17-10-2011, 10:45 PM
|
عضو متواصل
|
|
تاريخ التسجيل: Mar 2011
المشاركات: 44
معدل تقييم المستوى: 1390
|
|
|
ماحصل اليوم بلجنة القبول والتسجيل بالامن العام بالرياض
السلام عليكم ورحمة الله وبركاته
انا حضرت اليوم الساعه 6 الصباح وانا واقف مع الزحمه عند البوابه
مبدل وملفي كامل من جميع الاوراق المطلوبه وطبعا اهم شي شهادة الحاسب تكون 240 ساعه
يعني 6 شهور والي اقل مع الباب
ولازم تصدقون شهادة الثانويه وحسن السيره والسلوك والحاسب من المدرسه والمعهد
واول مادخلنا صفونا بالساحه والي شعره فوق نمره 3 مع الباب يعني لازم تحلقون نمره 2 بالكثير
ملاحظه اليوم لما شفت الزحمه تحطمت قلت اكيد زحمه وماراح ادخل لكن اغلب الموجودين جايين بغير مواعيدهم ومع الباب مادخلوهم اهم شي طباعة نموذج القبول عشان التاريخ يشوفون التاريخ واليوم عشان يدخلونكم
وطبعا النفسيه للعسكر ززفت لكن استحملوهم عادي هم يبون يختبرونكم
لدرجة فيه ملازم حط في طالب معنا قام يقوله الفاظ ماراح اقولها لكن بالنهايه يوم شافه صامل ولاكانه سامع شي اخذه وقال للعسكر خلصوه اول واحد
المهم قاسو الطول اهم شي الطول
والي جسمه بدين دخلووه الصاله وقاسو وزنه
وجلسونا بالصاله ونادو بالاسماء واحد واحد عشان الفحص يسالون وين تبي تسوي الفحص الطبي واخذو 3 صور مكشوف الراس
طبعا انا من الشرقيه بالاحساء وطلبت الاحساء وقالي استرح مكانك انتظرننا لين الساعه 11 ونص وبدو ينادو بالاسامي لين جا دوري وعطوني ملفي وفيه جميع اورااقي مع دفتر الكشف الطبي والبصمات والعمده
ولازم اصدق شهادة الثانويه من وزارة التربيه والتعليم وشهادة الحاسب من المصدر المشرف على المعهد يعني الموسسه العامه والا غيرها الي معتمده منها
وواعدوني بتاريخ 27/ 2 لتسليم جميع الاوراق مع الكشف الطبي والشهايد المصدقه
|
العرض العادي
