير لكن احببت ان اضع ماسبق لنعلم مدى تكلفة المصنع

-----------------------

خلونا الان بالفكرة اللي طلبتها مني الاخت تيراميسيو ...

انا قلت لها بأحد ردودي ... ان هناك فكرة مرتبطة بمصنع الكلادينج ..

ويعتبر مصنع مكمل ولايمكن تركيب الكلادينج بواجهة اي مبنى مالم تمر الالواح على هذا المصنع

لو رجعنا للوراء شوي في موضوعي ( الذهب لمن يبحث عن الذهب ) وهذا رابطه :

http://btalah.com/showthread.php?t=360523

بتلاقوني قلت كلمة وما احد انتبه لها ولا سألني عنها احد .. شكلكم تقرأون سريع سريع بدون تركيز يامال العافيه

انا قلت وبالحرف الواحد :

ان الالواح لما نشتريها من المصنع نوديها يقصونها ويلفوا جوانب اللوح عشان نقدر نركب الواجهه وما نخرب شلكها ...

مافيكم واحد قال وين نوديه ؟؟ وشو هالمكان الخفي ؟؟؟؟

اللوح يجي من المصنع بحجمة الطبيعي واللي ذكرته لكم فوق 8 في 5 تقريبا بشكل مسطح ومستوي

طيب هل المصنع عنده استعداد انه يقص لك اللوح حسب ما تريده انت وحسب واجهة المبنى ؟؟

تخيلوا عامل شايل لوح طوله 8 متر وعرضه 5 متر وطالع فيه الدور العاشر وهو على سقاله ..

اطلاقا ما ينفع ... وكمان هنا مباني لو ركبت اللوح بكامل مساحته راح تغطي على شبابيك المبنى

نرجع ونسأل : هل مصنع الكلادينج يقص لك الصفائح بالمقاسات اللي تحتاجها ؟؟؟

لا ما يقصه لك .. يعطيك اللوح كامل بدون قص

طيب هل المصنع يلف لك جانب اللوح بحيث تقدر تركب اللوح على الوجهه من الجوانب وليس من الامام ..

تخيل مركب الكلادينج و وجه المبنى كله مسامير وتخريم

اللوح قبل ما نركبه لازم نلف جوانبه بحيث تصير بالشكل التالي :



ركزوا ع الصورة بليززززز ... شوفوا زاوية اللوح كيف صارت ...

صارت زاويه 90 درجة .. ومن هنا يتم تثبيت اللوح على واجهة المبنى وليس من الامام

مو تخرموا واجهة الالمنيوم وتصير كنها وجه جايه جدري ...

طيب كمان شغله مهمه ... قد يحتاج المبنى لعمل تلبيس على الاعمده بالواجهه

وكمان ما احد انتبه لهاكلام لما نزلت صورة محطة ساسكو وقلت لكم شوفوا كيف تم تلبيس العمود

احد سأل نفسه كيف تم لف الالمنيوم واصبح اسطواني الشكل ؟؟؟

كل ما ذكرته هو من ضمن المصنع المكمل اللي قاعد اعرفكم ايش بيكون عمله ....

الالمنيوم اللي راح تستلمه من المصنع بيكون بالشكل التالي :



لاحظوا الان الالمنيوم طبقتين بوسطهم حاجه لونها رمادي .. هذا هو البلاستيك العازل عن الحرارة والصوت

طبعا لو يجي رجل اقوى شي بالعالم ما قدر يلفه او يعفطه < < يعفطه عفطا فهو معفوط يعني يلفه ع بعضه عاد افهموها انتم ...

نوريكم صوره اخرى عشان تشوفوا العازل البلاستيكي بين طبقتي الكلادينج :




شوفوا طبقتي الالمنيوم ... واللي باللون الاسود هو البلاستيك العازل ..

صورة اخرى للتوضيح :



طيب الان عرفنا ان لوح الكلادينج يحتاج الي عمل زوايا بكسر الحافة وعمل زاوية 90 درجة كما سبق

ايضا قد نحتاج الي عمل الواح اسطوانية الشكل لتكسية وتغليف الاعمده ...

مين راح يسوي كل هالاشياء ؟؟؟

وخذوا بالكم ترى لا يمكن تركيب لوح الكلادينج الا لما تسوي الزاوية فيه ...

هنا يجي دور مصنعنا المكمل لمصنع الكلادينج الكبير ....

التكلفة المالية :

تختلف ماكينات التصنيع من ماركة الي ماركة ومن بلد مصنع الي بلد اخر

فالصناعة الالمانيه ممتازة وهافي ديوتي لكن سعرها غالي جدا

الصيني سعر رخيص لكن مشكلته انه لايتحمل

انصح الجميع بالبحث عن المكاينات في سوريا ...

وستجدون هناك اجهزة مجدده او مصنعه في سوريا واسعارها مناسبه جدا ... مع تمديد عصاقيلكم كم يوم بالزبداني

ما نحتاجه من الاجهزة مايلي :

مكينة قص الالواح حسب المقاسات التي تستلمها من مقاول التركيب

مكينة لف اللوح وعمل الزوايا

مكينة عمل اشكال هندسيه اخرى واهمها الشكل الاسطواني ... واشكال منحنيه ومقوسه وهكذا ..

وهذه الماكينة بالذات ممكن استخدامها بعمل اشكال اسطوانية بألواح الاستانلس ستيل

وعادة تستخدم اعمدة الاستانلس ستيل داخل المنازل والمباني الضخمه كنوع من الديكور


اكثر شي راح تشتغلوا فيه هو قص ولف زوايا الالمنيوم ...

بمعنى ان جميع مؤسسات وشركات التركيبات راح تجي لكم وتطلب القص والزوايا

بداية الامر قد لا تحتاجوا سيارة نقل لان العميل هو بنفسه راح يوصلها لكم ويتسلمها منكم بعد عمل اللازم ...

كمان نحتاج الي مكان .. خلونا نقول ورشة باي منطقة صناعيه وتختلف الايجارات من منطقة لاخرى

وان يكون في المصنع او الورشة مكاتب لادارة العمل والمتابعه ...

نحتاج ايضا الي عدد 2 عماله فنيه مدربه تدريب جيد .. وقد نحتاج الي زيادة العدد كلما زاد العمل لدينا ...

سكن عماله ... سيارة صغيره توصل العمال من مقر سنكهم للمصنع واعادتهم مره اخرى ...

الطرق التسويقية للمشروع :

هذا المصنع لن يحتاج الي تكلفة تسويقية عاليه .. كل ماعليكم هو كتابة خطاب بصيغة معينة

تشرحون بالخطاب امكانيات المصنع ونوعية العماله ( اهم شي نوعية العماله )

وتسليمها الي مدراء المؤسسات او الشركات المتخصصه بتركيبات الكلادينج ...

يعني بيكون العمل عن طريق التليفون والمتابعه الشخصيه مع من بيده الامر بتلك الشركات ..

لا احد يروح لمالك المبنى ؟؟ لان مالك المبنى سلم العمل للمقاول .. يعني انت تروح للمقاول مباشرة ...

مندوب للبحث والمتابعه مع المؤسسات في حال عدم تفرغ البعض منكم .....


فترة استرداد رأس المال والدخول بمرحلة الارباح :

دورة رأس المال تختلف من منطقه لمنطقه اخذين بالاعتبار الايجارات وتفاوت اسعارها من منطقة لاخرى ؟؟

ايضا مدى قوة السوق في اعمال الكلادينج .. فمنطقة مثل الرياض فيها شغل كبير تختلف عن منطقة مثلا بالشمال ....

بشكل نظري اتوقع فترة استرداد رأس المال من سنة الي سنة ونص في حال العمل جيد


تقريبا انا بكذا غطيت معظم جوانب هذا المصنع ... باقي ادور عنوان للموضوع عسى الله يجيبه

دمتم بود ... اخوكم