بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
الحمد لله اليوم الاثنين 19/11/1432 هـ وصلت الدمام ،بعد معاناه وظلم الى ابعد حدود

في يوم الاحد 18/11 كان موعدي للمقابله المبدئية في الرياض (مركز التدريب) على طريق خريص
اول شي رحت للمركز الساعه 5:30 دقيقه ، وكان فيه زحمه وحال يرثى عليه...
وتجمع الشباب كلهم عند البوابه لدخول ،، وفتح الباب الساعه 7:15 دقيقه...
وكان فيه تدافع قوي عند الدخول مما أدى الى اصابات بليغه ..(واحد قطعت اذنه) والثاني (جرحت يده ) والثالث ( تجرح في رائسه) وغيره كثييييييير والشباب كلهم ملطخين بالدماء
وكانك داخل مجزره ,,,
طبعا كل هذه الاصابات من الملف العلاق الاخضر (يوجد في اطرافه حديده حاده جدا مثل السكـين)
اول ما دخلنا في المركز قال الظابط : الى ماعنده حاسب الى 6شهور يطلع برى
والي لابس ثوب يطلع برى والي شعره طويل برى (لازم رقم 0 أو 1أو 2)
والي لابس بدله عاديه وجنز يطلع برى (لازم بدله رياضيه وبنطلون رياضي )

بعدين يشوفون ملفك واذا كان كامل يسوون لك توقيع بالختم وبعدين تمر من عند حديده
اذا صك راسك فيها تكمل مشوارك ،،، واذا ما صكيت فيها يطلعونك برى (لانه يدل على الطول اقل من المطلوب)
وبعدين تروح عشان قياس الطول (طبعا ماراح تخلص كل شي في نفس اليوم لازم تراجعهم يوم ثاني لان اذا جت الساعه 9 وما اخذت الطول يقولك يلله مع السلامه اطلع برى وتعال بكره)

طبعا انا رحت الاحد وكنت على الطابور من الساعه 7 الى 9 وبقى قدامي 9 اشخاص تقريبا
وقال الملازم انا تعبت ... ياعسكري قفل الباب وطلعووهم هذوول الحميييرر طبعا لاحد يستغرب على هذه الالفاظ وفيه كلام اخسسسسسسس من كذا والله استحي اقوله
المهم انا طولي 169 ورحت اكثر من 3 مستوصفات وكلها نفس الرقم ،، طبعا عشان أتاكد
وبعدين طلعونا يوم الاحد الساعه 9 وانا ماخلصت شي.. والله انقهرت واقف 4 ساعات في الشمس انتظر دوري يجي وفي النهايه قالو تعالو بكره ...
وجيت اليوم الثاني الي هو اليوم الاثنين وقلت لهم انا موعدي امس بس ماخلصت الوزن والطول لان الملازم قال تعالو بكره وملفاتنا موقعه وكل شي ... قال العسكري الي عند البوابه تعال ادخل
طبعا بعد الجروح الي جت فيني والزحمه كلها ربي يسرها لي
ويوم دخلت قال العسكري الي امس جاء (الاحد ) ووقعنا على ملفه يروح ياخذ الطول
ورحت انا ومجموعه كثيره تقريبا 900 طالب (الي باقي من امس )
ووصلت الى الطول وقالي لف وجهك قدام ( ما يبغاني اشوف طولي كم ) الشغله صارت في يد العسكري مااافي قااانووون ولا مرااقبين ولا هم يحزنون
وقالي العسكري طولك 167 اطلع برى يأأأ ** ما ودي اقولكم واللله عيب المهم دعيت عليه في وجهه وقلت له لاتظلمني انا طولي 169 ليييش تظلم؟ انا اعرفك ؟؟
وطبو علي 2 عسكر مسكوني مع ملفي وطلع الشهادتين الاصليتين من الملف والباقي شقق الاوراق كلها قدام عيوني مع الملف
والله انقهرت وطااارت اعصابي معد فيه اتحمل اكثر من كذا لاكن وش انسووي(محد يقدر يشتكي ولا شي لان هم حكومه ،، تروح تشكي عليى مين؟؟!؟!) الله ينصرنااا عليهم ظلموونااا والله كانو معي حوالي 500 طالب نفس الشي كلهم 168 و 169
(هم اصلا يبغون الطول فوق 170 ) بس قالوا في الشروط 169 و168 بس كلام والله العضيم

بالمختصر الشديد واعذروني على الاطاله
1- الي ما عنده حاسب الى 6 شهور ومافيها ختم معتمد وتاريخ بدايه ونهايه (لايتعب نفسه ويروح )
2- الي طوله بين 170 و 168 وماعنده واسطه (لا يتعب نفسه ويروح )
3- الي يلبس ثوب (لايتعب نفسه ويروح )
4- الي شعره اكثر من رقم 2 (لا يتعب نفسه ويروح )
5- الي عنده كرامه (لا يتعب نفسه ويروح )
6- نصيحه الي يروح لهم ياخذ معه مويه بريال بارده والله العضيم بتدعون لي ان شالله لان الجوو حر وشمس ولا يتغير عليكم الجو
7- نصيحه لاحد ياخذ جواله والمحفظه (البوك) في مخباه ،، ترى الشباب كلهم ضيعووها بسبب الزحمه وفيه سرقه عيني عينك
8- لاتروح لهم لحالك ( خذ معك احد الاقارب ولا الاصدقاء عشان يمسك اغراضك وتدخل بالزحمه عند الباب )
9- يدورون فيك الغلطه (الزله) على اي شي تسويه عشان ينقصون العدد الكثير

والله يعين ،،، الله لايوفق ذاك العسكري ظلمني حسبي الله عليه ونعم الوكيل






إي استفسااار انا حااظر

الله يعوظك باللي افضل منها قول امين

يلعن ام القهر معقولة كل هذا انشالله خيره لك ياابعي والله يرزقك بحسن منهاااااا. عندي كم سوال التصوير اصور ببدله ولا ثوب وهل اجيب الشهايد الاصلية ولا

الله ياخذة ملعون الوالدين والله لوني منك لاروح ديوان المظالم وقدم شكوى يرجعون حقوقك واعادو الكشف

وعليكم السلام ورحمة الله وبركاته
الله يوفقك باحسن منها

الله يعينك يالخوي ظلم حسافة والله

مركز تدريب الرياض اخلاقهم معروفه
وعلى فكره حصل شغب في احدى الدورات عندهم قبل سنتين
فيه واحد من الظباط رتبه كبيره تكلم على الطلاب بالفاظ *** ودار البقس بينهم وما كان بقى عن التخرج الا اربعة ايام

الله لايووووفقه

لو أني مكانك ما أطلع الا ياجالد يامجلود .. قسم بالله لا امسح فيه تراب الميدان ..

انا صاري لي موقف فيه إهانة في تقديم الدفاع الجوي اللي صار قبل فترة ..
عند البوابة واقفين اثنين عسكر يفتشون الطلاب قبل لايدخلون
الدخان كان بجيبي طلعه العسكري وطشه على الارض وقال ممنوع يالله إدخل
انا وقتها شعره وأعطيه مخمس بس قلت ياولد لا تخرب على نفسك يمكن يوظفونك
وخلصت كل شئ .. بس الفرز النهائي ماطلع أسمي ..

عموماً الله يعوضك, قطاعات الداخلية كلها واسطات ..
مالك الا مكاتب التجنيد